ۇزدىكتەردىڭ ۇزدىگى

قورعانىس ءمينيسترى يمانعالي تاسماعامبەتوۆ «ايبىن» ەكىنشى رەسپۋبليكالىق اسكەري-پاتريوتتىق جيىنىنىڭ سالتاناتتى جابىلۋ راسىمىنە قاتىستى. «وسەر ەلدىڭ بالاسى ارمانشىل بولادى, وشەر ەلدىڭ بالاسى جانجالشىل بولادى». بۇل – ەلباسى – جوعارعى باس قولباسشى نۇرسۇلتان نازارباەۆتىڭ ءسوزى. مىنە, مەن وسى ورتادا رۋحىن نامىسىنا تۇيگەن, وتانىن جۇرەگىمەن سۇيگەن سول ارمانشىل جاس­تاردى كورىپ تۇرمىن! سىزدەردىڭ «ەل ەرتەڭىن قورعايمىن» دەگەن قوردالى نيەتتەرىڭىزدى ءبىلىپ تۇرمىن! ولاي دەيتىنىم, وسى جەردە وتكەن بەس كۇندە سىزدەر جاۋىنگەر بولۋدىڭ قىر-سىرىن مەڭگەرىپ قانا قويعان جوقسىزدار. ءوزارا تىرەك بولۋدىڭ, قيىندىقتا كەرەك بولۋدىڭ قادىرىن بىلدىڭىزدەر. وسى ارقىلى ناعىز دوستىقتىڭ نە ەكەنىن سەزدىڭىزدەر», – دەدى قورعانىس ۆەدومستۆوسىنىڭ باسشىسى جيىنعا قاتىسۋشىلارعا ارناعان سوزىندە. اسكەري قولدانبالى سپورت ءتۇرى, اسكەري-دالالىق تاكتيكالىق ويىن, سونداي-اق, «ايبىن دارىنى» روبوتتى تەحنيكالار مەن زياتكەرلىك بايقاۋى بويىنشا جارىستاردا ۇزدىك ناتيجە كورسەتكەن جاستار قورعانىس ءمينيسترىنىڭ قولىنان ناگرادا الۋعا لايىق دەپ تانىلدى. ءال-فارابي اتىنداعى قازاق ۇلتتىق ۋنيۆەرسيتەتى اسكەري كافەدراسىنىڭ ستۋدەنتى داستان راحاتوۆ «مەنىڭ روبوتىم» بايقاۋىنىڭ جەڭىمپازى اتاندى. «مەنىڭ ۇشقىشسىز ۇشۋ اپپاراتىم» بايقاۋىنىڭ ۇزدىگى – «ارىستان» مامانداندىرىلعان ليتسەيىنىڭ تاربيەلەنۋشىسى قايسار بەردىعۇلوۆ, ال «ايبىن دارىنى» زياتكەرلىك ويىنىنىڭ ۇزدىگى رەتىندە سەمەي قالاسىنداعى مامانداندىرىلعان مەكتەپ-ليتسەيدىڭ تاربيەلەنۋشىسى ەرقانات كەنجەحانوۆ تانىلدى. سەمەي قالاسىنداعى مامانداندىرىلعان مەكتەپ-ليتسەيدىڭ تاربيەلەنۋشىلەرى «ايبىن» جيىنىنىڭ جانە اسكەري-دالالىق تاكتيكالىق ويىننىڭ جەڭىمپازدارى دەپ جاريالاندى. جالپىكوماندالىق ەسەپتە ءبىرىنشى ورىندى اسكەري-پاتريوتتىق كلۋبتار اراسىندا – اقمولا وبلىسىنىڭ «باتىر» اسكەري-پاتريوتتىق كلۋبى, ال جوعارى وقۋ ورىندارى اسكەري كافەدرالارىنىڭ اراسىندا – قازاق ۇلتتىق اگرارلىق ۋنيۆەرسيتەتى, رەسپۋبليكالىق اسكەري مەكتەپ-ينتەرناتتارى اراسىندا – سەمەي قالاسىنىڭ مامانداندىرىلعان مەكتەپ-ليتسەيى يەلەندى. قورعانىس ۆەدومستۆوسىنىڭ باسشىسى روبوتتى تەحنيكالار مەن ۇشقىشسىز ۇشۋ اپپاراتتارىنىڭ كورمەسىمەن تانىستى. «جاس ۇلان» اسكەري مەكتەبىنىڭ تاربيەلەنۋشىسى قويان-قولتىق كۇرەستە ءوز شەبەرلىگىن كورسەتسە, اسكەري-تەحنيكالىق مەكتەپتىڭ جىگىتتەرى موتوتسيكل مەن كۆادروتسيكلدى جۇرگىزۋدەگى كەرەمەت ونەرلەرىمەن كورەرمەندى ءتانتى ەتتى. سودان كەيىن اسپانعا ۇشقىش­سىز ۇشۋ اپپاراتتارى كوتەرىلدى. ال اۆياتسيالىق وقۋ-جاتتىعۋ ورتا­لىعىنىڭ كۋرسانتتارى مەن اۋە قورعانىسى كۇشتەرى اسكەري ينستي­تۋتىنىڭ جاس ۇشقىش تۇلەكتەرى ۇشۋداعى جەتىستىكتەرىن پاش ەتتى. «وتاندى ءسۇيۋ – وركەنيەتتىلىكتىڭ ءبىرىنشى بەلگىسى. دەسە دە, ءوسۋ مەن وركەندەۋدىڭ ءوزى – تەك ءوزىن ءوزى قورعاي الاتىن ەلدەرگە عانا بۇيىراتىن باق. وزدەرىڭىزگە ءمالىم, بيىل ەلىمىزدىڭ تاۋەلسىزدىگىنە 25 جىل تولادى. بۇل جىلداردىڭ باستى جەڭىسى دە, ەرتەڭگى جەمىسى دە بۇگىنگى ۇرپاق – سىزدەرسىزدەر», – دەدى ي.تاسماعامبەتوۆ. جاس پاتريوتتاردىڭ ورتاعا شىعىپ, بارلىق جيىنعا قاتى­سۋ­شىلارمەن بىرگە سالتاناتتى انت قابىلداۋى جابىلۋ ءراسىمىنىڭ ايرىقشا ءساتى بولدى. وسىدان كەيىن «ايبىن» جالاۋى ءتۇسىرىلىپ, جيىن رەسمي تۇردە جابىلدى. ەستەرىڭىزگە سالا كەتسەك, «ايبىن» ەكىنشى رەسپۋبليكالىق اسكەري-پاتريوتتىق جيىنىنا 800-دەن اسا قازاقستاندىق قىز-جىگىت قاتىستى. اتاپ ايتقاندا, ەلىمىزدىڭ بارلىق وڭىرىنەن اسكەري-مەكتەپ ينتەرناتتاردىڭ تاربيەلەنۋشىلەرى, اسكەري-پاتريوتتىق كلۋبتاردىڭ مۇشەلەرى مەن جوعارى وقۋ ورىندارى اسكەري كافەدرالارىنىڭ ستۋدەنتتەرى كەلدى. جيىنعا ولاردىڭ ارقايسىسىن اسكەري قىزمەتشى, پاتريوت بولسام دەگەن نيەت پەن اسكەري ىسپەن اينالىسۋعا دەگەن شىنايى تىلەك جەتەلەپ كەلدى. بيىل «ايبىنعا» قازاقستاننىڭ جوعارى وقۋ ورىندارى اسكەري كافەدرالارىنىڭ كۋرسانت قىزدارى ءبىرىنشى رەت قاتىستى. دەنە توزىمدىلىگى مەن شىدامدىلىققا, دالدىك پەن ەپتىلىككە نورماتيۆتەر تاپسىرۋ ءبىرىنشى سىناق بولاتىن. وسى سىناق بارىسىندا جىگىتتەر بەلاعاشتا كۇشتىك جاتتىعۋلاردى, ال قىزدار – كەشەندى كۇشتىك جاتتىعۋلاردى ورىندادى. سونىمەن قاتار, قاتىسۋشىلار اۆتوماتتى بولشەك­تەۋ جانە جيناقتاۋدا ءوز ەپتىلىكتەرىن كورسەتتى. اتىس شەبىندە جاستار ءۇشىن گرانات لاقتىرۋ تاعى ءبىر سى­ناق ءتۇرى بولدى. لاگەردىڭ اۋماعىندا ناعىز كورمە الاڭى ورىستەتىلدى. «مە­نىڭ روبوتىم» بايقاۋىنا قاتى­سۋشىلار روبوتتى تەحنيكا اۋ­قىمىنداعى وزدەرى جەتكەن جەتىس­تىكتەرمەن, سونداي-اق, جاڭا يدەيا­لارمەن تانىستىردى. «ەگەمەن-اقپارات»