رايىمبەك باتالوۆ: بيزنەستى ءبىلۋ ءبىر بولەك, ءتۇسىنۋ ءبىر بولەك, ال جۇزەگە اسىرۋ – ەڭ قيىنى

ءبىز بۇگىن ەلىمىزدەگى ەڭ تالانتتى ىسكەر ازاماتتىڭ ءبىرى «Raimbek» حولدينگى ديرەكتورلار كەڭەسىنىڭ توراعاسى رايىمبەك ءانۋار ۇلى باتالوۆ تۋرالى ءسوز قوزعاماقپىز. «ءبىزدىڭ ستراتەگيا­مىز بار, الايدا ال­دى­مىزدان قايتا-قاي­تا كولدەنەڭدەگەن قارجىلىق داعدارىستار مەن كۇردەلى ەكونو­ميكالىق جاعدايلارعا قاراماستان, جەتىلىپ كەلەمىز. مەنەدج­مەنتتە تابىسكەرلىك ۇدە­رىستى وڭتايلاندىرۋ مەن اۆتوماتتاندىرۋعا ۇلكەن ءمان بەرەمىز. ءبىر قاراعاندا ءبارى تۇسىنىكتى سياقتى. بىراق, ءبىلۋ ءبىر بولەك. ونى جۇزەگە اسىرۋ ءبىر بولەك. بۇل ەكەۋى ەكى ءتۇرلى ءتاسىل. ەڭ كۇردەلىسى – قاشاندا ءجۇ­زە­گە اسىرۋ», – دەيتىن رايىمبەك باتالوۆ بيزنەس الەمىنە قاشان كەلىپ ەدى؟ ەگەمەندىكتىڭ ەلەڭ-الاڭىنداعى Raimbek كومپانياسى­نىڭ تا­ريحى 1992 جىلى كىشىگىرىم ساۋدا فيرماسىنان باستاۋ الادى. سول كەزدە ول سينگاپۋر, جاپونيا, يتاليا, شۆەيتساريا مەن گون­كونگتان تۇرمىستىق تەحنيكا جەتكىزۋمەن اينالىساتىن. باتالوۆتىڭ وندىرىسكە كەلگەن كەزى 1998 جىل. وسى جىلى Raimbek Bottlers كومپانياسى اپەلسين, الما جانە تومات ءدامى بار ءۇش ءتۇرلى Juice شىرىندارىن ءوندىرۋ جەلىسىن ىسكە قوسقانى بەلگىلى. كومپانيا ءاۋ باستان-اق ترەيدەرلەر كومەگىنەن باس تارتىپ, قويىتىلعان شىرىن شىعاراتىن الەمدىك وندىرۋشىلەرمەن تىكەلەي ىنتىماقتاستىقتى ورنىقتىردى. سونىڭ ارقاسىندا, ءونىمدى ءوندىرۋ بارىسى كەزەڭىندە, ونىڭ ساپاسىن باقىلاپ, تۇتىنۋشىلارعا دەلدالدىق كوميسسياسىز, تازا باعامەن ۇسىنۋعا مۇمكىندىك الدى. بۇگىنگە دەيىن Raimbek Bottlers زاۋىتىندا بەس بىردەي Juice, Junior, FruttaMix, Palmaي Fantan ساۋدا بەلگىسى بار شىرىندار شى­عارىلادى. رەتى كەلىپ تۇرعاندا 2000 جىلى RaimbekAlco كومپانياسى قۇرىلىپ, ونىڭ قىزمەتىنىڭ نەگىزگى باعىتى – قازاقستانعا تاڭداۋلى الكوگولدى ىشىمدىكتەردى ەكسكليۋزيۆتى جەتكىزۋ بولعاندىعىن ايتا كەتۋ قاجەت. بۇگىنگى تاڭدا, RaimbekAlco-نىڭ سەرىكتەس پاكەتىندە الەمگە ايگىلى: Bacardi-Martini, BrownForman, Tommasi, CastelloBanfi, LesGrandsChaisdeFrance, Concha y Toro, تاعى باسقا دا الكوگول ىشىمدىگىن وندىرۋشىلەرمەن كەلىسىمشارتتار بار. RaimbekAlco قازاقستاندىق تۇتىنۋشىلاردىڭ سەنى­مىن جوعارى باعالايدى, سول سەبەپتى دە, قازاقستان رەسپۋب­ليكاسىنىڭ الكوگولدى ونىمدەردى ادال يمپورتتاۋشى «الكو­يمپورت» قاۋىمداستىعىنىڭ بەلسەندى مۇشەسى, وسىنىڭ ءوزى كومپانيانىڭ جوعارعى مارتەبەسىن جانە بيزنەستى جۇرگىزۋدەگى جاۋاپكەرشىلىك قاتىناسىن دالەلدەپ وتىر. رايىمبەك ءانۋار ۇلى شىرىن ءدامدى سۋسىندار شىعارۋدى جولعا قويعاننان كەيىن ىلە-شالا RaimbekAgro ءسۇت ونىمدەرىن شىعاراتىن, اتاپ ايتسا, ۋلتراپاستەرلەنگەن, تابيعي سيىر ءسۇتىن وندىرەتىن جاڭا زاۋىتىن ىسكە قوستى. ءوندىرۋ بارىسىندا ول تەمپەراتۋرالىق وڭدەلىسكە ءتۇسىپ, ستەريلدى جاعدايدا قوراپتارعا قۇيىلادى. ءوندىرىستىڭ بارلىق سالاسىندا تازالىق ساقتاۋدى ەرەكشە باقىلاۋ جانە قابىلداناتىن سۇتكە دەگەن جوعارى تالاپتاردىڭ ارقاسىندا, وندىرىلگەن ءسۇت ءونىمى قالىپتى جاعدايدا 9 اي بويى ساقتالىنادى. Raimbek Group حولدينگى سىرتقى نارىققا قادام باسقانىنا دا بيىل 13 جىل تولعانىن ەكىنىڭ ءبىرى بىلە بەرمەسە كەرەك. 2003 جىلى قىتايدا Raimbek Food (XINJIANG) Co. Ltd كومپانياسى قۇرىلدى, ول قىتاي نارىعى ءۇشىن شىرىن وندىرۋمەن اينالىستى. قحر-دا بۇل ءبىرىنشى قازاقستاندىق ءوزىنىڭ جەكە 100% كاپيتالىمەن كىرگەن كومپانيا بولدى. بىرنەشە جىل بۇرىن زاۋىت قىتاي كاسىپكەرلەرىنە ساتىلعان ەدى. بۇگىندە Raimbek Group – بۇل ءىرى, ءساتتى دامىپ كەلە جاتقان حولدينگ, ونىڭ قىزمەتىنىڭ باستى باعىتتارى – ازىق-ت ۇلىك ءونىم­دەرىن ءوندىرۋ مەن بولشەكتەپ ساتۋ. ءبىرىنشى كۇننەن باستاپ-اق كومپانيا بيزنەس ۇلگىنىڭ سول كەزدەگى قازاقستان ءۇشىن يننوۆاتسيالىق دامۋىنا باعىت العان: ءوز قىزمەتكەرلەرى, ءوز قورلارى, وزىندىك ءوندىرىس, ءوز باس­قارۋى بولدى. Raimbek Group حولدينگىنە كىرەتىن كومپانيا­لار قازاقستان ەكونوميكاسىنىڭ دامۋىنا ماڭىزدى ۇلەسىن قوسقانىن ايتۋ ءلازىم. ەڭ باستىسى – قازاقستان, ورتالىق ازيا, رەسەي جانە كاۆكاز ەلدەرىندە ءوز ونىمدەرىنىڭ جوعارى ساپاسىمەن تۇتىنۋشىلاردىڭ سەنىمىنە كىرگەن. ەسىمى تابىستىلىق, بيزنەستەگى تۇراقتىلىقپەن تىعىز بايلانىستى باتالوۆ 3 ۇل, ۇش قىزدىڭ اكەسى ەكەنىن دە بايانداي كەتەلىك. ول 1970 جىلى الماتى قالاسىندا دۇنيەگە كەلگەن. قازاق ساۋلەت قۇرىلىس اكادەمياسىن «قۇرىلىسشى-ينجەنەر» ما­ماندىعى بويىنشا بىتىرگەن. 90-شى جىلدارى «ريددەر ينۆەست» مەتاللۋرگيالىق كەشەنىنىڭ باسقارۋشىلار كەڭەسىنە كىرىپ, «نوۆوجامبىل فوسفور زاۋىتى» حيميالىق كەشەنىن, تو­بىل ەلەۆاتورىن, مەركەدەگى قانت زاۋىتىن, شىمكەنت جەو-3 باسقارعان. سول سياقتى رايىمبەك باتالوۆ تابىستى كاسىپكەر رەتىندە عانا ەمەس, سونىمەن بىرگە قوعام قايراتكەرى رەتىندە دە تانىمال. ول 2002 جىلدان بەرى قازاقستان كاسىپكەرلەرىنىڭ فورۋمى كەڭەسىنىڭ توراعاسى بولىپ تابىلادى. ال ەندى وتاندىق كاسىپكەرگە قاتىستى سوڭعى جاڭالىقتىڭ ءبىرى جۋىردا تاشكەنتتە شانحاي ىنتىماقتاستىق ۇيىمىنىڭ (شىۇ) 16 ءسامميتى ءوتىپ, وندا اتالعان ۇيىمعا توراعالىق ەتۋ مارتەبەسى قازاقستانعا بەرىلۋىنە بايلانىستى ورىن الدى. سوندا شۇى ىسكەرلىك كەڭەسىنىڭ (ىك) توراعاسى بولىپ قازاقستان تاراپىنان شىۇ ىسكەرلىك كەڭەسى ۇلتتىق ءبولىمىنىڭ باسشىسى رايىمبەك باتالوۆ سايلاندى. 2016-2017 جىلدارى شىۇ ىك-ىنە توراعا ەل رەتىندە قا­زاقستان ەكى جوبانى جۇزەگە اسىرادى. ولار – «قورعاس» حا­لىق­­ارالىق شەكارا ماڭى ىنتىماقتاستىعى ورتالىعى اۋ­ما­عىندا جىل سايىنعى حالىقارالىق «شاي قۇرىلتايى» مەن قا­زاقستاندا بيزنەستى تابىستى دامىتۋ ماقساتىندا ارنايى قۇ­رىلعان «بيزنەسمەن» بىرەگەي موبيلدىك قوسىمشاسىنىڭ تۇساۋكەسەرىن وتكىزۋ. ىسكەر ازامات ۆەلوسپورت, ۇلكەن تەننيس, تاۋ شاڭعىسىمەن شۇ­عىلدانادى. جاس كەزىندە سۋ استىندا جۇزۋمەن كاسىبي  تۇردە اينالىسقان. ايناش ەسالي, «ەگەمەن قازاقستان» الماتى