ەسكەرتكىش ماكەتى وزىندىك قاھارمان سيپاتقا يە ەكەندىگىمەن قاتار, ول جاس ءمۇسىنشىنىڭ ىشكى رۋحاني قۋاتىن ايقىندايدى. – اۋەلدە ديپلوم تاقىرىبىن تاڭدار تۇستا باتىرحان شوكەنوۆ, قاجىمۇقان سياقتى قازاقتىڭ تالانتتى ۇلدارىن سومداۋ تۋرالى وي بولدى. مەن ءوز تاڭداۋىمدى جاساردا ماسەلەگە پاتريوتتىق تۇرعىدان قارادىم دا, ۇلتتىڭ قاھارمان ۇلدارىن جاساعىم كەلدى. بۇل ەسكەرتكىشتى جاساۋعا 4 اپتاداي ۋاقىت كەتتى. قازىر ەلىمىزدە راقىمجان قوشقارباەۆتىڭ كەلبەتىن سيپاتتايتىن ءمۇسىن نەمەسە ناقتى ۇلكەن مونۋمەنتتىك مۇسىندەر جوق.
تەك قانا بيۋستەرى عانا بار, – دەيدى ستۋدەنت شاح-احمەت ەرمەك ۇلى. امەريكانىڭ The New York Times گازەتىنىڭ 1945 جىلعى 1 مامىرداعى نومىرىندە «كەڭەس قىزىل تۋى رەيحستاگ ۇستىندە جەلبىرەدى» دەگەن تاقىرىپتا ماقالا جاريالانىپ, وندا: «ەشكىم تىزە بۇكتىرە الماعان گەرمانيانىڭ رەيحستاگىنا يدريتسك ديۆيزياسىنىڭ لەيتەنانتى راقىمجان قوشقارباەۆ پەن جاۋىنگەر گريگوري بۋلاتوۆ 30 ءساۋىر كۇنى ساعات 15:00 شاماسىندا حالىق تۋىن تىكتى» دەپ اتاپ كورسەتىلگەن. اراعا 62 جىل سالىپ بارىپ مويىندالعان باتىر راقىمجان قوشقارباەۆقا ارنالعان لايىقتى ەسكەرتكىش بوي كوتەرەدى عوي, دەگەن تىلەك بىلدىرەدى جاس ءمۇسىنشى.
قانات ەسكەندىر, «ەگەمەن قازاقستان»
الماتى
