قازاقستاننىڭ بۇۇ قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلىگىنە سايلانۋىنا بايلانىستى قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ ۇندەۋى

قازاقستان رەسپۋبليكاسى ازيا توبى مەملەكەت­تەرى­نىڭ اتىنان بىرىككەن ۇلتتار ۇيىمى قاۋىپ­سىزدىك كەڭەسىنىڭ 2017-2018 جىلدارعا ۋاقىتشا مۇشەسى بولىپ سايلان­دى. بۇل تۋرالى 2016 جىلعى 28 ماۋسىمدا نيۋ-يوركتە بۇۇ باس اسسام­بلەياسىندا وتكەن داۋىس بەرۋدىڭ ءناتي­جەسىندە ءمالىم بولدى قىمباتتى وتانداستار! قازاقستان تاۋەلسىزدىگىنىڭ 25 جىلدىعى بەلەسىندە تاعى ءبىر ماڭىزدى تاريحي وقيعا بولدى. ەلىمىز بىرىككەن ۇلتتار ۇيىمى قاۋىپسىزدىك كەڭەسىنىڭ 2017-2018 جىلدارداعى تۇراقتى ەمەس مۇشەلەرى قۇرامىنا ەندى. بۇل كەڭەس – بىرىككەن ۇلتتار ۇيىمىنىڭ جارعىسىمەن «حالىق­ارالىق بەيبىتشىلىك پەن قاۋىپ­سىزدىكتىڭ باستى جاۋاپكەرشىلىگى» جۇكتەلگەن, تۇراقتى جۇمىس جاسايتىن ورگان. ەلىمىزدىڭ وعان سايلانۋى – قا­زاق­ستاننىڭ حالىقارالىق ارەنا­داعى بەدەلى مەن ەڭبەگىنىڭ مويىندالۋى دەگەن ءسوز. ءبىزدىڭ ەلىمىز بەيبىتشىلىكتى, قاۋىپسىزدىكتى جانە ورنىقتى دامۋدى جاقتايتىنىن تاۋەلسىزدىك جىلدارىنىڭ بارىندە ءوزىنىڭ ناقتى ىستەرىمەن دالەلدەپ كەلەدى. ونى بارشاڭىز بىلەسىزدەر. سەمەي يادرولىق پوليگونىن جابۋ جانە قۋاتى جونىنەن ءتورتىنشى زىمىراندىق-يادرولىق ارسەنالدان باس تارتۋ تۋرالى شەشىمىمىزدى بۇكىل جەر شارى بىلەدى جانە قولدايدى. بىزگە الەمدىك قوعامداستىقتىڭ مۇنداي سەنىم كورسەتۋى مەم­لە­كەتىمىزدىڭ قارقىندى دامۋىنا جانە بەرەكە-بىرلىگىمىزگە دە بايلانىستى. بۇل تەك ءبىزدىڭ ەلىمىزدىڭ عانا ەمەس, سونداي-اق, بۇعان دەيىن ەش­قا­شان حالىقارالىق بەيبىتشىلىك پەن قاۋىپسىزدىككە جاۋاپ بەرەتىن ورگان­دا وكىلەتتىلىك ەتپەگەن بۇكىل ورتا­لىق ازيا ءسۋبوڭىرىنىڭ دە تابىسى. قازاقستان الداعى ەكى جىلعا بۇۇ قاۋىپسىزدىك كەڭەسىنىڭ مۇشە­لىگىنە سايلاندى. بۇل حالىقارالىق قاتىناس­تار­داعى كۇردەلى كەزەڭ بولماق. ونى بۇگىنگى كۇن احۋالىنا قاراپ-اق كورۋگە بولادى. دۇنيە سوزىلمالى جانجالدارمەن قاتار, قاۋىپسىزدىككە قاتەردىڭ بۇرىن-سوڭدى بولىپ كورمەگەن كەڭ اۋقىمىمەن بەتپە-بەت كەلىپ وتىر. ءبىز جاھاندىق پروبلەمالاردى شەشۋدىڭ جولدارىن ىزدەستىرۋگە سۇبەلى ۇلەس قوساتىن بولامىز. تۇراقتى جانە قاۋىپسىز الەم – بۇل ازاماتتارىمىز بەن بالالارىمىز ءۇشىن اسا قاجەتتى قۇندىلىق. ناق سوندىقتان قازاقستان بولاشاق قازىرگىدەن دە سەنىمدىرەك جانە يگىلىكتىرەك بولۋى ءۇشىن وزىنە بەرىلگەن مۇمكىندىكتى پايدالانىپ قالۋعا ۇمتىلاتىن بولادى. ءبىز جاھاندىق قوعامداستىقتىڭ نازارىن بۇعان دەيىنگى كوكەيكەستى باستامالارىمىزعا اۋدارۋ نيە­تىن­دەمىز. ولار يادرولىق قارۋ مەن سوعىس ۆيرۋستارى جانە جانجالداردان ازات الەم قۇرۋعا باعىتتالعان. قازاقستان وسى ىزگىلىكتى ماق­سات­تارىنا بۇۇ-نىڭ قۇ­رىل­عانىنا 100 جىل تولاتىن 2045 جىلعا قاراي قول جەتكىزۋ ءۇشىن جۇمىس ىستەيتىن بولادى. ءبىز مەنىڭ بۇۇ-نىڭ 2015 جىلى وتكەن باس اسسامبلەياسىنىڭ 70-ءشى سەسسياسىندا جاريالاعان تەرروريزمگە قارسى باستامامدى ىلگەرىلەتۋمەن اينالىسامىز. قازاقستان, سونداي-اق, سۋ, ەنەرگەتيكالىق جانە ازىق-ت ۇلىك قاۋىپسىزدىگى ماسەلەلەرىن شەشۋگە سەرپىن بەرەتىن بولادى. وسىنىڭ بارلىعى اركىمگە دە قاتىسى بار تولعاقتى ماسەلەلەر. قازىرگى زامانعى شەتىن پروبلەمالاردى شەشۋگە قاتىسۋ ءبىزدىڭ الدىمىزدان كوپتەگەن ەلدەرمەن جانە وڭىرلەرمەن قارىم-قاتىناستارىمىزدى دامىتۋ ءۇشىن مۇمكىندىكتەر اشادى. بۇۇ قاۋىپسىزدىك كەڭەسىنە سايلانۋ – بۇكىل قازاقستان حالقىنىڭ ەڭبەك سىڭىرگەن تابىسى. بۇل – ۇلت تولىسقاندىعىنىڭ كورسەتكىشى. ءبىز بەيبىتشىلىك پەن ىنتى­ماق­تاستىقتىڭ ورتاق قۇندىلىق­تارىن ىلگەرىلەتۋگە قابىلەتتى جاۋ­اپ­كەرشىلىكتى مەملەكەت رەتىندە وزدەرىنىڭ داۋىستارىن قازاق­ستاننىڭ كانديداتۋراسىنا بەرگەن بارلىق ەلگە ريزاشىلىعىمىزدى بىلدىرەمىز. ءبىزدىڭ رەسپۋبليكامىز بۇۇ قاۋىپسىزدىك كەڭەسىندەگى وكىلەت­تىگىن قامتاماسىز ەتۋ جونىندەگى قۇرمەتتى ميسسياسىن لايىقتى ورىندايتىنىنا سەنىمدىمىن. بۇل قازاقستاننىڭ الەمدەگى اسا دامىعان مەملەكەتتەر قاتارىنا ەنۋ, قاۋىپسىز جانە ءوسىپ-وركەندەگەن بولاشاق قۇرۋ جولىنداعى تاعى ءبىر تاريحي قادامى بولماق. مەن بارلىق قازاقستاندىقتاردى ەلىمىز تاۋەلسىزدىگىنىڭ 25 جىلدىعى بەلەسىندەگى وسى ماڭىزدى وقي­عامەن قۇت­تىق­تاعىم كەلەدى. بۇل – ەلىمىز ءۇشىن قۋانۋعا بولاتىن لايىقتى وقيعا. ەلىمىز وسىناۋ زور سەنىمنىڭ ۇدە­سىنەن شىعىپ, قازاقستاننىڭ الەم­دىك ارەناداعى ابىرويى اسقاق­تاي تۇسەرىنە كامىل سەنەمىن! بار­شاڭىزدى وسى تابىسىمىزبەن قۇتتىق­تايمىن!