جەرورتا تەڭىزىندە اي سايىن 450 بوسقىن سۋعا كەتەدى

جەرورتا تەڭىزىندە اي سايىن ەۋروپاعا باعىت العان 450 بوسقىن سۋعا كەتەدى. بۇل تۋرالى بىرىككەن ۇلتتار ۇيىمىنىڭ باس حاتشىسى پان گي مۋن گرەكيانىڭ لەسبوس ارالىنا جاساعان ساپارىندا مالىمدەدى. «الەمدە كۇن سايىن مىڭداعان وتباسى ءوز ۇيلەرىن تاستاپ كەتەدى. اي سايىن 450 ادام جەرورتا تەڭىزىندە قازا تابادى», – دەدى پان گي مۋن. ول گرەكيانىڭ پرەمەر-ءمينيسترى الەكسيس تسيپراسپەن كەزدەسىپ, مەملەكەتتىڭ بوسقىندارعا جاساپ جاتقان كومەگىن ايرىقشا اتاپ ءوتتى. «ەكونوميكالىق قيىندىقتارعا قاراماستان گرەكيا بيلىگى مەن حالقى باس ساۋعالاپ كەلگەندەرگە مەيىرىمدىلىكتەرىن كورسەتىپ, قانشاما ادامنىڭ ءومىرىن ساقتاپ قالدى. ءبىز شەكارانى جابۋ تۋرالى ماسەلەگە توقتاۋ سالۋىمىز كەرەك», – دەدى بىرىككەن ۇلتتار ۇيىمىنىڭ باس حاتشىسى. حالىقارالىق كوشى-قون ۇيىمىنىڭ مالىمەتى بويىنشا, 2015 جىلدىڭ قاڭتارىنان باستاپ بۇل ەل 1 ميلليونعا جۋىق ميگرانتتار مەن بوسقىنداردى قابىلداعان. ايان ءابدۋالي. دەرەك: russian.rt.com. فوتو: ryb.ru.