ءبىراۋىزدان ماقۇلدادى

مەملەكەت باسشىسى نۇرسۇلتان نازارباەۆ استانا قالاسىنىڭ اكتيۆىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ الدىندا قالالىق ءماس­لي­حاتتىڭ سەسسياسى بولىپ ءوتتى. وندا دەپۋتاتتار اس­تانا قالاسىنىڭ جاڭا اكىمى ءا.يسە­كە­شەۆتىڭ كانديداتۋراسىن ءبىراۋ­ىز­دان ماقۇلدادى. – بۇل قالانى كىمنىڭ باس­قا­را­تىنىنا مەن نەمقۇرايلى قا­راي المايمىن. ول تاجىريبەلى, ءبى­لىمدى, قازاقستانعا تانىمال, ەلور­دانىڭ مۇددەسىن قورعاي وتىرىپ, ۇكىمەتپەن جۇمىس ىستەي الاتىن ادام بولۋعا ءتيىس. مەن اسەت يسە­كەشەۆتى سونداي ادام دەپ ەسەپ­تەيمىن. بۇگىن ءماسليحاتتىڭ كەلى­سىمىمەن تاعايىندالعان جاڭا اكىم­دى قۇتتىقتايمىن, – دەدى ەلباسى. قازاقستان پرەزيدەنتى, سون­داي-اق, ءا.جاقسىبەكوۆتى جاڭا لاۋا­زىمعا تاعايىندالۋىمەن قۇت­تىقتادى. – بۇگىن ادىلبەك جاقسىبەكوۆ پرە­زيدەنت اكىمشىلىگىنىڭ باس­شىسى بولىپ تاعايىندالدى. ول 1997 جىلى ەلوردانىڭ العاش اۋىس­قان كۇنىنەن باستاپ قالا اكىمى بو­لىپ تاعايىندالىپ, ەڭ قيىن كەزەڭ­دەردە جۇمىس ىستەدى. بارلىق تاپسىر­مالاردى ورىندادى. ودان كەيىن بىرقاتار وزگە دە لاۋازىمداردى اتقارىپ, وسى قىزمەتكە قايتا ورالدى. مەن وعان جۇمىسى ءۇشىن العىس ايتامىن جانە جاڭا لاۋازىمىمەن قۇتتىقتايمىن, – دەدى نۇرسۇلتان نازارباەۆ.