«ۇلت جاۋھارلارى» فوتوجيناعى

تاياۋدا ۇلتتىق اكادەميالىق كى­تاپ­حانادا مادەنيەت قايرات­كەرى, ونەر­تانۋ­شى باحارگۇل تولەگەننىڭ كول­لەكتسياسىنداعى انتيكۆارلىق زەرگەرلىك بۇيىم­دار توپتاماسىنان قۇراستىرىلعان «ۇلت جاۋھار­لارى» فوتوجي­ناعىنىڭ تانىستىرىلىمى ءوتتى. جيناققا 1000-نان استام قۇندى جادىگەرلەر مەن كادەسىيلار ەنگەن. فوتوجيناقتان كۋشان پات­شالىعىنىڭ ارحەولوگيالىق ارتەفاكتىلەرىمەن, VI-XII عاسىرلارعا جاتاتىن تاريحي قۇندىلىقتارمەن جاقىنىراق تانىسۋعا مۇمكىندىك تۋدى. قازاقستانداعى تۇركى حالىق­تارىنىڭ سيرەك كەزدەسەتىن التىن جانە كۇمىس بۇيىمدارىنىڭ جالعىز جەكە مۇراجايىنىڭ يەسى باحارگۇل تولەگەننىڭ ەسىمىن كوپ­شى­لىككە تانىستىرىپ جاتۋ ارتىق. ول – قازاقى كادەسىيلاردىڭ ۇلتتىق برەندىن قالىپتاستىرعان «ادەمى-اي» كومپانياسىنىڭ پرەزيدەنتى. بالالىق جانە جاستىق شاعىن قىتاي حالىق رەسپۋبليكاسىندا وتكىزگەن باحارگۇل 1994 جىلى تاريحي وتانىنا ورالىپ, بالا كەزىندەگى ارمانىنا قول جەتكىزدى. سول ساتتەن باستاپ كەيىپكەرىمىز بويىنداعى بار كۇش-جىگەرىن قازاقتىڭ ۇلتتىق مادەنيەتىن ناسيحاتتاۋعا ءارى قۇندى تاريحي ءجادى­گەرلەردى جيناقتاپ, ساقتاۋعا ارنادى. جيىندا «ادەمى-اي» كومپانيا­سى جايلى 20 مينۋتتىق شاعىن دەرەكتى فيلم كورسەتىلدى. ىزىنشە, سەنات دەپۋتاتى, «اۋىل» سوتسيال-دەموكراتيالىق پارتياسىنىڭ ءتور­اعاسى ءالي بەكتاەۆ, ءماجىلىس دەپۋتاتى سەرىك سەيدۋمانوۆ, مەملەكەت قايراتكەرى, عالىم, فيلولوگيا عىلىمدارىنىڭ دوكتورى مىرزاتاي جولداسبەكوۆ فوتوجيناقتىڭ لەنتاسىن قيدى. جيناق 2000 تارالىممەن جارىق كوردى. فوتوتۋىندىنى ەلىمىزدىڭ كىتاپ­حانالارىنان تابۋعا بولادى. ەسكە سالا كەتەيىك, 2011 جىلى الماتى قالاسىندا «ادەمى-اي» ونەر مۇراجايى اشىلعان بولاتىن. ال استانا قالاسىنداعى جاڭا ساۋدا نۇكتەسى 30 ماۋسىمدا اشىلادى دەپ كۇتىلۋدە.  ارداق ساماتقىزى, ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ستۋدەنتى