قازاقستان رەسپۋبليكاسى ازيا توبى مەملەكەتتەرىنىڭ اتىنان بىرىككەن ۇلتتار ۇيىمىنىڭ قاۋىپسىزدىك كەڭەسىنىڭ 2017-2018 جىلدارعا تۇراقتى ەمەس مۇشەسى بولىپ سايلاندى. بۇل تۋرالى 2016 جىلعى 28 ماۋسىمدا نيۋ-يوركتە بۇۇ باس اسسامبلەياسىندا وتكەن داۋىس بەرۋدىڭ ناتيجەسىندە ءمالىم بولدى. داۋىس بەرۋگە قاتىسقانداردىڭ اراسىنان 138 مەملەكەت قازاقستاننىڭ كانديداتۋراسىن قولدادى. قازاقستاندىق ءوتىنىمنىڭ جالعىز باسەكەلەسى – تايلاند كورولدىگى ءۇشىن 50-دەن استام مەملەكەت داۋىس بەردى.
«بۇكىل قازاقستان ءۇشىن بۇل تاريحي كۇن, ويتكەنى, ءبىزدىڭ ەلىمىز بۇۇ جارعىسى بويىنشا عالامدىق قاۋىپسىزدىك پەن بەيبىتشىلىكتى ساقتاۋعا وكىلەتتەنگەن ەڭ ماڭىزدى ساياسي ورگاننىڭ قۇرامىنا تاريحتا ءبىرىنشى بولىپ سايلانعان ورتالىق ازيانىڭ مەملەكەتى بولدى. بۇگىنگى ناتيجە – حالىقارالىق دەڭگەيدەگى قازاقستاننىڭ جانە ءبىزدىڭ ەلباسىمىز نۇرسۇلتان نازارباەۆتىڭ جەكە تۇلعاسىنىڭ بيىك بەدەلىنىڭ, ونىڭ عالامدىق جانە وڭىرلىك ماسەلەلەردى رەتتەۋگە, يادرولىق قارۋسىزدانۋ مەن تاراتپاۋ ماسەلەلەرىن ىلگەرىلەتۋگە قوسقان بىرەگەي ۇلەسىنىڭ جارقىن كۋالىگى», – دەپ مالىمدەدى وسىعان وراي قازاقستان رەسپۋبليكاسىنىڭ سىرتقى ىستەر ءمينيسترى ەرلان ىدىرىسوۆ. بۇۇ قاۋىپسىزدىك كەڭەسىنە سايلانۋ سونداي-اق, ءبىزدىڭ مەملەكەتىمىزدىڭ بەيبىتسۇيگىش دايەكتى سىرتقى جانە ىشكى ساياساتىنىڭ حالىقارالىق قاۋىمداستىقتا جوعارى قۇرمەتتەلەتىنىن دالەلدەدى.
الەم الدىندا ابىرويى اسقاقتاعان قازاقستان
قازاقستان حالقى اسسامبلەياسى كافەدرالارىنىڭ قاۋىمداستىعى ەلباسى نۇرسۇلتان نازارباەۆ پەن قازاقستان حالقىن داۋىرلىك وقيعا – ەلىمىزدىڭ بۇۇ قاۋىپسىزدىك كەڭەسىنە سايلانۋىمەن قۇتتىقتايدى. بۇل تاريحي وقيعا مەملەكەت باسشىسىنىڭ بەيبىتشىلىك پەن كەلىسىم ساياساتىنىڭ سالتانات قۇرعان كۇنىنە اينالدى. شىن مانىندە, وتانىمىزداعى تۇسىنىستىكتىڭ ناتيجەسىندە ءوزارا سەنىم مەن قولداۋ جانە تىنىشتىق پەن ۇيلەسىم بۇكىل حالىقارالىق قوعامداستىققا ۇلگى-ونەگە رەتىندە تاراتىلۋدا. ءبىز ەلىمىزدىڭ بۇۇ-نىڭ اسا ماڭىزدى قۇرىلىمىنا مۇشە بولۋىن اسا ماقتانىشپەن اتاپ وتەمىز. قازاقستان مۇنداي دارەجەگە ورتالىق ازيا مەملەكەتتەرىنىڭ ىشىنەن تۇڭعىش بولىپ قول جەتكىزىپ وتىر. ءوز تاۋەلسىزدىگىنىڭ العاشقى كۇنىنەن باستاپ قازاقستان تۇراقتىلىق پەن قاۋىپسىزدىكتى قامتاماسىز ەتۋگە ۇلكەن نازار اۋدارىپ كەلەدى. قازاقستاننىڭ بۇل جەڭىسكە ءوز تاۋەلسىزدىگىنىڭ مەرەيتويلى جىلىندا قول جەتكىزۋىنىڭ نىشاندىق ءمانى بار. بۇل جەڭىس قازاقستاننىڭ الەمدەگى اسا دامىعان مەملەكەتتەردىڭ 30-دىعىنا كىرۋگە جاڭا قادام بولاتىنى كۇمانسىز. قازاقستان حالقى اسسامبلەياسى كافەدرالارىنىڭ قاۋىمداستىعى * * * تۇرىكتىڭ «احىسكا» ەتنومادەني بىرلەستىگى ەل پرەزيدەنتى ن.ءا.نازارباەۆتى جانە بارشا قازاقستاندىقتاردى تاريحي وقيعامەن قۇتتىقتايدى. ءبىز قازاقستاننىڭ ورتالىق ازيا ەلدەرىنىڭ ىشىنەن تۇڭعىش بولىپ وسى ماڭىزدى مارتەبەگە قول جەتكىزگەنىن – بىرىككەن ۇلتتار ۇيىمى قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانعانىن ماقتان تۇتامىز. بۇۇ قاۋىپسىزدىك كەڭەسىنە سايلانۋ حالىقارالىق قوعامداستىقتىڭ ءبىزدىڭ مەملەكەتىمىزدىڭ باسشىسى ن.ءا.نازارباەۆتىڭ جۇرگىزىپ كەلە جاتقان بەيبىتسۇيگىش ساياساتىن ۇلكەن قۇرمەتپەن قابىلدايتىنىن كەزەكتى مارتەبە قۋاتتاپ بەرىپ وتىر. بۇۇ قاۋىپسىزدىك كەڭەسىنىڭ جۇمىسىنا قاتىسۋى قازاقستاندى جاھاندىق دامۋ ماسەلەلەرىن تالقىلاۋ مەن شەشۋدە اسا جوعارى دەڭگەيگە الىپ شىعاتىنى ءسوزسىز. ءبىز قازاقستان حالقى ءوزىنىڭ كوشباسشىسىمەن بىرگە وسى جوعارى سەنىم ۇدەسىنەن لايىقتى شىعاتىنىنا جانە الداعى كەزەڭدە دە بەيبىتشىلىك پەن كەلىسىمدى نىعايتۋعا باعىتتالعان سالماقتى, بەيبىتسۇيگىش ساياسات ۇستانۋدى جالعاستىراتىنىنا سەنىمدىمىز. «احىسكا» تۇرىك ەتنومادەني بىرلەستىگى * * * ءوز تاۋەلسىزدىگىنىڭ 25 جىلدىعى قارساڭىندا ءبىزدىڭ ەلىمىز تاعى ءبىر تاريحي ماڭىزى جوعارى بيىك حالىقارالىق دەڭگەيدەگى جەڭىسىنە قول جەتكىزدى. قازاقستان بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلىگىنە سايلاندى. بۇل تابىسقا ءبىرىنشى كەزەكتە پرەزيدەنتىمىز ن.ءا.نازارباەۆتىڭ حالىقارالىق جوعارى بەدەلى, ەلىمىزدىڭ دايەكتى دە بەيبىتسۇيگىش سىرتقى ساياساتى, وتانىمىزداعى بىرلىك پەن تۇراقتىلىق نەگىز قالاپ وتىر. بۇۇ قاۋىپسىزدىك كەڭەسى – بىرىككەن ۇلتتار ۇيىمىنىڭ تۇراقتى جۇمىس ىستەيتىن ورگانى. وعان بۇۇ جارعىسىنىڭ 24-بابىنا سايكەس حالىقارالىق بەيبىتشىلىك پەن قاۋىپسىزدىكتى ساقتاۋ بويىنشا باستى جاۋاپكەرشىلىك جۇكتەلەدى. ءبىز, ەتنومادەني بىرلەستىكتەردىڭ وكىلدەرى, ەلىمىزدىڭ قاۋىپسىزدىك كەڭەسىنە ءوتۋىن ماقتان تۇتامىز جانە مەملەكەت باسشىسى جۇرگىزىپ كەلە جاتقان ىشكى-سىرتقى ساياساتقا تۇبەگەيلى قولداۋ كورسەتەتىنىمىزدى بىلدىرەمىز. ال قازاقستان بۇۇ قاۋىپسىزدىك كەڭەسىنىڭ قۇرامىندا حالىقارالىق بەيبىتشىلىك پەن قاۋىپسىزدىكتى قامتاماسىز ەتۋ سالاسىندا كوپتەگەن پروبلەمالاردىڭ وڭ شەشىمىن تابۋىنا ءوزىنىڭ سۇبەلى ۇلەسىن قوساتىنىنا سەنىمدىمىز. قازاقستاننىڭ «يدەل» تاتار جانە تاتار-باشقۇرت قوعامدىق جانە مادەني ورتالىقتارىنىڭ قاۋىمداستىعى * * * بەلارۋس ەتنومادەني بىرلەستىگى ەل پرەزيدەنتى مەن قازاقستان حالقىن تاريحي جەڭىسىمەن قۇتتىقتايدى! قازاقستان ورتالىق ازيا وڭىرىنەن بۇۇ قاۋىپسىزدىك كەڭەسىندە وكىلەتتىك ەتۋ قۇقىن جەڭىپ الۋ جولىنداعى ادال دا باسەكەلى كۇرەستە ءوزىنىڭ وسى ورىنعا لايىقتى ەكەنىن ايقىن كورسەتتى. بۇل پرەزيدەنتىمىزدىڭ – ەلباسى ن.ءا.نازارباەۆتىڭ جوعارى حالىقارالىق بەدەلىنىڭ ارقاسىندا مۇمكىن بولدى. ەلىمىزدىڭ بۇۇ قاۋىپسىزدىك كەڭەسىنە سايلانۋى وتانىمىزدىڭ بەيبىتسۇيگىش جانە كونسترۋكتيۆتى سىرتقى جانە ىشكى ساياساتىن حالىقارالىق تۇرعىدان تانۋدىڭ ايعاعى بولدى. بارشانى جەڭىسپەن قۇتتىقتايمىز! العا, قازاقستان!!! «بەلارۋس ەتنومادەني بىرلەستىگى» قوعامدىق بىرلەستىگى * * * قازاقستاننىڭ كورەيلەر قاۋىمداستىعى قازاقستاندىقتار مەن مەملەكەت باسشىسىن وتانىمىزدىڭ بىرىككەن ۇلتتار ۇيىمىنىڭ اسا ماڭىزدى ورگانى – قاۋىپسىزدىك كەڭەسىنە تۇراقتى ەمەس مۇشە بولىپ سايلانۋىمەن قۇتتىقتايدى. بۇل ەلباسى – پرەزيدەنت نۇرسۇلتان نازارباەۆتىڭ ەڭبەگى! بۇل تاريحي وقيعا قازاقستاننىڭ عانا ەمەس, سونداي-اق, بۇكىل ورتالىق ازيانىڭ تاريحىندا جاڭا بەت اشىپ وتىر. ويتكەنى, قازاقستان ەندى ءوزىنىڭ عانا ەمەس, ءوڭىردىڭ دە مۇددەلەرىن اسا جوعارى حالىقارالىق دەڭگەيدە قورعايتىن بولادى. ءبىز قازاقستاننىڭ بۇۇ قاۋىپسىزدىك كەڭەسىنە قاتىسۋى ناقتى باستامالارمەن ايشىقتالاتىنىنا جانە ەلىمىزدىڭ قازىرگى زامانعى جاھاندىق سىن-قاتەرلەردى شەشۋدە سۇبەلى ۇلەس قوساتىنىنا سەنىمدىمىز. قازاقستان كورەيلەرىنىڭ قاۋىمداستىعى * * * قازاقستان ۋكرايندارىنىڭ راداسى ەل پرەزيدەنتى مەن قازاقستان حالقىن تاماشا جەڭىسىمەن قۇتتىقتايدى! ءبىزدىڭ ەلىمىز بەيبىتسۇيگىش ساياسات ۇستانىپ وتىرعاندىقتان دا بۇۇ قاۋىپسىزدىك كەڭەسىنە تۇراقتى ەمەس مۇشەلىككە سايلاندى. ەلىمىز تاۋەلسىزدىگىنىڭ 25 جىلدىق مەرەيتويلى بەلەسىندە بۇل جەڭىس زاڭدى كورىنەدى. بۇل ەلباسى – تۇڭعىش پرەزيدەنت نۇرسۇلتان نازارباەۆ جۇرگىزىپ كەلە جاتقان دانا ساياساتتىڭ سالتاناتى مەن حالىقارالىق تانىلۋىنىڭ كورسەتكىشى بولىپ تابىلادى. بۇل – وتانىمىزدىڭ جوعارى حالىقارالىق بەدەلى مويىندالۋىنىڭ جانە ونىڭ جاھاندىق قاۋىپسىزدىكتى ىلگەرىلەتۋ مەن حالىقارالىق قاتىناستارداعى سەنىم شارالارىن نىعايتۋعا قوسىپ كەلە جاتقان ۇلەسىنىڭ جارقىن كورىنىسى. مۇنىڭ ەل پرەزيدەنتى نۇرسۇلتان نازارباەۆتىڭ «الەم. ءححى عاسىر» دەپ اتالاتىن مانيفەسىندەگى جاھاندىق باستامالارىن پراكتيكالىق تۇرعىدان جۇزەگە اسىرۋعا قىزمەت ەتەتىنىنە سەنىمدىمىز. ءويتكەنى, ەلباسىنىڭ كوزدەگەنى – بۇكىل پلانەتاداعى تۇراقتىلىق پەن بەيبىتشىلىك. دەمەك, اتالعان مانيفەستىڭ بۇكىل ادامزاتتىڭ يگىلىگىنە قىزمەت ەتەتىنى كۇمانسىز. بۇۇ قاۋىپسىزدىك كەڭەسىندەگى جۇمىس مەملەكەت باسشىسىنىڭ بۇۇ باس اسسامبلەياسىنىڭ 70-ءشى سەسسياسىندا ىلگەرىلەتكەن انتيتەررورلىق باستامالارى مەن قازاقستاننىڭ باسقا دا بەيبىت باستامالارىنا, ونىڭ ىشىندە سۋ, ەنەرگەتيكالىق جانە ازىق-ت ۇلىك قاۋىپسىزدىگىن قامتاماسىز ەتۋدىڭ جاھاندىق ماسەلەلەرىن شەشۋدە جاڭا سەرپىن قوساتىن بولادى. ءبىز بارشا قازاقستاندىقتاردى ورتاق جەڭىسىمىزبەن قۇتتىقتايمىز! قازاقستان ۋكرايندارىنىڭ راداسى * * * ءبىز ەل پرەزيدەنتى ن.ءا.نازارباەۆ پەن بارشا قازاقستان حالقىن وتانىمىزدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە سايلانۋىمەن قۇتتىقتايمىز. اتالعان شەشىم ءبىزدىڭ مەملەكەتىمىز باسشىسىنىڭ قاۋىپسىزدىك پەن يادروسىز الەم قۇرۋ جولىنداعى دايەكتى باستامالارىنا جاھاندىق قوعامداستىق تاراپىنان بەرىلگەن جوعارى باعا بولىپ تابىلادى. بۇۇ قاۋىپسىزدىك كەڭەسىنىڭ جۇمىسىنا قاتىسۋى قازاقستاندى جاھاندىق دامۋ ماسەلەلەرىن تالقىلاۋ مەن شەشۋدە اسا جوعارى دەڭگەيگە شىعاراتىن بولادى. بۇۇ قاۋىپسىزدىك كەڭەسىندەگى جۇمىسى بارىسىندا قازاقستان ءححى عاسىردا ادامزاتقا قاتىستى الەمدىك سىن-قاتەرلەردى جويۋعا ءوزىنىڭ سۇبەلى ۇلەسىن قوسۋىن جالعاستىراتىنىنا سەنىمدىمىز. قازاقستان كاسىپكەرلەرىنىڭ فورۋمى * * * بىرىككەن ۇلتتار ۇيىمى – ءححى عاسىرداعى ادامزاتتىڭ ساياسي تاريحىن بايسالدى, ساليقالى جولدا دامۋىنا ىقپال ەتۋشى اسا جوعارعى الەمدىك ۇيىم. قازاقستان رەسپۋبليكاسىنىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوتۋى – ەلىمىزدىڭ حالىقارالىق ارەنادا كوپتەگەن كۇرمەۋلى ماسەلەلەردى شەشۋدەگى مودەراتورلىق دەڭگەيىنىڭ جانە ديپلوماتيالىق جەتىستىكتەرىنىڭ اسا جوعارى ەكەندىگىنىڭ ايقىن دالەلى. ەڭ الدىمەن بۇل ەلباسى رەتىندەگى ءسىزدىڭ ەرەن ەڭبەگىڭىزدىڭ, حالىقارالىق ساياسي ارەناداعى اسا جوعارى مارتەبەڭىزدىڭ ناتيجەسى دەپ بىلەمىز! ءسىزدىڭ ماڭىزدى حالىقارالىق سامميتتەردە سىندارلى باياندامالار جاساۋىڭىز, اسىرەسە, 2015 جىلعى جاھاندىق انتيادرولىق سامميتتەگى باستامالارىڭىز قازاقستان پوزيتسياسىنىڭ باسىمدىعىنا اكەلگەنى ءسوزسىز! بۇۇ قك-گە مۇشەلىك ەلىمىزگە جاھاندىق «كۇن ءتارتىبىن» قالىپتاستىرۋعا تىكەلەي اتسالىسۋعا ءمۇمكىندىك بەرىپ قانا قويماي, ورتالىق ازيا ايماعىنىڭ كۇرمەۋلى ماسەلەلەرىن شەشۋگە جول اشارى انىق. بۇگىنگى قازاق ەلىنىڭ وسى ءبىر جەتىستىكتەرگە قول جەتكىزۋ تۇسىندا «اۋىل» پارتياسى اتىنان ءسىزدى جانە بارشا قازاقستاندىقتاردى سىندارلى تاريحي وقيعامەن قۇتتىقتايمىز! ەڭبەگىڭىزگە تابىس تىلەيمىز! «اۋىل» پارتياسى * * * «اق جول» دەموكراتيالىق پارتياسى قازاقستان حالقىن جانە ەل پرەزيدەنتى ن.ءا.نازارباەۆتى ءدارىپتى وقيعامەن – قازاقستاننىڭ بىرىككەن ۇلتتار ۇيىمى قاۋىپسىزدىك كەڭەسىنىڭ مۇشەسى بولىپ سايلانۋىمەن قۇتتىقتايدى. بۇل – جاس مەملەكەتتىڭ تاريحي تابىسى, قازاقستان مەن ونىڭ كوشباسشىسىنىڭ ءبىزدىڭ تاۋەلسىزدىگىمىزدىڭ اراي تاڭىندا سەمەي يادرولىق پوليگونىن جابۋ جانە يادرولىق قارۋدان باس تارتۋ باستاۋ كوزى بولعان حالىقارالىق قاۋىپسىزدىكتى قامتاماسىز ەتۋدەگى ءرولىن الەمدىك تۇرعىدان مويىنداۋ. لاڭكەستىكتىڭ كۇرت اسقىنۋىنىڭ, دايش (قازاقستاندا تىيىم سالىنعان) جالعان مەملەكەتتىك قۇرىلىمىمەن جالعاسىپ جاتقان كۇرەستىڭ, تاياۋ شىعىستاعى, پاريجدەگى, بريۋسسەلدەگى, ىستانبۇلداعى جانە قازاقستاننىڭ اقتوبەسىندەگى قانقۇيلى تەراكتىلەردىڭ قازىرگى جاعدايلارىندا ءبىزدىڭ رەسپۋبليكامىزدىڭ بۇۇ قاۋىپسىزدىك كەڭەسىنە سايلانۋىنىڭ ءمان-ماڭىزىن اسىرا باعالاۋ مۇمكىن ەمەس. بىرىككەن ۇلتتار ۇيىمىنىڭ جوعارعى ورگانىنىڭ قۇرامىنا كىرە وتىرىپ, قازاقستان جالپىادامزاتتىق وركەنيەتتى قورعاۋشىلاردىڭ, حالىقارالىق قوعامداستىقتاعى بەيبىتشىلىك پەن تۇراقتىلىقتى العا اپارۋشىلاردىڭ الدىڭعى قاتارىنان كورىنبەك. ءبىزدىڭ ەلىمىزدىڭ داۋىسى بۇل جۇمىستا ءماندى دە سالماقتى بولاتىنىنا سەنىمدىمىز. قازاقستاننىڭ «اق جول» دەموكراتيالىق پارتياسى * * * قازاقستان حالقى اسسامبلەياسىنىڭ عىلىمي-ساراپتامالىق كەڭەسى قازاقستان رەسپۋبليكاسىنىڭ مەرەيلى جەڭىسىنە جانە ەلباسى, ەلدىڭ تۇڭعىش پرەزيدەنتى ن.ءا.نازارباەۆتىڭ بەيبىتشىلىك سۇيگىش سىرتقى ساياساتىنىڭ سالتانات قۇرۋىنا بايلانىستى ءوز قۇتتىقتاۋىن جولدايدى. 2017 جىلدىڭ 1 قاڭتارىنان 2018 جىلدىڭ 31 جەلتوقسانىنا دەيىن قازاقستان رەسپۋبليكاسى ازيا-تىنىق مۇحيت مەملەكەتتەر توبىنىڭ اتىنان بۇۇ-نىڭ اسا ماڭىزدى ساياسي ورگانىنىڭ جۇمىسىنا رەسمي تۇردە قاتىساتىن بولادى, ال ۇيىمنىڭ جارعىسى بويىنشا بۇل ورگانعا جاھاندىق بەيبىتشىلىك پەن قاۋىپسىزدىكتى قولداۋ جونىندەگى وكىلەتتىلىكتەر جۇكتەلگەن. ەلدىڭ بۇۇ قاۋىپسىزدىك كەڭەسىنە سايلانۋى – مەملەكەت باسشىسىنىڭ حالىقارالىق بەدەلىن الەمدىك تۇرعىدان تانۋ, ونىڭ سەرپىندى جاھاندىق باستامالارىنىڭ بيىك باعاسى. پرەزيدەنتىمىز باستاعان ءبىزدىڭ ەلىمىزدىڭ جاھاندىق قاۋىپسىزدىكتى جانە حالىقارالىق قاتىناستارداعى سەنىم شارالارىن نىعايتۋ جونىندەگى جاڭا, ابىرويلى ءارى جاۋاپتى ميسسيانى لايىقتى ورىنداپ شىعاتىندىعىنا ەشقانداي كۇمان جوق. قازاقستان حالقى اسسامبلەياسىنىڭ عىلىمي-ساراپتامالىق كەڭەسى * * * قازاقستان ازەربايجاندارىنىڭ ەتنومادەني ءبىرلەستىگى قازاقستان رەسپۋبليكاسىنىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى تۋرالى حاباردى ماقتانىش سەزىممەن قارسى الدى. بۇل ءبىزدىڭ پرەزيدەنتىمىز ن.ءا.نازارباەۆتىڭ تاتۋ كورشىلىك, جاھاندىق ۇنقاتىسۋ مەن ىنتىماقتاستىقتى نىعايتۋ قاعيداتتارىنا نەگىزدەلگەن بەيبىتشىلىك سۇيگىش ساياساتىن حالىقارالىق تۇرعىدان مويىنداۋدىڭ تاعى ءبىر دالەلى. جالپىالەمدىك وزەكتى پروبلەمالاردى شەشۋگە قاتىسۋ ءبىزدىڭ ەلىمىز ءۇشىن كوپتەگەن ەلدەرمەن جانە وڭىرلەرمەن قارىم-قاتىناستى دامىتۋدىڭ جاڭا مۇمكىندىكتەرىن اشادى. بۇگىنگى تاڭدا الەمدىك قوعامداستىق بۇرىنعىدان دا بەرىك توپتاسۋى جانە بەيبىتشىلىك پەن تۇراقتىلىقتى نىعايتۋ جونىندە پارمەندى شارالار قابىلداۋى قاجەت. ءبىز ەلىمىزدىڭ جەر بەتىندەگى جاسامپازدىق, بەيبىتشىلىك پەن تۇراقتىلىقتى نىعايتۋ ىسىنە بۇدان بىلاي دا ءوزىنىڭ كۇش-جىگەرىن جۇمساي بەرەتىنىنە سەنىمدىمىز. قازاقستان ازەربايجاندارىنىڭ ەتنومادەني بىرلەستىگى * * * قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋى ءبىزدىڭ ەلىمىزدىڭ پرەزيدەنتى ن.ءا.نازارباەۆ جۇرگىزىپ وتىرعان بەيبىتشىلىك پەن كەلىسىم ساياساتىنىڭ جەڭىسى بولىپ تابىلادى جانە الەمدىك قوعامداستىقتا ءبىزدىڭ ەلىمىز بەن كوشباسشىمىز يەلەنىپ وتىرعان قۇرمەتتى تاعى ءبىر رەت ايعاقتايدى. ۇيىمنىڭ تۇراقتى ەمەس مۇشەسىنىڭ قۇقىعى ءبىزدىڭ ەلىمىزگە قاۋىپسىزدىك سالاسىنداعى اعىمداعى جاھاندىق كۇن ءتارتىبىن قالىپتاستىرۋعا تىكەلەي قاتىسۋعا جانە ءوڭىردىڭ نەعۇرلىم ماڭىزدى ماسەلەلەرىن الەمدىك دەڭگەيدە العا شىعارىپ تانىتۋعا مۇمكىندىك بەرەدى. ءبىزدىڭ ەلىمىز ارقاشان جەتەكشى الەمدىك باستامالاردىڭ العى شەبىندە كەلەدى. ازياداعى ءوزارا ءىس-قيمىل جانە سەنىم شارالارى جونىندەگى كەڭەستى ۇيىمداستىرۋ ورايىنداعى ەلباسى باستامالارى, قازاقستاننىڭ ەقىۇ-عا توراعالىق ەتۋى, ورتالىق ازيادا يادرولىق قارۋدان ازات ايماق قۇرۋ, «الەم. ءححى عاسىر» مانيفەسى جانە كوپتەگەن باسقا باستامالار قازاقستاندى جاھاندىق قاۋىپسىزدىكتى ىلگەرى جىلجىتۋ جانە بۇكىل الەمدە سەنىم اتموسفەراسىن قالىپتاستىرۋ جونىندەگى كوشباسشى دەڭگەيىنە كوتەردى. قازاقستاننىڭ ۇستانىمى جانە ونىڭ بۇۇ قاۋىپسىزدىك كەڭەسىندەگى پىكىرى ارقاشان سالماقتى ءارى بەدەلدى بولاتىندىعىنا, جەر شارىنىڭ بارلىق تۇكپىرلەرىندە بەيبىتشىلىك پەن قاۋىپسىزدىكتىڭ ەڭ كۇردەلى پروبلەمالارىن شەشۋگە ىقپال ەتەتىندىگىنە سەنىمدىمىز. «قىرعىزستان» – «استانا» قىرعىز ەتنومادەني بىرلەستىگى * * * قازاقستان كۇردتەرى قاۋىمداستىعى بارلىق قازاقستاندىقتاردى تولايىم وقيعامەن – ەلدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايدى. مەملەكەت باسشىسى ن.ءا.نازارباەۆتىڭ اقىلمان ساياساتىنىڭ ارقاسىندا تاۋەلسىزدىكتىڭ 25 جىلى ءىشىندە قازاقستان كوپتەگەن بيىك شىڭداردى باعىندىردى. ءبىزدىڭ ەلىمىزدىڭ تاريحى ءار الۋان ەتنوستار مەن كونفەسسيالار وكىلدەرىنىڭ ءبىزدىڭ جەرىمىزدە ءبىر اسپاننىڭ استىندا, بىرگە, تاتۋ-ءتاتتى دوستىقپەن ءومىر ءسۇرىپ جاتقاندىعىن ايقىن ايعاقتايدى. ءبىز بۇكىل الەمگە كەلىسىم مەن ءوزارا تۇسىنىستىكتىڭ ۇلگىسىن كورسەتۋدەمىز, ءارى مۇنى باعالايدى. سوندىقتان دا ءبىزدىڭ ەلىمىز بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانعان ورتالىق ازياداعى ءبىرىنشى مەملەكەت بولىپ وتىر. ءبىز نۇرسۇلتان ءابىش ۇلى نازارباەۆ باستاعان حالقىمىز ءوزىنىڭ وسىناۋ مارتەبەلى حالىقارالىق ۇيىمداعى تاريحي ميسسياسىن لايىقتى ورىندايتىنىنا سەنىمدىمىز. «باربانگ» قازاقستان كۇردتەرىنىڭ قاۋىمداستىعى * * * قازاقستان كاسىپوداقتار فەدەراتسياسى بارلىق قازاقستاندىقتاردى جانە ءبىزدىڭ مەملەكەت باسشىسىن قازاقستاننىڭ 2017-2018 جىلدارعا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايدى. مۇنىڭ قازاقستان تاريحىنداعى جاڭا جارقىن بەت ەكەندىگى ءسوزسىز. ءبىزدىڭ ەلىمىز بۇۇ قاۋىپسىزدىك كەڭەسىنىڭ تۇراقتى ەمەس مۇشەلەرى قۇرامىنا سايلانعان ورتالىق ازياداعى تۇڭعىش مەملەكەت بولدى. 25 جىلدا قازاقستان ءوزىن حالىقارالىق قوعامداستىقتىڭ تولىق قۇقىقتى سۋبەكتىسى جانە جاھاندىق قاۋىپسىزدىكتى نىعايتۋ, الەمدەگى بىرلىك پەن تۇراقتىلىقتى ساقتاۋ جونىندەگى ۇدەرىستەردىڭ بەلسەندى قاتىسۋشىسى رەتىندە تانىتا ءبىلدى. بۇل – مەملەكەت باسشىسىنىڭ بۇكىل الەمدەگى بەيبىتشىلىكتى ورىستەتۋ جونىندەگى دايەكتى جۇمىسىنىڭ لايىقتى ناتيجەسى. بۇل – بۇكىل قازاقستاندىقتاردىڭ جەڭىسى. بۇۇ قاۋىپسىزدىك كەڭەسىنىڭ جۇمىسىنا قاتىسۋ قازاقستاننىڭ جاھاندىق باستامالارىن العا جىلجىتۋ جونىندەگى جاڭا مۇمكىندىكتەرىن اشادى. قازاقستان كاسىپوداقتار فەدەراتسياسى * * * «قازاقستان ارداگەرلەر كەڭەسى» رقب مەملەكەت باسشىسى ن.ءا.نازارباەۆتى جانە قازاقستان حالقىن ەلدىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولىپ سايلانۋىمەن قۇتتىقتايدى. نۇرسۇلتان نازارباەۆتىڭ بيىك بەدەلى جانە بىرەگەي حالىقارالىق باستامالارى ارقاسىندا ءبىز وسىنداي جوعارى سەنىمگە يە بولدىق. قازاقستان ءبىزدىڭ مەملەكەت باسشىسىنىڭ باستاماسى بويىنشا الەمدىك تاريحتا العاش رەت يادرولىق ارسەنالدان ەرىكتى تۇردە باس تارتتى. ءبىزدىڭ ەلىمىز جاھاندىق جانە وڭىرلىك قاۋىپسىزدىكتى نىعايتۋ ىسىندەگى كوشباسشىلاردىڭ ءبىرى بولىپ تابىلادى. وسىناۋ تاريحي وقيعانىڭ العاشقى حابارشىسى اسا قىسقا مەرزىمدە بۇۇ باس اسسامبلەياسى مەن قاۋىپسىزدىك كەڭەسىنىڭ رەسمي قۇجاتىنا اينالعان نۇرسۇلتان نازارباەۆتىڭ «الەم. ءححى عاسىر» مانيفەسى بولدى. بۇۇ قاۋىپسىزدىك كەڭەسىنىڭ جۇمىسىنا قاتىسۋ قازاقستان ءۇشىن بۇكىل الەمدە بەيبىتشىلىك جولىنداعى جاھاندىق باستامالاردى العا جىلجىتۋ ورايىنداعى جاڭا مۇمكىندىكتەردى اشادى. ءبىز قازاقستاننىڭ بۇۇ قاۋىپسىزدىك كەڭەسىنىڭ مۇشەسى رەتىندەگى ابىرويلى ميسسياسىن لايىقتى ورىنداپ شىعاتىنىنا سەنىمدىمىز. «قازاقستان ارداگەرلەر كەڭەسى» رقب
