ارۋجان ساين – قايىرىمدىلىق ىستەرىمەن قازاققا كەڭىنەن تانىمال ەسىم. العاش «تسەنتر تياجەستي» ينتەرنەت فورۋمىنىڭ «قايىرىمدىلىق» سالاسى بويىنشا ءوز جۇمىسىن باستاپ, كوپتەگەن يگى ىستەرمەن ارۋجان ىرگەتاسىن 2006 جىلى قالاعان «ەركىن مەيىرىمدىلىك قوعامى» دەپ اتالاتىن قوعامدىق قور ەلىمىزدە قايىرىمدىلىق ىسىمەن اينالىساتىن ەڭ ءىرى قورلاردىڭ ءبىرى.
ەكىنشى مىڭجىلدىقتىڭ باسىندا ءبىر توپ جاس ەرىكتىلەر سابيلەر ۇيىندەگى جەتىم بالالارعا كومەكتەسۋگە بارىپ, سول جەردە اۋىر دەرتكە شالدىققان ءبىر بۇلدىرشىنگە كۇردەلى وتا جاساۋعا كومەك كەرەك بولعانىنان حاباردار بولادى. كىسى كوڭىلىنە جۇبانىش, جەتىمگە جەبەۋ بولۋدى كوزدەگەن سول ەرىكتىلەردىڭ قاتارىندا ارۋجان دا بار ەدى.
مىنە, ارۋجان سىرقات سابيگە كومەك كەرەك ەكەندىگىن عالامتور بەتىندە جاريالاپ, كوپشىلىككە حابار تاراتادى. عالامتور قولدانۋشىلار اراسىندا بۇل اقپارات جەدەل تاراپ, ءتىپتى ەلىمىزدەگى ءىرى كومپانيالار دا كومەك قولىن سوزعىسى كەلەتىندىگىن, الايدا قوماقتى قاراجاتتى جەكە ادام قولىنا بەرۋ مۇمكىن ەمەس ەكەندىگى انىقتالادى. وسىنداي قاجەتتىلىكتەردەن كەيىن ارۋجان قوعامدىق قور قۇرىپ, جارىمجان جانداردىڭ اۋىرتپالىعىن كوتەرۋگە بەل شەشىپ كىرىسەدى.
الايدا, جەتىم بالالار ءۇيىندەگى دەرتتى سابيگە كومەكتەسۋ تىم كەش ەدى. اۋرۋى اسقىنعان بەيكۇنا ءسابيدى قۇتقارىپ قالۋعا كەشىككەنىمەن, ارۋجان باسقاراتىن قوعامدىق قايىرىمدىلىق قور كۇنى بۇگىنگە دەيىن ءتۇرلى دەڭگەيدەگى سىرقاتقا شالدىققان 1419 بالانىڭ ۋاقتىلى ەم الۋىنا, جاس ءومىرىن ساقتاپ قالۋىنا سەبەپكەر بولدى. جانى جۇدەۋ ءمۇساپىردى دالاعا تاستامايتىن جىلى جۇرەكتى قازاقستاندىقتاردىڭ قولداۋىمەن 1,5 مىڭنان استام اۋىر دەرتكە شالدىققان سابيگە كومەك كورسەتىلدى. وسى ۋاقىت ارالىعىندا ارۋجان ساين باسقاراتىن قور 2 ميلليارد 63 ميلليون 309 مىڭ 841 تەڭگە قاراجات جيناپ, تالاي وتانداسىمىزدىڭ, ونىڭ ءىشىندە اۋىر سىرقاتقا شالدىققان ءبۇلدىرشىندەردىڭ جانىنا اراشا بولا ءبىلدى.
بىلتىر, ياعني 2015 جىلى ەلباسى نۇرسۇلتان نازارباەۆ ەلىمىزدىڭ تاريحىندا جەكە تۇلعا جاساعان ەڭ ءىرى قولداۋ كومەك رەتىندە ارۋجانعا 300 مىڭ اقش دوللارى كولەمىندە قارجىلاي كومەكتى تابىس ەتىپ, ونىڭ جاڭا جىبەك جولىنىڭ جاندانۋىنا جانە دامۋىنا قوسقان ۇلەسى ءۇشىن ماراپات-سىي كورسەتتى.
قازىردە ارۋجاننىڭ ەسىمى قازاق دالاسىندا قۇرمەتپەن اتالىپ, تاعدىرى قيىنشىلىقپەن باستالعان تالاي جاننىڭ اۋىرتپالىعىنا قاناتىمەن سۋ تاسىعان قارلىعاشتاي ەڭبەكقورلىعىمەن كەڭىنەن تانىمال بولدى. ول ارالاسپاعان, ول ساقتاپ قالۋعا ۇلەس قوسپاعان جاس ءومىر, دەرتتى ءسابي كەمدە-كەم. ارۋجان باسقاراتىن قايىرىمدىلىق قورعا كومەك سۇراپ كەلەتىن كىسى, جازىلاتىن حات-حاباردا قيساپ جوق. ارينە, ونىڭ ادالدىعى مەن ىسكەرلىگىنە ءتانتى بولعان دەمەۋشىلەر دە رەتى كەلگەندە قولداۋ كورسەتىپ, قوعامنىڭ ءبىر مۇڭىن دا بولسا ازايتۋعا, ءبىر وتانداسىمىزدىڭ كوڭىل بۇلتىن سەيىلتۋگە بەيىم.
ارۋجاننىڭ ارمانى كوپ. قوعامدا جەتىم بالالار ءۇيى بولماسا ەكەن دەپ تە, ءسابي اتاۋلى سىرقاتقا شالدىقپاسا ەكەن دەپ تە, قازاق ەلىندە بۇلدىرشىندەردىڭ شات كۇلكىسى ماڭگى جالعاسىپ, ەشبىر ادام اتا-انا بولۋ قۇقىعىنان ايىرىلماي, ەشبىر ءسابي شاڭىراق جىلۋىن اڭساماي, تەك بەيبىت تە بەرەكەلى ەل بولساق ەكەن دەپ كوپ ويلايدى. ويلاپ قانا قويماي, سول جولدا ومىرىنە اۋىرتپالىقتىڭ كولەڭكەسى تۇسكەن جاندارعا كومەك قولىن سوزۋعا ۇنەمى كومەكتەسىپ جۇرەدى. سونىڭ ناتيجەسىندە «ەركىن مەيىرىمدىلىك قوعامى» قوعامدىق قورى – قازاقستاندا ەمدەلمەيتىن, اۋىر ناۋقاس بالالارعا كومەك كورسەتۋگە باعىتتالعان «بالالارعا ءومىر سىيلا», «جەتىمدەرسىز قازاقستان» جانە «ءاۋتيزمدى جەڭەمىز!» قايىرىمدىلىق شارالارىنىڭ باستاماشىسى ءارى ۇيىمداستىرۋشىسى بولىپ تالايدىڭ العىسىنا بولەنە ءبىلدى.
ارۋجان ەلىمىزدىڭ, اسىرەسە, الماتى قالاسىنىڭ قوعامدىق ءومىرىنە قىزۋ اتسالىسىپ وتىرادى. وسىنداي سەرگەك ويلى, ازاماتتىق جاۋاپكەرشىلىككە دەگەن سانالى قادامدارىنىڭ جەمىسى بولسا كەرەك ارۋجان 2016 جىلى الماتى قالاسىندا قايتا قۇرىلعان قوعامدىق كەڭەسكە مۇشە بولىپ قابىلداندى.
بۇدان وزگە, ارۋجان ساين تەلەۆيزيالىق جوبالار مەن تەلە-سەريالدار ءتۇسىرۋ ىسىنە پروديۋسەر رەتىندە بەلسەنە ارالاسادى. بەلگىلى شوۋمەن مۇرات وسپانوۆ جۇرگىزەتىن «تاكسي» تەلە-شوۋى, «كاراوكە-تاكسي», «دەنگي ۆ دوم», «كۋحنيا», «بالاپان» ارناسىندا كورسەتىلەتىن بالالار مەن جاسوسپىرىمدەرگە ارنالعان «بيلە-بيلە» جانە «كىشكەنتاي نيۋتون» باعدارلامالارى «ارۋجان جانە كومپانيا» پروديۋسەرلىك ورتالىعى ءتۇسىرىپ, قالىڭ كورەرمەننىڭ كوزايىمىنا اينالعان تەلەتۋىندىلار.
قانات ەسكەندىر,
«ەگەمەن قازاقستان»
الماتى
ارۋجان ساين – قايىرىمدىلىق ىستەرىمەن قازاققا كەڭىنەن تانىمال ەسىم. العاش «تسەنتر تياجەستي» ينتەرنەت فورۋمىنىڭ «قايىرىمدىلىق» سالاسى بويىنشا ءوز جۇمىسىن باستاپ, كوپتەگەن يگى ىستەرمەن ارۋجان ىرگەتاسىن 2006 جىلى قالاعان «ەركىن مەيىرىمدىلىك قوعامى» دەپ اتالاتىن قوعامدىق قور ەلىمىزدە قايىرىمدىلىق ىسىمەن اينالىساتىن ەڭ ءىرى قورلاردىڭ ءبىرى.
ەكىنشى مىڭجىلدىقتىڭ باسىندا ءبىر توپ جاس ەرىكتىلەر سابيلەر ۇيىندەگى جەتىم بالالارعا كومەكتەسۋگە بارىپ, سول جەردە اۋىر دەرتكە شالدىققان ءبىر بۇلدىرشىنگە كۇردەلى وتا جاساۋعا كومەك كەرەك بولعانىنان حاباردار بولادى. كىسى كوڭىلىنە جۇبانىش, جەتىمگە جەبەۋ بولۋدى كوزدەگەن سول ەرىكتىلەردىڭ قاتارىندا ارۋجان دا بار ەدى.
مىنە, ارۋجان سىرقات سابيگە كومەك كەرەك ەكەندىگىن عالامتور بەتىندە جاريالاپ, كوپشىلىككە حابار تاراتادى. عالامتور قولدانۋشىلار اراسىندا بۇل اقپارات جەدەل تاراپ, ءتىپتى ەلىمىزدەگى ءىرى كومپانيالار دا كومەك قولىن سوزعىسى كەلەتىندىگىن, الايدا قوماقتى قاراجاتتى جەكە ادام قولىنا بەرۋ مۇمكىن ەمەس ەكەندىگى انىقتالادى. وسىنداي قاجەتتىلىكتەردەن كەيىن ارۋجان قوعامدىق قور قۇرىپ, جارىمجان جانداردىڭ اۋىرتپالىعىن كوتەرۋگە بەل شەشىپ كىرىسەدى.
الايدا, جەتىم بالالار ءۇيىندەگى دەرتتى سابيگە كومەكتەسۋ تىم كەش ەدى. اۋرۋى اسقىنعان بەيكۇنا ءسابيدى قۇتقارىپ قالۋعا كەشىككەنىمەن, ارۋجان باسقاراتىن قوعامدىق قايىرىمدىلىق قور كۇنى بۇگىنگە دەيىن ءتۇرلى دەڭگەيدەگى سىرقاتقا شالدىققان 1419 بالانىڭ ۋاقتىلى ەم الۋىنا, جاس ءومىرىن ساقتاپ قالۋىنا سەبەپكەر بولدى. جانى جۇدەۋ ءمۇساپىردى دالاعا تاستامايتىن جىلى جۇرەكتى قازاقستاندىقتاردىڭ قولداۋىمەن 1,5 مىڭنان استام اۋىر دەرتكە شالدىققان سابيگە كومەك كورسەتىلدى. وسى ۋاقىت ارالىعىندا ارۋجان ساين باسقاراتىن قور 2 ميلليارد 63 ميلليون 309 مىڭ 841 تەڭگە قاراجات جيناپ, تالاي وتانداسىمىزدىڭ, ونىڭ ءىشىندە اۋىر سىرقاتقا شالدىققان ءبۇلدىرشىندەردىڭ جانىنا اراشا بولا ءبىلدى.
بىلتىر, ياعني 2015 جىلى ەلباسى نۇرسۇلتان نازارباەۆ ەلىمىزدىڭ تاريحىندا جەكە تۇلعا جاساعان ەڭ ءىرى قولداۋ كومەك رەتىندە ارۋجانعا 300 مىڭ اقش دوللارى كولەمىندە قارجىلاي كومەكتى تابىس ەتىپ, ونىڭ جاڭا جىبەك جولىنىڭ جاندانۋىنا جانە دامۋىنا قوسقان ۇلەسى ءۇشىن ماراپات-سىي كورسەتتى.
قازىردە ارۋجاننىڭ ەسىمى قازاق دالاسىندا قۇرمەتپەن اتالىپ, تاعدىرى قيىنشىلىقپەن باستالعان تالاي جاننىڭ اۋىرتپالىعىنا قاناتىمەن سۋ تاسىعان قارلىعاشتاي ەڭبەكقورلىعىمەن كەڭىنەن تانىمال بولدى. ول ارالاسپاعان, ول ساقتاپ قالۋعا ۇلەس قوسپاعان جاس ءومىر, دەرتتى ءسابي كەمدە-كەم. ارۋجان باسقاراتىن قايىرىمدىلىق قورعا كومەك سۇراپ كەلەتىن كىسى, جازىلاتىن حات-حاباردا قيساپ جوق. ارينە, ونىڭ ادالدىعى مەن ىسكەرلىگىنە ءتانتى بولعان دەمەۋشىلەر دە رەتى كەلگەندە قولداۋ كورسەتىپ, قوعامنىڭ ءبىر مۇڭىن دا بولسا ازايتۋعا, ءبىر وتانداسىمىزدىڭ كوڭىل بۇلتىن سەيىلتۋگە بەيىم.
ارۋجاننىڭ ارمانى كوپ. قوعامدا جەتىم بالالار ءۇيى بولماسا ەكەن دەپ تە, ءسابي اتاۋلى سىرقاتقا شالدىقپاسا ەكەن دەپ تە, قازاق ەلىندە بۇلدىرشىندەردىڭ شات كۇلكىسى ماڭگى جالعاسىپ, ەشبىر ادام اتا-انا بولۋ قۇقىعىنان ايىرىلماي, ەشبىر ءسابي شاڭىراق جىلۋىن اڭساماي, تەك بەيبىت تە بەرەكەلى ەل بولساق ەكەن دەپ كوپ ويلايدى. ويلاپ قانا قويماي, سول جولدا ومىرىنە اۋىرتپالىقتىڭ كولەڭكەسى تۇسكەن جاندارعا كومەك قولىن سوزۋعا ۇنەمى كومەكتەسىپ جۇرەدى. سونىڭ ناتيجەسىندە «ەركىن مەيىرىمدىلىك قوعامى» قوعامدىق قورى – قازاقستاندا ەمدەلمەيتىن, اۋىر ناۋقاس بالالارعا كومەك كورسەتۋگە باعىتتالعان «بالالارعا ءومىر سىيلا», «جەتىمدەرسىز قازاقستان» جانە «ءاۋتيزمدى جەڭەمىز!» قايىرىمدىلىق شارالارىنىڭ باستاماشىسى ءارى ۇيىمداستىرۋشىسى بولىپ تالايدىڭ العىسىنا بولەنە ءبىلدى.
ارۋجان ەلىمىزدىڭ, اسىرەسە, الماتى قالاسىنىڭ قوعامدىق ءومىرىنە قىزۋ اتسالىسىپ وتىرادى. وسىنداي سەرگەك ويلى, ازاماتتىق جاۋاپكەرشىلىككە دەگەن سانالى قادامدارىنىڭ جەمىسى بولسا كەرەك ارۋجان 2016 جىلى الماتى قالاسىندا قايتا قۇرىلعان قوعامدىق كەڭەسكە مۇشە بولىپ قابىلداندى.
بۇدان وزگە, ارۋجان ساين تەلەۆيزيالىق جوبالار مەن تەلە-سەريالدار ءتۇسىرۋ ىسىنە پروديۋسەر رەتىندە بەلسەنە ارالاسادى. بەلگىلى شوۋمەن مۇرات وسپانوۆ جۇرگىزەتىن «تاكسي» تەلە-شوۋى, «كاراوكە-تاكسي», «دەنگي ۆ دوم», «كۋحنيا», «بالاپان» ارناسىندا كورسەتىلەتىن بالالار مەن جاسوسپىرىمدەرگە ارنالعان «بيلە-بيلە» جانە «كىشكەنتاي نيۋتون» باعدارلامالارى «ارۋجان جانە كومپانيا» پروديۋسەرلىك ورتالىعى ءتۇسىرىپ, قالىڭ كورەرمەننىڭ كوزايىمىنا اينالعان تەلەتۋىندىلار.
قانات ەسكەندىر,
«ەگەمەن قازاقستان»
الماتى
سوڭعى جاڭالىقتار
ەلىمىزدىڭ قاي وڭىرلەرىندە جولدار جابىق تۇر؟
اۋا رايى • بۇگىن, 09:25
بىرقاتار وبلىستا اۋا رايىنا بايلانىستى ەسكەرتۋ جاريالاندى
اۋا رايى • بۇگىن, 09:16
بۇگىن 1 دوللاردى قانشا تەڭگەگە ساتىپ الۋعا بولادى؟
قارجى • بۇگىن, 09:10
شىمكەنتتە ساياباق اۋماعىنان ەر ادامنىڭ ءمايىتى تابىلدى
ايماقتار • كەشە
استانادا جانە ەلىمىزدىڭ 16 وڭىرىندە داۋىلدى ەسكەرتۋ جاريالاندى
اۋا رايى • كەشە
اتا زاڭدا ادام قۇقىعىنا قانداي ارتىقشىلىق بەرىلدى؟
اتا زاڭ • كەشە
قازاقستاندا 23 اقپانعا دەيىن بىرقاتار جول ۋچاسكەسى جابىلدى
اۋا رايى • كەشە
استانادا قۇجاتسىز تاسىمالدانعان ەت ونىمدەرى ساتىلماق بولعان
ايماقتار • كەشە
