حات قورجىن

 وقىرمان ...العىس ايتادى كاسىپكەر التى مۇگەدەكتى جۇمىسقا قابىلدادى كەز كەلگەن كاسىپ اشۋدىڭ وڭاي شارۋا ەمەس ەكەنى بەلگىلى. ال ول كاسىپكەرلىگىڭە ەڭ الدى­مەن قىزمەتكەردىڭ تا­لاپ­قا ساي بولۋى كەرەكتىگىن ەس­كەر­سەك, اتىراۋ قالاسىندا قاعاز پاكەت شىعاراتىن كاسىپ­ورىن اشىلىپ, جۇمىسقا ارباعا تاڭىل­عان 6 مۇگەدەك قابىل­دان­عانى توسىنداۋ وقيعا بولىپ وتىر. بۇنى كاسىپ يەسىنىڭ ءوز­گەشە جان ەكەنىنىڭ بەلگىسى دەپ بىلەمىز. ءبىر باسىنا جەتەرلىك قىزمەتىن تاستاپ, زامان كوشىنە ىلەسۋدى ويلاستىرعان ازاماتتىڭ ءىسى وتە قۇپتارلىق يگىلىكتى شارا دەپ ۇعامىز. «دەنساۋلىق جاعدايىما بايلانىستى تەمىرجولداعى جۇمىسىمدى تاستاۋعا تۋرا كەلدى. بىراق اقشا تاۋىپ, وت­با­سىن اسىراۋ قاجەت. «جۇ­مىسپەن قامتۋدىڭ جول كارتاسى-2020» باع­دارلاماسى بويىنشا جىل­دىق 6,5 پايىز­بەن 3 ملن. تەڭگە كولە­مىن­دە كرەديتتىك قارىز ال­دىم. لوگوتيپ جانە قاعاز پاكەت­تەردى دايىنداۋ ءۇشىن جاب­­دىق­تار ساتىپ الدىم. بۇگىندە قارا­­ما­عىمدا 9 ادام جۇمىس ءىس­تەي­دى. ولاردىڭ التاۋى مۇگەدەك جاندار», – دەپ ءوز ىسىنەن قىس­قا-نۇسقا عانا حاباردار ەتتى «بۋم-2020» كاسىپورنىنىڭ ديرەكتورى اقمارال بايلاۋوۆا. مۇنداي مەيىرىمدى دە مەرەي­لى جانعا كىم-كىمدە بولسا دا ءىسىنىڭ وڭعا باسىپ, شارۋا­سى­نىڭ ورگە باسۋىنا باتاسىن بەرەرى ءسوز­سىز. ءبىزدىڭ دە اقمارال قارا­عى­ما قول­عا العان ونەگەلى ىسىڭە بەرەكە بەرسىن دەگىمىز كەلەدى.  اقنيەت بۇيىرسىن  اتىراۋ ...اسەرىمەن بولىسەدى بالالارعا قۋانىش سىيلادى سەمەي قالاسىندا «نۇر وتان» – بالالارعا» رەسپۋب­ليكا­لىق اكتسياسى بىرقاتار يگىلىكتى شارالاردىڭ ۇيىم­داس­تىرىلۋىنا تۇرتكى بولدى. سونىڭ ءبىرى – مۇمكىندىگى شەك­تەۋلى بالالارعا ارنالعان «قوش كەلدىڭ, جاز!» مەرەكەسى. پارتيانىڭ سەمەي قالالىق فيليالى مەن «يستوك» بالالار جانە جاستار شىعارماشىلىعى ورتالىعى حالىقارالىق بالا­لاردى قورعاۋ كۇنىنە وراي­لاس­تىرىپ, وسى شارانى تۇيە­موي­ناق ارالىندا تابيعات اياسىندا وتكىزدى. «نۇر وتان» – بالالارعا» شاراسىنىڭ نەگىزگى ماقساتى – بالالاردىڭ تالانتىن اشىپ, تالابىن ۇشتاۋ. ارقايسىسى­نىڭ شىعارماشىلىققا دەگەن ۇمتىلىستارىن – ومىرگە, ونەر­گە دەگەن قۇشتارلىق دەپ باعا­لايدى. پارتيامىزدىڭ «با­قىتتى وتباسى», «كەدەرگىسىز كەلەشەك» جوباسى وسى باعىت­تاعى جۇمىستاردى الداعى ۋاقىتتا دا جالعاستىراتىن بولادى. ءىس-شارا كوتەرىڭكى كوڭىلگە تولى ساحنالىق باعدارلامالارعا ۇلاستى. مەرەكە بارىسىندا «يستوك» قوعامدىق بىرلەستىگى تاربيەشىلەرى مەن ماماندارى ازىرلەگەن «تەاترالنىي», «زاگادوچنىي», «سپورتيۆنىي» ەرتەگى-قويىلىمدارىنىڭ كەيىپ­كەر­لەرى بالالاردى قىزىقتى­رىپ, كوڭىلدەرىن كوتەردى.  اسەم جىلقىشەۆا  شىعىس قازاقستان وبلىسى ...ۇلگى تۇتادى سيىردىڭ ءسۇتى – تىلىندە سوڭعى جىلدارى ءبىزدىڭ اۋداننىڭ ورتالىعى جىمپيتى كەنتىندە اۋىل شارۋاشىلىعى ونىمدەرىنىڭ جارمەڭكەسىن ءوت­كىزۋ داستۇرگە اينالا باس­تادى. بۇل باعىتتاعى ساۋدا-سات­تىق بيىل ەرتەرەك قولعا الىندى. جارمەڭكەدە جىم­پيتى, شولاقاڭقاتى, ساروي, بۇلدىرتى جانە تالدىبۇلاق اۋىلدىق وكرۋگىندەگى تۇرعىن­دار مەن شارۋالار ءوز ونىمدەرىن ساتىلىمعا شىعاردى. كەلۋ­شىلەر, اسىرەسە, ءسۇت ونىمدەرىنە ەرەك­شە سۇرانىس ءبىلدىردى. مەن ءوزىم شولاقاڭقاتى اۋىلدىق وكرۋگىنىڭ ورتالىعى توعاناس اۋىلىندا تۇرامىن. وزگەلەر سەكىلدى جارمەڭكەگە ءسۇت جانە ءسۇت ونىمدەرىن الىپ كەلگەن بولاتىنمىن. بارلىق اۋىلدىڭ تۇرعىندارى سياقتى ءبىز دە ءىرى قارا ۇستايمىز. سيىردىڭ ءسۇتى تىلىندە دەگەندەي, ءبىز بۇل ت ۇلىكتى جاقسىلاپ باعىپ-كۇتىپ, وسى ارقىلى ءتيىستى ءناسىبىمىزدى تاۋىپ ءجۇرمىز. كوزىم جەتكەنى سيىردىڭ سۇتىنەن دە جاقسى پايدا تابۋعا بولادى ەكەن. سوندىقتان دا ءسۇت ونىمدەرىن ساتۋ مەنىڭ تۇراقتى كاسىبىمە اينالدى. سول سەبەپتى اۋدان ورتالىعىنا ءجيى كەلەمىن. جىمپيتىنىڭ باسىندا قايماق پەن مايدى تۇراقتى ساتىپ الاتىن تۇتىنۋشىلارىم بار. سۆەتا ءامىروۆا, اۋىل تۇرعىنى باتىس قازاقستان وبلىسى, سىرىم اۋدانى ...جاقسىلىعىن جەتكىزەدى تۇلەكتەر اشقان ساياباق شالقار اۋدانىنىڭ موڭكە بي اۋىلىنداعى مۇحامبەتقازى ءتاجين اتىنداعى ورتا مەك­تەپتىڭ 1986, 1996 جانە 2006 جىلدارداعى تۇلەكتەرى باس قوسىپ, ەل تاۋەلسىزدىگىنىڭ 25 جىل­دىعى قۇرمەتىنە «تۋعان جەرگە تاعزىم!» شاراسى ايا­سىندا ساياباق اشتى. ايتا كەتۋ كەرەك, بۇدان بىرنەشە جىل بۇرىن وبلىستاعى تىرەك اۋىلداردىڭ ءبىرى بوپ سانا­لاتىن بۇل مەكەندە ساياباق اشۋ وبلىستىق اكىمدىكتىڭ جوس­پارىندا قارالىپ, كوميسسيا وتى­رىسىندا بەلگىلەنىپ تە قويعان. الايدا, قارجى داع­دارىستارىنا بايلانىستى توق­تاپ قالعان سىڭايلى. مىنە, وسىنداي يگى شارانى قولعا العان اۋىل تۇلەكتەرى تۋعان جەرگە, ەلگە دەگەن سۇيىسپەنشىلىگىن ناق­تى ىسپەن كورسەتە ءبىلدى. ساياباقتىڭ سىرتى مال كىرمەۋى ءۇشىن تەمىرمەن قور­شالدى. ءۇش ءجۇز تۇپتەي ءتۇرلى اعاش كوشەتتەرى وتىرعىزىلدى. سۋ قۇبىرى تارتىلدى. تاياۋ ۋا­قىتتا ورىندىقتار قويىلىپ, اباتتاندىرىلاتىن بولادى. الداعى ۋاقىتتا ساياباق ىشىندە موڭكە بيگە ەسكەرتكىش ورناتۋ ءۇشىن ورىن بەلگىلەندى. اۋىل ادامدارى ءۇشىن دەما­لىس ورىنىن اشۋ تۋرالى باس­تاما كوتەرىپ, ونى جۇزەگە اسى­رۋ ءۇشىن ءىستىڭ باسى-قاسىندا جۇرگەن وسى مەكتەپ تۇلەگى «اقتوبە ءسات» جشس ديرەكتورى مارات قانسۇلتانوۆقا ەل العىس ايتادى. سونداي-اق, يگى ءىستىڭ باسىنان تابىل­عان ءتۇرلى كاسىپتىڭ يەلەرى قول­عانات قۇدايبەرگەنوۆ, تەمىرحان تىلەۋبەرگەنوۆ, تال­عات جۇما­عازين, بورانتاي ءابىلوۆ, بەركىنباي قوجاگەلدين, يگىلىك كنيازباەۆ, نۇربەك بەرىم­بەتوۆ, نۇرلان ساتاەۆ, بال­دىباي توقتارباي ۇلى, سامعات قۋانتاي ۇلى, بەكبولات مىرزابەرگەن ۇلى سىندى جىگىت­تەردىڭ ەسىمدەرىن ەرەكشە ءىلتي­پات­پەن ايتىپ جاتتى. بەردىباي كەمال اقتوبە وبلىسى