الماتىعا مىسىردان 12 ارىستان اكەلىندى (فوتو)

[caption id="attachment_50741" align="aligncenter" width="684"] فوتو: inform.kz[/caption] الماتىنىڭ اباي داڭعىلىمەن ءجۇرىپ وتكەن تسيرك ارتيستەرىنىڭ شەرۋى حالقىنىڭ, اسىرەسە, بالالاردىڭ  نازارىن وزىنە ەرەكشە اۋداردى. شەرۋ حالىقارالىق جوباعا كىرگەن «12 ارىستان مەن مىسىر حانزاداسى» اتتى مەرەكەلىك كاۆالكادا تالاپتارىنا سايكەس جۇرگىزىلدى. سونىمەن قاتار, سالتاناتتى شەرۋگە الماتى تسيركىنىڭ «نوماد» توبىنىڭ اتتارى مەن اكروباتتارى, ۇيرەتىلگەن حايۋاناتتارى, جونگلەرلەر مەن سايقىمازاقتار جانە تسيرك بالەتىنىڭ ارتيستەرى قاتىستى. [caption id="attachment_50742" align="aligncenter" width="659"] فوتو: inform.kz[/caption] «بۇل شارا الماتى قالاسىنىڭ 1000 جىلدىق مەرەيتويىنا ارنالىپ ۇيىمداستىرىلىپ وتىر. الماتى تسيركى اباي داڭعىلىنىڭ بويىمەن دوستىق كوشەسىنە دەيىن ءجۇرىپ ءوتىپ, حالىقارالىق تسيرك شەرۋىن باستاپ بەردى. ول ءۇشىن مىسىردان 12 ارىستان يەسىمەن كەلگەنىن دە ايتۋعا ءتيىستىمىن», – دەدى قازاق مەملەكەتتىك تسيركىنىڭ ديرەكتورى باقىت بوكەباەۆ. [caption id="attachment_50743" align="aligncenter" width="609"] فوتو: inform.kz[/caption] تسيرك شەرۋى الماتىدا ءۇش كۇن  ءارى ءۇش باعىتتا جۇرەدى. [caption id="attachment_50744" align="aligncenter" width="663"] فوتو: inform.kz[/caption] الداعى سەنبى كۇنى مىسىرلىق ايگىلى تسيرك شەبەرى حاماد كۋت الماتى تسيركىنىڭ ارەناسىندا «12 ارىستان مەن مىسىر حانزاداسى» اتتراكتسيونىمەن ونەر كورسەتەدى. تالعات ءسۇيىنباي