جاڭا «جىبەك جولى»

بويىمەن ساپارعا شىققان الەمدىك اۆتوراللي شاباندوزدارى قازاقستاننىڭ قوستاناي وبلىسىنا كەلىپ جەتتى «جىبەك جولى» راللي اۆتوكولىك جارىسىنا 42 ەلدەن قاتىسقان 60-تان استام كوماندا قوستاناي كۇتىپ الدى. ولاردى وبلىس اكىمىنىڭ ورىن­باسارى مارات جۇندىباەۆ پەن قوستاناي قالاسىنىڭ اكىمى با­زىل جاقىپوۆ قۇتتىقتادى. قوناق­تاردىڭ تىنىعىپ الۋىنا بارلىق جاعداي جاسالدى. جارىسقا جول تاڭدامايتىن 23 جۇك ماشيناسى, 118 دجيپ ماشينالارى قاتىسىپ كەلەدى ەكەن. – «جىبەك جولى» ءرالليىنىڭ بۇل جولعى ساپارى وتە ۇزاق, 10800 شاقىرىمدى قۇرايدى. وعان بار­لىق قۇرلىقتان سپورتشىلار قاتى­سۋدا. الەمدى تاڭعالدىرعان اتاق­تىلاردىڭ بارلىعى وسىندا. ەجەلگى «جىبەك جولى» مەن بۇگىن­گى ءبىز ءجۇرىپ وتەتىن جاڭا «جىبەك جولى­نىڭ» اراسىندا ۋاقىتتىڭ ءۇزىل­مەيتىن ءتىنى جاتىر. ول جاڭا­رىپ, ەل مەن ەل, مەملەكەتتەر مەن مەملەكەتتەر اراسىنداعى ەكو­نو­ميكالىق, مادەني بايلانىستار­دى نىعايتا بەرەدى, – دەدى «جىبەك جولى» ءرالليى جوباسىنىڭ ديرەك­تورى ۆلاديمير چاگين. اتى اڭىز­عا اينالعان اۆتوشاباندوز ۆلا­ديمير گەننادەۆيچ قازاقستان­دىق­تار تۋرالى دا جىلى پىكىرىن ءبىلدىردى. – سىزدەردىڭ ەلدەرىڭىزدە راللي رەيدى جوعارى قارقىنمەن دامىپ كەلەدى. ولار قاڭتاردا وتكەن جارىستا جەڭىمپاز اتانعان بولاتىن. قازاقستاندىق اۆتوشاباندوزدار شەبەرلىكتەرىن جىلدام جەتىلدىرىپ كەلەدى, بۇل جولى دا ولاردىڭ قارقىنى ەرەكشە, – دەدى جوبا جە­- تەكشىسى ۆلا­دي­مير چاگين. اۆتوشاباندوزدار قازاقستان جەرىنىڭ 3 مىڭ شاقىرىمىن باسىپ وتەدى. جارىستىڭ 15 كەزەڭىنىڭ 4-ۋىندە ەڭ كۇشتى دەگەن كولىكتەر مەن سپورتشىلاردىڭ كۇشى ۇلى دالادا سىنالماق. قاتىسۋشىلار قازاق ەلى ايماقتارىنىڭ سۇلۋلىعى مەن كەڭدىگىنە دە كۋا بولادى. شەرۋ قوستانايدان استاناعا قاراي بەت الدى. ءنازيرا جارىمبەتوۆا, «ەگەمەن قازاقستان» قوستاناي