شىعىس قازاقستاندا باسقارما باسشىسى تاعايىندالدى

شىعىس قازاقستان وبلىسى اكىمىنىڭ ورىنباسارى جاقسىلىق ومار وبلىستىق مادەنيەت, مۇراعاتتار جانە قۇجاتتاما باسقارماسىنىڭ ۇجىمىنا جاڭا باسشىنى تانىستىردى. بۇل لاۋازىمعا ازامات مارات ۇلى مۇحامەدشىنوۆ تاعايىندالدى. ول وسىعان دەيىن وسكەمەن قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىسى قىزمەتىن اتقارعان. ازامات مارات ۇلى – 1978 جىلى 23 اقپاندا ۇلان اۋدانىنىڭ اسۋبۇلاق كەنتىندە تۋعان. س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن «مۋزىكا ءپانىنىڭ مۇعالىمى» ماماندىعى بويىنشا, شىعىس قازاقستان ايماقتىق ۋنيۆەرسيتەتىن «ەكونوميكا» ماماندىعى بويىنشا بىتىرگەن. ەڭبەك جولىن 1998 جىلى جارما اۋدانىنىڭ باقىرشىق اۋىلىندا باقىرشىق ورتا مەكتەبىنىڭ مۋزىكا ءپانى مۇعالىمى بولىپ باستادى. 2002-2008 جىلدارى ريددەر قالاسىندا «شاڭىراق» ورتا مەكتەبىندە كونتسەرتمەيستەر جانە دومبىرا ۇيىرمەسىنىڭ جەتەكشىسى بولدى. 2008-2010 جىلدارى ريددەر قالاسىنىڭ «مادەنيەت سارايى» كوممۋنالدىق مەملەكەتتىك قازىنالىق كاسىپورنىنىڭ ديرەكتورى, 2010-2012 جىلدارى ريددەر قالالىق مادەنيەت جانە تىلدەردى دامىتۋ ءبولىمىنىڭ باسشىسى قىزمەتتەرىن اتقارعان. 2012 جىلدىڭ ءساۋىر ايىنان بەرى وسكەمەن قالاسىنىڭ مادەنيەت جانە تىلدەردى دامىتۋ ءبولىمىنىڭ باسشىسى بولىپ ەڭبەك ەتىپ كەلدى. دۋمان اناش. دەرەك, فوتو: شىعىس قازاقستان وبلىسى اكىمىنىڭ ءباسپاسوز قىزمەتى.