Shacman

شەتەلدىك بۇل جۇك كولىگىنىڭ بولشەكتەرى سەمەيدە قۇراستىرىلادى   سەمەي قالاسىنداعى ءىرى كاسىپ­ورىنداردىڭ ءبىرى – «سەماز» جاۋاپ­كەرشىلىگى شەكتەۋلى سەرىكتەس­تىگى دامۋدىڭ جاڭا كەزەڭىنە اياق باستى. قازاقستاندىق قۇرامدى ارتتىرۋ ماقساتىندا زاۋىتتا قۇراستىرىلاتىن SHACMAN جۇك كولىكتەرىنىڭ شاناعى مەن كەيبىر بولشەكتەرى ەندى زاۋىتتىڭ وزىندە شىعارىلا باستادى. بۇل ءوز كەزەگىندە 50 ادامعا جۇمىس كوزىن تاۋىپ بەرىپ وتىر. قالاداعى كوللەدجدەردىڭ ءبىرىن اياقتاعانىمەن, ۇزاق ۋاقىت جۇمىسسىز جۇرگەن ايبەك ورازبەكوۆ قىزمەت ورنىن اتالعان زاۋىتتان تاپتى. ەكى اپتا بويى تاجىريبەدەن ءوتىپ, جاقسى ناتيجەسىمەن كوزگە ءتۇس­­­كەن اۆتومەحانيك جارتى جىل­دىڭ ىشىندە جۇك كولىكتەرىن قۇ­راس­تىرۋدىڭ قىر-سىرىن جەتىك مەڭ­گەرگەن. مەن التىنشى پوستتا جۇمىس ىستەيمىن. كولىكتىڭ كابيناسىن قۇ­رامىز, قۇبىرلار شىعارامىز. جۇ­مىسىم وزىمە ۇنايدى, دەدى ول. زاۋىت­تا كۇنىنە 3-4 SHACMAN كولىگى شىعارىلادى. وسى ۇلگىدەگى قازاق­ستاندىق قۇرامنىڭ ۇلەسى 38 پاي­ىزعا ارتىپ وتىر. جۇك كولىك­تەرىن قۇراستىرۋ بويىنشا 120 ادام ەڭبەك ەتەدى. كاسىپورىننىڭ ءوندىرىس باسشىسى جاندوس ءىلياسوۆتىڭ ايتۋىنشا, جىل سوڭىنا دەيىن 400 دانا تەحنيكا قۇراستىرۋ جوسپارلانعان. الايدا, بۇل كورسەتكىشتى سۇرا­نىسقا وراي ەكى ەسەگە دەيىن ارتتىرۋ مۇمكىندىگى بار. دۋمان اناش, «ەگەمەن قازاقستان» سەمەي