جەر قويناۋىن پايدالانۋ قۇقىعىن بەرەدى

پارلامەنت سەناتى حالىقارالىق قاتى­ناستار, قورعانىس جانە قاۋىپسىزدىك كومي­تەتىنىڭ كەڭەيتىلگەن وتىرىسى ءوتتى, دەپ حابارلادى سەناتتىڭ ءباسپاسوز قىزمەتى. وندا «1998 جىلعى 6 شىلدەدەگى قازاقستان رەسپۋب­ليكاسى مەن رەسەي فەدەراتسياسى اراسىنداعى جەر قويناۋىن پايدالانۋعا ارنالعان ەگە­مەندىك قۇقىقتاردى جۇزەگە اسى­رۋ ماقساتىندا كاسپي تەڭىزى سول­­تۇستىك بولىگىنىڭ ءتۇبىن مەجەلەۋ تۋرا­­لى كەلىسىمگە حات­تاماعا وزگەرىس ەن­گىزۋ تۋرالى حاتتامانى راتي­فيكا­تسيالاۋ تۋرالى» زاڭ جوباسى قارالدى. 2015 جىلعى 15 قازاندا اس­تانا قا­لاسىندا قول قويىلعان قۇ­جات ەكى تاراپتىڭ كاسپي تەڭىزى سول­­تۇستىك بولىگى ءتۇبىنىڭ جەر قوي­ناۋىن يگەرۋدەگى قىزمەتىنىڭ قۇ­قىق­­تىق نەگىزىن قالىپتاستىرۋعا باعىت­تالعان. حاتتاما جەر قوي­ناۋىن يگەرۋگە قۇقىق بەرۋگە, سالىق سالۋعا, «تسەنت­رالنايا» گەولوگيالىق قۇ­رى­لى­مىندا جەر قويناۋىن پاي­دا­لان­عانى ءۇشىن تولەنەتىن تولەم­دەر­گە قاتىستى ەرەجەلەرمەن مازمۇندالعان. اتاپ ايتقاندا, قازاقستان جانە رە­سەي­دىڭ اتالعان كەن ور­نىن بىرلەسە يگە­رۋ ءۇشىن قۇرىل­­عان كاسىپورىنعا جال­­پى سالىق سالۋ رەجىمىن قولدانا وتى­­رىپ, 7 جىل مەرزىمگە جەر قوي­ناۋىن گەولوگيالىق زەرتتەۋ كەزەڭى­مەن 25 جىل مەرزىمگە اۋكتسيون ءوت­كىز­بەي جەر قويناۋىن گەو­لو­گيال­ىق زەرتتەۋ, پايدالى قاز­بالار­دى بارلاۋ جانە ءون­دىرۋ ءۇشىن «تسەنت­رال­نايا» قۇرى­لى­مىندا جەر قويناۋىن پايدالانۋ قۇقىعىن بەرەدى.