قازاقستان تمد ەلدەرى اراسىندا كوش باستاۋدا

قازاقستان جەلىلىك دايىندىق يندەكسى بويىنشا 139 ەلدىڭ اراسىندا 39-شى ورىندا. 2016 جىلعى 6 شىلدەدە ءدۇ­نيە­جۇزىلىك ەكونوميكالىق فورۋم (دەف) الەمنىڭ ءتۇرلى ەلدەرىن­دەگى جەلىلىك دايىندىق يندەك­سىن انىقتاۋ بويىنشا زەرتتەۋ ناتيجەسى كور­سەتىلگەن جىل ساي­ىن­عى «اقپارات­تىق تەحنولوگيالاردى دامىتۋ بويىنشا جاھاندىق ەسەپتى» جاريالادى. بيىلعى جىلى الەم ەلدەرى كورسەتكىشتەردىڭ ءتورت كاتەگورياسى بويىنشا باعالاندى:

1. تەحنولوگيالاردى قۇرۋ مەن پايدالانۋ ءۇشىن جالپى ورتا;
2. اكت-ينفراقۇرىلىمداردىڭ قولجەتىمدىلىگى تۇرعىسىنان جەلىلىك ازىرلىك;
3. جاڭا تەحنولوگيالاردى ۇكىمەتتىڭ, جەكە سەكتوردىڭ جانە جەكە تۇلعالاردىڭ پايدالانۋى;
4. جاڭا تەحنولوگيالاردىڭ ەكونوميكالىق جانە الەۋمەتتىك ىقپالى.

وتكەن جىلمەن سالىستىرعاندا كوش باسىنداعى ۇشتىك – سينگاپۋر, فينليانديا, شۆەتسيا وزگەرگەن جوق. قازاقستان تمد ەلدەرى ارا­سىندا كوشباسشى ورىنعا تۇ­راقتاپ, وڭىرلىك رەيتينگتى باس­تاپ تۇر. «اكت سالاسىنداعى زاڭنامانى دامىتۋ» كورسەتكىشى بويىن­شا قا­زاقستان 2015 جىلعى كورسەت­كىشتەن (48 ورىن) 10-ورىنعا جوعارىلاپ, 2016 جىلى 38-ورىنعا تۇراقتادى. «مەكتەپتەردە ينتەرنەتكە قول­جەتىمدىلىك» كورسەتكىشى بويىنشا ەلىمىز ءبىر جىل ىشىندە 15-دەڭگەيگە كوتەرىلىپ, 41-ءشى ورىنعا جەتتى. «بيزنەستى اشۋ ءۇشىن قا­جەت­تى ۋاقىت» جانە «بيزنەستى باس­تاۋ­عا قاجەتتى پروتسەدۋرالار سانى» كورسەتكىشتەرى بويىنشا قا­زاق­ستان الەم ەلدەرىنىڭ العاشقى وتىز­دىعىنا ەنەدى. بۇل رەتتە ءبىز ءبىر جىل ىشىندە كورسەتكىشتەرىمىزدى ەكى ەسەگە ارتتىرىپ, قازىرگى ۋاقىتتا سايكەسىنشە 26 جانە 22-ورىندارعا جەتتىك. «ەگەمەن-اقپارات»