شيفەر ەمەس... چەرەپيتسا!

ەلىمىزدەگى ەڭ ءىرى مەگاپوليستىڭ ىرگەسىندە ورنالاسقاندىقتان بولار ىلە اۋدانىنداعى ءوندىرىس ورىندارىندا بۇگىندە ەڭبەكتىڭ قارا قازانى قايناپ-اق جاتىر. تاپسىرىس مول. تەك قۇرىلىس قا­جەتتىلىكتەرىن وتەيتىن ءوندى­رىستىڭ ءبىرى عانا بىلتىرعى جىلى مەملەكەتكە 512 ملن. تەڭگەدەن استام سالىق تولەپ, بيۋدجەت قورجىنىن تولتىرۋعا قوماقتى ۇلەس قوسا ءبىلدى. شەتەلدىك ينۆەستور­لار باسشىلىق ەتەتىن وسى «STYNERGY» جشس ءۇستى بولات­پەن جۇقالاپ جابىلعان ءونىم شى­عارادى. تۇرعىن ۇيلەردىڭ توبە­لەرىن جابۋعا ارنالعان قۇرىلىس ماتەريالدارى – چەرەپيتسا سان الۋان تۇسپەن, ءارتۇرلى كولەممەن شىعارىلىپ ساتىلادى. «بيىل ءبىز قازاقستاندىق رىنوك­قا باسا نازار اۋدارىپ, جان-جاقتى ساراپتاما ءجۇر­گىزە وتىرىپ, زاڭناما شەڭبەر­ىندەگى جۇمىسىمىزدى جۇيەلى ءتۇر­دە جالعاستىرۋدامىز. كوم­پانيامىزدىڭ الماتى, تەمىرتاۋ, قاراعاندى قالالارىندا وندىرىستىك كەشەندەرى بار. جالپى 272 ادام تۇراقتى جۇمىسپەن قام­تىلسا, 42 ازامات كەلىسىم-شارتپەن ەڭبەك ەتەدى. ەڭبەكاقى قورى بىلتىر 451 ملن. تەڭگەگە جەتىپ, كوم­پا­نيا­نىڭ جىلدىق اينالىمى 10-13 ملرد. تەڭگەنى قۇرادى», دەدى «STYNERGY» جشس ديرەكتورلار كە­ڭە­سىنىڭ توراعاسى حالدەر تاپاس. نەگىزى بۇل ءوندىرىس ورنى 2005 جىلى مەتالل ونىمدەرىن ساتۋ كاسىپورنى رەتىندە قۇرىلعان. بۇگىندە ەلىمىزدەگى ءىرى ءوندىرىس ورنىنا اينالىپ, قازاقستاندىق رىنوكتا مەتالل ونىمدەرىن شىعارىپ ساتۋ بويىنشا 18-22 % ۇلەسكە يە بولىپ وتىرعان جايى بار. بارلىق ونىمدەرى ISO 9001-2009 ساپا ستاندارتىنا سايكەس وندىرىلەدى. الماتى قالاسى مەن وبلىسىنىڭ شەكاراسىندا 1,8 گەكتار جەردى يەلەنىپ ءارى تەمىرجول تۇيىعىن دا سول جەرگە ەنگىزىپ وتىر. شيكىزاتتى قاراعاندى مەتاللۋرگيا كومبيناتىنان ورامدالعان بولات تۇرىندە اكەلىپ بالقىتىپ چەرەپيتسا شىعارۋدا. سونىمەن قاتار, ءۇش قاباتتى سەندۆيچ-پانەل دەپ تىزبەلەنەتىن 12 ءتۇرلى ءونىم تاعى بار. ارقايسىسى وزىندىك تارتىمدىلىعىمەن نازار اۋدارتادى. ونىڭ ءوزى بۇل قۇرىلىس ما­تەريالىنىڭ قانداي دا ءبىر قاجەت­تىلىكتى وتەيتىندىگىن بىلدىرەدى. نۇربول الدىباەۆ, «ەگەمەن قازاقستان» الماتى وبلىسى, ىلە اۋدانى