تالدىقورعاندا جاڭا بالاباقشا اشىلدى

[caption id="attachment_50705" align="aligncenter" width="700"] فوتو: عالىممۇرات جۇكەل[/caption] تالدىقورعان قالاسىندا مەملەكەتتىك-جەكە-مەنشىك ارىپتەستىك اياسىندا 125 ورىندىق جاڭا بالاباقشا اشىلدى. «ەلوردامىزدىڭ كامەلەتتىك جاسقا تولۋىنا ورايلاستىرىلىپ, اشىلعان بۇل بالاباقشا زامان تالابىنا ساي جابدىقتالىپ وتىر. نەگىزى الماتى وبلىسىنىڭ ورتالىعىندا مەملەكەتتىك ساياساتقا ساي جاڭادان اشۋعا جوسپارلانعان 12 بالاباقشانىڭ ءۇشىنشىسى. مۇندا بارلىق جاعداي جاسالىپ, اتا-انالاردىڭ بالالارىن ەش الاڭسىز قالدىرىپ كەتۋگە ويلاستىرىلعان. ىڭعايلى دا تازا بولمەلەردىڭ بارلىعىنا بەينەكامەرالار ورناتىلعان», دەدى تالدىقورعان قالاسىنىڭ اكىمى باعدات قاراساەۆ. بۇگىنگى كۇنگە دەيىن تالدىقورعان قالاسىندا مەكتەپكە دەيىنگى 50 مەكەمە جۇمىس ىستەۋدە. سول مەكەمەلەردىڭ 16 عانا مەملەكەتتىك بولىپ سانالادى. بۇل بيزنەسمەندەردىڭ مەملەكەتتىك-جەكە-مەنشىك ارىپتەستىككە ەرەكشە كوڭىل ءبولىپ, قىزىعۋشىلىق تانىتىپ وتىرعانىن بىلدىرەدى. تاعى ءبىر ايتا كەتەر جايت وسى جاڭا بالاباقشانى اشۋمەن بىرگە تالدىقورعاندىقتارعا 37 جۇمىس ورنىن دا اشىپ بەرىپ وتىر. بيزنەسمەندەر تاراپىنان ەرەكشە قارقىنمەن قولعا الىنعان بۇل شارا حالىقتىڭ دا كوڭىلىنەن شىعىپ وتىر. ەڭ باستىسى بولاشاعىمىز بولىپ سانالاتىن بۇگىنگى ۇرپاقتىڭ ۋاقىت تالابىنا ساي تاربيەلەنىپ تەڭ تۇستارمەن بىرگە كوپ دۇنيەنى ۇيرەنگەندىگى قاجەت ەمەس پە؟ سوندىقتان مەملەكەتتىك-جەكە-مەنشىك ارىپتەستىك اياسىندا اشىلاتىن ءار بالاباقشاعا دا قويىلاتىن تالاپ, باقىلاۋ بولاتىنى انىق. بۇل جاڭا جۇمىس ورنىن اشىپ وتىرعان بيزنەسمەنگە دە سول بالا-باقشاعا بالالارىن تاربيەلەۋگە بەرەتىن اتا-انالارعا دا ءتيىمدى. ەڭ باستىسى زاڭناما شەڭبەرىندە تالاپ بولادى. نۇربول الدىباەۆ تالدىقورعان قالاسى [caption id="attachment_50706" align="aligncenter" width="700"] فوتو: عالىممۇرات جۇكەل[/caption]