اكىمشىلىكتىڭ باسشىلىق قۇرامىمەن كەزدەستى

مەملەكەت باسشىسى نۇرسۇلتان نازارباەۆ پرەزيدەنت اكىمشىلىگىنىڭ باسشىلىق قۇرامىمەن كەزدەستى, دەپ حابارلادى پرەزيدەنتتىڭ ءباسپاسوز قىزمەتى. كەزدەسۋ بارىسىندا قازاقستان پرەزيدەنتى پرەزيدەنت اكىم­شى­لى­گىنىڭ باسشىسى قىزمەتىندە اتقار­عان جۇمىسى ءۇشىن ن.نىعما­تۋ­­لينگە العىس ايتتى جانە الداعى پا­ر­­لا­مەنتتىك قىزمەتىنە تابىس تىلەدى. – سوڭعى ەكى جىلدا ەلدە جوعارى دەڭگەيدە ۇيىمداستىرىلعان پرە­زيدەنتتىك جانە پارلامەنتتىك ساي­­لاۋلار وڭ باعاعا يە بولىپ, حال­قى­مىزدىڭ اۋىزبىرشىلىگىن كورسەتە ءبىلدى. ن.نىعماتۋلين ۇزاق جىلدار بويى مەنىمەن بىرگە جۇمىس ىستەپ كەلەدى. ول ءىستى بىلەتىندىگى جانە كاسىبي بىلىگى ارقىلى بارلىق سالادا قويىلعان مىندەتتەردى شەشە الدى, – دەدى ەلباسى. نۇرسۇلتان نازارباەۆ كەزدەسۋ­گە قاتىسۋشىلارعا پرەزيدەنت اكىمشىلىگىنىڭ جاڭا باسشىسى ءا.جاقسىبەكوۆتى تانىستىردى. – ول بۇعان دەيىن دە وسى قىز­مەتتە بولىپ, ءارتۇرلى لاۋازىمدار­دى اتقاردى. بۇل باعىتتا ورىندالىپ جاتقان مىندەتتەرگە بايىپ­تى­­لىق­پەن قارايتىن تاجىريبەلى ادام قاجەت, – دەدى قازاقستان پرە­زيدەنتى. سونىمەن قاتار, مەملەكەت باسشىسى تاپسىرمالاردىڭ ورىندالۋىنا ءتيىمدى باقىلاۋ جۇرگىزۋدىڭ ماڭىزدىلىعىن ايتا كەلە, پرە­زي­دەنت اكىمشىلىگى جۇمىسىنىڭ با­سىمدىعى بار باعىتتارىن اتاپ ءوتتى.