جارىستار جاڭعىرىعى

فۋتبول. قازاقستان پرەمەر-ليگاسىنىڭ 17-تۋرى ويىندارى وينالدى. تۋردىڭ باستى ويىنى استانادا ءوتتى. وندا «استانا» «ەرتىستى» قابىلداپ, 1:1 ەسەبى­مەن تەڭ ءتۇستى. الماتىنىڭ «قاي­راتى» سىرت الاڭدا «اقتوبەنى» 6:2 ەسەبىمەن ۇتتى. باسقا كومان­دالاردىڭ ويىندارى بىلايشا اياقتالدى: «شاحتەر» (قاراعاندى) – «اقجايىق» (ورال) 3:1, «جەتىسۋ» (تالدىقورعان) – «توبىل» (قوس­تاناي) 0:1, «ورداباسى» (شىمەنت) – «وقجەتپەس» (كوكشەتاۋ) 2:2, «اتىراۋ» (اتىراۋ) – «تاراز» (تاراز) 1:0 تەننيس. قازاقستاندىق ياروسلاۆا شۆەدوۆا گوللانديادا وتكەن كوگالداعى Ricoh Open جارى­سىنىڭ جۇپتىق سىنىندا جە­ڭىسكە جەتتى. گرۋزيالىق وكسانا كالاش­نيكوۆامەن جۇپ قۇراپ سىنعا تۇسكەن شۆەدوۆا فينالدا كسەنيا كنولل (شۆەي­تساريا) مەن الەكساندرا كرۋ­نيچ جۇبىن 6:1, 6:1 ەسەبىمەن جەڭدى. ۆەلوسپورت. «شۆەيتساريا تۋرى» كوپكۇندىك جارىسى اياق­تالدى. «استانا» ۆەلوشاباندوزى ميگەل انحەل لوپەس جالپى ەسەپتە جارىستىڭ جەڭىمپازى اتاندى. فينالدىق كەزەڭدى ول ءتورتىنشى ناتيجەمەن اياقتادى. ءجۇزۋ. پاراليمپيادالىق سپورتشىلار اراسىندا گەرما­نيانىڭ اشىق چەمپيوناتى ءوتتى. قازاقستان رەسپۋبليكاسىنىڭ اتىنان ءزۇلفيا گابيدۋللينا, ءانۋار احمەتوۆ, رومان اگالاكوۆ, ەرجان سالىمگەرەەۆ, اندرەي افاناسەۆ جانە نۇرلان بايسەركەەۆ قاتىستى. جارىستىڭ قورىتىندىسى بويىنشا, قازاقستان قۇراما كومان­داسىنىڭ قورجىنىنا جەكە كلاستار بويىنشا 6 التىن, 3 كۇمىس جانە 3 قولا مەدال ءتۇستى. سونىمەن قاتار, ابسوليۋتتىك جارىستا 2 كۇمىس جانە 1 قولا مەدال بار. «ەگەمەن-اقپارات»