تەنتىرەتكەن تەرگەۋ ءىسى

پوليتسيا وفيتسەرىنىڭ ولىمىنە جانە جەكە مۇلكىنىڭ تونالۋىنا كىم كىنالى؟ ەلباسى تالاپ ەتىپ وتىرعانداي, مەملەكەتتىك ورگانداردىڭ سىندارلى ساياساتتى حالىق كوڭىلىنەن شىعاتىنداي تالاپپەن جۇزەگە اسىرۋى مەرەيلى مىندەت. الايدا, امال نە, مەملەكەتتىك ورگان وكىلدەرىنىڭ كەيبىرەۋى كەرىسىنشە ارەكەت ەتىپ جاتۋى وكىنىشتى-اق. اسىرەسە, بۇل قۇقىق قورعاۋ ورگاندارى قىزمەتكەرلەرىنە قاتىستى بولسا ءتىپتى دە ورەسكەلدىك ەكەنى داۋسىز.  ماسەلەن, ءومىرىنىڭ جيىرما التى جىلىن كەزىندە تەرگەۋشىلىك قىزمەتكە ارناعان اياگوز قالاسىنىڭ تۇرعىنى امانگەلدى ساتمۇحانبەتوۆ بۇگىندە سول قۇقىق قورعاۋ ورگاندارى قىزمەتكەرلەرى تاراپىنان ورىن العان زاڭسىزدىقتاردان ەندى ءوزى ءجابىر كورگەندىگىنە شاعىمدانىپ, رەداكتسيامىزعا ارنايى كەلىپتى. سوناۋ سەمەي وڭىرىنەن ات ارىتىپ كەلگەندەگى باستى سەبەپ, باۋىر ەتى بالاسىنىڭ اجال اۋزىندا جاتقان ساتتەرىندە العاشقى مەديتسينا­لىق كومەكتىڭ كورسەتىلمەۋى جانە جەكە زاتتارىنىڭ تونالۋىنا جول بەرىلۋى. ەگەر بالاما دەر كەزىندە العاشقى مەديتسينالىق كومەك كورسەتىلگەندە, ونىڭ ءومىرىن ساقتاپ قالۋعا بولادى ەكەن, دەيدى زەينەتكەر امانگەلدى قاسىم ۇلى ءدارى­گەر­لەرمەن بولعان اڭگىمەسىنىڭ ۇشىن شىعارىپ. ونىڭ ايتۋىنشا, 2014 جىلدىڭ 3 شىلدەسىندە شىعىس قازاقستان وبلىسى اياگوز قالاسى ارقىلى وتەتىن «الماتى – وسكەمەن» تاس جولىنىڭ 761-ءشى شاقىرىمىندا بالاسى جول-كولىك اپاتىنا ۇشىرايدى. تاڭعى ساعات بەستەر شاماسىندا ۇر­­لا­ن­عان جىلقىلاردى ىزدەۋ ءۇشىن ءوزى رولگە وتىرىپ, قىزمەت بابى­مەن جولعا شىققان بالاسى – شقو ءۇرجار اۋداندىق ىشكى ىستەر ءبولى­مى­نىڭ ۋچاسكەلىك ينسپەكتورى, پولي­تسيا لەيتەنانتى امانتاي مار­عۇلان­نىڭ كوزى ءىلىنىپ كەتكەن بولۋى ءمۇم­كىن. قالاي بولعاندا, ونىڭ جەكە اۆتوكولىگىنىڭ بولىكتەرى ءار جەر­دە شاشىلىپ جاتۋى جانە ءبىر دوڭ­عالاعىنىڭ ج ۇلىنىپ كەتۋى سوق­قىنىڭ وڭاي كەلمەگەندىگىن كور­سەتەدى. العان جاراقاتىنان اۋا­نىڭ كەۋدە قۋىسىنا مولىنان جەت­پەگەندىكتەن قىرىلداپ, ءومىر ءۇشىن كۇرەسىپ جاتقان پوليتسيا فور­ماسىنداعى جاس جىگىتكە ەشكىم دەر كەزىندە قول ۇشىن بەرمەگەن. جول-كولىك وقيعاسىنىڭ العاشقى كۋاگەرى, جولاۋشى, پريوزەرسك قالا­سىنىڭ تۇرعىنى شاحمۇرات ايتاحۋنوۆ 112, 102 جانە 103 تەلەفوندارىنا حابارلاسىپتى. الايدا, العاشقى كۋاگەر جەكە اۆتوكولىگىندە ايەلى مەن جاڭادان تۋىلعان ءسابيى بولعاندىقتان, ءولىم اۋزىندا جاتقان پوليتسيا قىز­مەت­كەرىن جاقىن ماڭداعى اۋرۋ­حاناعا جەتكىزىپ سالۋدى دا ويلاماعان, تەك كۇتكەن دە وتىرا بەرگەن. ال ءبىر جارىم ساعاتتان كەيىن ءوزىنىڭ جەكە كولىگىمەن جەتكەن جول-پاترۋلدىك پوليتسيا قىزمەتكەرى كىشى سەرجانت راۋان انۋاربەكوۆ كەلگەن بويدا ش.ايتاحۋنوۆتان قىسقاشا تۇسىنىك الىپ, حال ۇستىندە جاتقان وفيتسەرگە العاشقى كومەك كورسەتپەستەن, ءتيىپ تۇرعان وتكىزۋ بەكەتىندەگى جۇمىس ورنىنا قايتىپ كەتكەن. وكىنىشتىسى سول, اۋداندىق اۋرۋحانا اتالعان بەكەت تۇرعان جولدىڭ بويىندا ورنالاسقان. بىراق تا جارالى جاندى جەتكىزەتىن ادام تابىلماپتى. ر.انۋاربەكوۆ بەكەتتى تاستاپ كەتۋگە بولمايدى دەگەن سىلتاۋمەن كەرى قايتىپ كەتكەن. بۇل ارادا, بەكەتتە ونىڭ ارىپتەسى ستارشينا اسقار كۇنسۇيەروۆ وتىرعاندىعىن جانە ونىڭ جايسىز حاباردى جارالى وفي­­تسەردىڭ استانا قالاسىندا جۇرگەن اكەسى مەن اعاسىنا حابار­لاعاندىعىن قاپەرگە سالا كەتۋ كەرەك. دەنەسىندە ەشقانداي جاراقا­تى نەمەسە سۇيەك سىنىعى جوق بالاسىنىڭ قينالىپ جاتقانىن كورە تۇرا جاقىن ماڭداعى اۋرۋ­حاناعا اپارماعان جاندارعا نالى­عان اكە: «وسكەمەننەن ارنايى كەل­­گەن دارىگەر-نەيروحيرۋرگ قىم­بات ۋاقىتتىڭ زايا كەتكەنىن جانە بالانىڭ اۋرۋحاناعا كەش جەت­كىزىل­گەنىن ايتتى. ەگەر جاپا شەگۋشى نەعۇرلىم ەرتەرەك جەتكىزىلىپ, ال­عاشقى مەديتسينالىق كومەك كور­سەتىلگەندە, ول جانعا باتار اۋىرلىق شەكپەي, كوماعا تۇسپەس ەدى», دەيدى. ءبىر وكىنىشتىسى سول, 21 جاسىندا جارىق ومىرمەن قوشتاسقان جاس جىگىت كۇزدە ۇيلەنۋدى جوسپارلاپ ءجۇرىپتى. ۇرپاقسىز كەتكەن ۇلاننىڭ وكىنىشى دە اكە-شەشەسىنىڭ بەلىن قايىستىرىپ وتىر. سوندىقتان دا, قىزمەت بابىندا قازا تاپقان پوليتسيا قىزمەتكەرى­نىڭ اكەسى پوگون­دى­لاردىڭ ارەكەت­تەرى مەن ارە­كەت­سىزدىكتەرى, ودان قالسا ءوز ىستەرىنە نەمقۇرايدى قارا­عاندىعى جانە جالعان قۇجات جاساعاندارى ءۇشىن قىلمىستىق جاۋاپقا تارتۋ كەرەك دەپ سانايدى. ءيا ا.ساتمۇحانبەتوۆتىڭ بۇل ىشكى جاناي­­قايىن تۇسىنۋگە بولادى. بالا­سىن اۋرۋحاناعا جەتكىزبەك تۇگىلى, جول-كولىك وقيعاسى ورىن ال­عان جەردەگى ايعاقتاردى تىركەۋگە الۋى ءتيىس جەدەل تەكسەرۋ توبى ءارىپ­تە­سى­­نىڭ جەكە زاتتارىنىڭ قول­دى بو­لىپ كەتۋىنە جول بەرگەنى انىقتالدى. جايسىز حابار جەتكەننەن كەيىن جول-كولىك وقيعاسى ورىن العان جەردى قاراۋ ءۇشىن قۇرا­مىن­دا اعا انىقتاۋشى, پوليتسيا كاپي­تانى عالىم امانعاليەۆ جەكە جۇرگىزۋشىسى نۇرلان جۇماقانوۆ­پەن جولعا شىققان. ولار جەتكەن كەزدە وقيعا ورنىندا مەم­لەكەتتىك اۆتوينسپەكتسيا قىز­مەت­كەرى التىنبەك قوپاباەۆ پەن اعا كريميناليست, پوليتسيا اعا لەي­تەنانتى داۋرەن قاماروۆ بولىپتى. اتالعان جەدەل تەرگەۋ توبى وقيعا ورنىنا جەتىسىمەن تىكەلەي قىزمەتتىك مىندەتتەرىنە جاۋاپتى قاراماي, ۇقىپسىزدىق پەن سال­عىرتتىق تانىتقان. مۇن­داي ورەسكەلدىكتەردىڭ ورىن العان­دىعى اياگوز اۋداندىق سوتىندا انىق­ت­الىپ وتىر. تارقاتىپ ايت­­قاندا, ع.امانعاليەۆ وقيعا ور­نى­­نان حاتتاما تولتىرعان كەزدە اۆتوكولىكتى اياگوز ءاىىب جەت­كىز­دىك دەپ كورسەتكەن. سول كۇنى ول ءب ۇلىن­گەن اۆتوكولىكتى زاڭدى يەسىنە قايتارۋدان باس تارتقانى انىقتالىپ وتىر. ال شىنتۋايتىندا, قۇنى 10 مىڭ دوللار تۇراتىن «تويوتا كارينا ە» اۆتوكولىگىنىڭ ءبىر تاۋلىكتەن كەيىن قانقاسى مەن قوزعالتقىشى عانا قالىپتى. وندا دا اۆتوكولىكتى بالانىڭ اكەسى پوليتسيا بەكەتىنەن ءوز كۇشىمەن الىپ كەتىپتى. كوپتەگەن جەكە زاتتارىن ايتپاعاندا, قايتىس بولعان پوليتسيا وفيتسەرىنىڭ قىزمەتتىك جەزلى, اۋرۋحاناعا جەتكىزىلگەندە قولىندا بولعان 80 مىڭ تەڭگەلىك ساقيناسى, ءبىر ايلىق جالاقىسى جانە 167479 تەڭگە تۇراتىن «Iphone-5 S» تەلەفونى جوعالىپ كەتكەن. قازا تاپقان جىگىتتىڭ اكەسى ءبىر تاۋلىك ىشىندە جەكە ادامدار وقيعا ورنىنا جولاي المايتىندىقتان, پوليتسيا قىزمەتكەرلەرىنەن كۇدىك­تەنەتىنىن جاسىرمايدى. ونىسى بەكەر دە ەمەس ەكەن. اياگوز ءاىىب كري­ميناليسى داۋرەن قاماروۆ پولي­تسيا قىزمەتكەرىنىڭ اۋىر حالدە جاتقانىن بىلە تۇرا الگى «Iphone-5 S» تەلەفونىڭ جاسىرىن ۇرلاپ العانى اشكەرەلەنگەن. قولدان قولعا وتكەن بالاسىنىڭ تەلەفونىن دا ا.ساتمۇحانبەتوۆ تەرگەۋشىلىك تاجىريبەسىن پايدالانىپ, ءوزى انىقتاپ, تاۋىپ بەرگەن. نە كەرەك, سىبايلاس جەمقورلىققا تىكە­لەي قاتىستى قىلمىس جاسا­عانى ءۇشىن كريميناليست ەكى جىل سىناق مەرزىمىمەن شارتتى جازاعا تارتىلعان. ال مارقۇمنىڭ ءاميانىن انىقتاۋشى ع.امانعاليەۆ ءارىپ­تەسى ا.قوپاباەۆتىڭ قولىنان العان­دى­عىن ايتىپ كورسەتكەن. الايدا, ءاميان­دا ەشقانداي اقشا بولماي شىق­قان. باسقا اۋدانعا ۇزاق جولعا شىق­قان پوليتسيا قىزمەتكەرىنىڭ اق­شا­سى بولماعاندىعىنا سەنۋ قيىن. «تويوتا كارينا ە» اۆتوكولىگى­نىڭ تونالۋى مەن جەكە م ۇلىكتەرىنىڭ قولدى بولۋى سەبەپتى قىلمىسكەر­لەردى انىقتاپ, جاۋاپقا تارتۋدى ءوتىنىپ, ولگەن بالانىڭ اكەسى اياگوز قىىب-نە ارىز جازعان. ونىڭ ايتۋىن­شا, سول كۇنى كەشكىسىن پوليتسيا قىز­مەتكەرى رينات سالىمگەرەەۆ تەلە­فون ارقىلى كۇيەۋ بالاسى قۋات تۇرسىنوۆپەن سويلەسىپ, ءتىپتى, ۇيىنە دە بارىپ: «ارىزدى قاي­تارىپ الىڭدار» دەپ قوقان-لوقى جاساعان. وسىلايشا, ارىزدان باس تارتقىزۋ ارەكەتىنىڭ ورىن العان­دى­عىن اشىنا جەتكىزدى. ولاي بولسا, تالاپكەر بالاسىنىڭ جەكە م ۇلىك­تەرى مەن اۆتوكولىگىن پوليتسيا قىزمەتكەرلەرىنىڭ وزدەرى توناۋى مۇمكىن دەگەن كۇدىگىنىڭ نىعايا تۇسكەندىگىن العا تارتتى. «قازاقتا «ب ۇلىنگەننەن بۇلدىرگى الما», دەپ جاتۋشى ەدى, الايدا, ىشكى ىستەر قىزمەتكەرلەرىنىڭ مىناداي ارەكەتتەرى جانىما قاتتى باتقانى سونداي, ءوز ءومىرىمنىڭ ءبىراز بولىگىن وسى سالاعا بەرگەنىمە وكىنگەندەي كۇي كەشىپ ءجۇرمىن. ارىپتەستەرىنىڭ جانى قينالىپ جات­قان ساتتە ونى امان الىپ قالۋ­دىڭ جانە زاتتارىنىڭ قولدى بولىپ كەتپەۋىنىڭ جولدارىن قاراس­تىرۋ­دىڭ ورنىنا, كەرىسىنشە ىستەۋى ادامگەرشىلىككە جاتاتىن ارەكەتتەر دەپ ويلامايمىن», دەدى شيرەك عاسىرداي ۋاقىت ميليتسيا قىز­مەتكەرى بولعان امانگەلدى ساتمۇحانبەتوۆ اشىنعانىن جاسىرا ال­ماي. بۇل ورايدا شقو اياگوز اۋدان­دىق جانە وبلىستىق سوتتار پولي­تسيا قىزمەتكەرلەرىنە قاتىستى جەكە قاۋلىدا اتاپ كەتكەندەي, قىل­مىستىق ىسكە تىركەلگەن ايعاقتى زات­تار­دى ساقتاۋ تۋرالى ەشقانداي دا شەشىم قابىلدانباعان. ونىڭ ءۇستى­نە انىقتاۋشى ع.امانعاليەۆ پرو­تسەسسۋالدىق قۇجاتتاردى تول­تىر­عاندا جالعان مالىمەتتەر ەنگىزىپ, سالاقتىق تانىتقانى وسى سوت­تاردىڭ جەكە قاۋلىلارىندا كورى­نىس تاپقان. ءتىپتى, اۋداندىق سوت كەلەشەكتە وسىنداي كەلەڭسىزدىكتەر قايتالانباس ءۇشىن جانە كىنالى پوليتسيا قىزمەتكەرلەرىنە ءتيىستى شارا قولدانۋ ماقساتىندا شىعىس قازاقستان وبلىسى ىشكى ىستەر دەپار­­تامەنتىنىڭ اتىنا قاۋلى كوشىر­­مەسىن دە جولدايدى. بىراق ارادا ەكى جىلداي ۋاقىت وتسە دە ىشكى ىستەر ورگانى قىزمەتكەرلەرىن قىل­­مىس­تىق جاۋاپقا تارتۋ ماسە­لەسى ءالى شەشىمىن تابا الماي وتىر. تالاپ­كەردىڭ ايتۋىنشا, وبلىس­تىق ىشكى ىستەر دەپارتامەنتى باستى­عىنا ەكى تەلەگرامما جانە ارىز تۇسىرگەن. سونىمەن قاتار, وسى دەپار­­تامەنتتىڭ كادر باسقار­ماسى­نىڭ باستىعى, پولكوۆنيك ەرلان جۇمادىلوۆكە ەكى رەت اياگوز اۋدان­دىق جانە وبلىستىق سوتتارىنىڭ قاۋلىلارىن ءوز قولى­مەن جەتكىزىپ تە بەرگەن. ا.ساتمۇحانبەتوۆتىڭ ارىزى­مەن اينالىسقان پولكوۆنيك ە.ءجۇمادىلوۆ تەك «مەن ولاردى جۇمىس­تان شىعاردىم» دەگەن­­دى ايتاتىن كورىنەدى. ال ا.ءسات­مۇحان­بەتوۆ الگىلەردىڭ ءالى كۇنگە ءوز لاۋازىمدارىندا جۇمىس ءىس­تەپ جۇرگەندىكتەرىن جاق­سى بىلە­مىن دەيدى. تەك 2015 جىل­دىڭ 13 تا­مى­زىن­دا «مەنىڭ ولكەم» جانە «موي گورود» باسىلىم­­دارىن­دا «رازبوينىي وتدەل» جانە «اشىنعان اكە ءادىل­دىك ىزدەي­دى» اتتى ماقالالار جارىق كور­گەن­نەن كەيىن عانا كەلەڭسىز­دىك­تەر­گە جول بەرگەن شقو ءىىد باس­تى­عى­نىڭ بۇيرىقتارىمەن ع.امان­عاليەۆكە, ا.قوپاباەۆقا جانە م.ادىلبەكوۆكە قىلمىستىق جاۋاپ­­­كەر­شىلىككە تارتىلماعانى سە­بەپتى قىزمەتتەرىنە تولىق ءساي­كەس ەمەستىكتەرى تۋرالى ەسكەرتۋ جاسال­عان. وندا دا ول ءولىم اۋزىندا جاتقان وفيتسەردى اۋرۋحاناعا جەت­كىزبەگەنى نەمەسە جەكە م ۇلىك­تەرىنىڭ تونالعانى ءۇشىن ەمەس, سىني ماتەريالداردىڭ بۇقارالىق اقپارات قۇرالدارى بەتىندە كەتىپ قالعانى تۇرعىسىندا ەسكەرتۋمەن شەكتەلەدى. وكىنىشكە قاراي, اۋىر حالدە جاتقان ارىپتەسىنە كومەك قولىن سوزباي كەتىپ قالعان راۋان انۋاربەكوۆ پەن قايتىس بولعان پوليتسيا قىزمەتكەرىنىڭ وتباسىنا قوقان-لوقى كورسەتكەن رينات سالىمگەرەەۆ ەشقانداي جاۋاپ­­كەر­شىلىككە تارتىلماي وتىر. شقو ءىىد باستىعىنىڭ 12.09.2015 جىل­عى №779ج/ق-ۋ جازالاۋ تۋرالى بۇيرىعىندا «...باق-تا قوعام­دىق رەزونانس تۋدىرعان سىني ماتەريالداردىڭ جارىق كورگەنى ءۇشىن اياگوز ءاىىب ءاپب جپپ ۆزۆود كومانديرى, لەيتەنانت قوپاباەۆ التىنبەك ناقىسبەك ۇلى قىزمەتىنە تولىق سايكەس ەمەستىگى تۋرالى ەسكەرتىلسىن» دەگەن جولدار ءجۇر. سول سياقتى, ءاىىب باستىعىنىڭ تەرگەۋ جونىندەگى ورىنباسارى, پوليتسيا مايورى ادىلبەكوۆ سۇڭعات مارات ۇلىنا دا وسىنداي قوعامدىق رەزونانس تۋدىرعان ماتەريالدار ءۇشىن ەسكەرتۋ بەرىلگەن. «سوندا قالاي, قىزمەتكەرلەرىنىڭ ءوز ىسىنە ادال بولماعانى, ارىپتەستەرىنە دەر كەزىندە قولۇشىن بەرمەگەنى ءۇشىن ەمەس, قوعامدىق رەزونانس تۋدىرعان ماتەريالدار جارىق كورگەنىنە عانا ما؟», دەپ تاڭدانىسىن جاسىرا المادى مارقۇم امانتايدىڭ اكەسى. ونىڭ ايتۋىنشا, بۇل ءىستى 2015 جىلدىڭ 5 تامىزىنان ىشكى ىستەر ءمينيسترى ق.قاسىموۆ ءوز باقىلاۋىنا الاتىندىعىنا ۋادە بەرىپتى. سونىمەن قاتار, «نۇر وتان» پارتياسىنىڭ وبلىستىق قوعامدىق قابىلداۋىندا ونلاين رەجىمىندە سول كەزدەگى سىبايلاس جەم­قورلىققا قارسى كۇرەس اگەنت­تىگى توراعاسىنىڭ ورىنباسارى اليك شپەكباەۆ تا شقو سى­باي­لاس جەمقورلىققا قارسى كۇرەس دەپار­تامەنتىنىڭ باستىعى ع.دوسانوۆ­قا قىلمىستى تولىق اشۋ تۋرا­لى ناقتى تاپسىرما بەرگەن بولاتىن. الايدا, وسىنشاما لاۋازىم يەلەرىنىڭ باقىلاۋىندا بولسا دا قىلمىستىق ءىس ءالى كۇنگە قوز­عالماي وتىر. سونداي-اق, ا.ساتمۇحانبەتوۆتىڭ جازعان حات­تارى مەن تەلەگراممالارىنا ەش­قانداي دا جاۋاپ بەرىلمەۋدە. ءتىپتى قابىلدامايدى, نە ءوز ورىندارىندا بولمايتىن كورىنەدى. شقو ءىىد-ءنىڭ ءباسپاسوز قىزمەتى بۇقارالىق اقپارات قۇرالدارى تاراپىنان قويىلعان ساۋالعا «قۇجاتتارعا جالعان اقپارات قوسۋ فاكتىسى تىركەلمەگەن» دەگەن جاۋاپ بەرگەن. سوت قاۋلىلارىن شقو ءىىد ءالى كۇنگە قاپەرگە الماي كەلە جاتقاندىعىنىڭ ءوزى دالەل ەمەس پە؟ شقو پروكۋراتۋراسىنىڭ 2-باسقارما پروكۋرورى ە.سەيىتوۆ پەن 2-باسقارما باستىعى ق.التىن­بەك­ ۇلى «جول-كولىك اپاتى سال­دارىنان بۇزىلعان اۆتوكولىكتى پوليتسيا بولىمىنە جەتكىزۋ انىق­تاۋشى, كريميناليست, جول-پولي­تسيا قىزمەتكەرلەرىنىڭ تىكەلەي ءمىن­دەتتەرىنە جاتپايدى» دەپ اتاپ كور­سەتكەن. زاڭداردىڭ ورىن­­دالۋىن قاداعالاۋى ءتيىس پروكۋراتۋرا قىز­­مەت­كەرلەرى وسىنداي تۇجىرىم جاساپ وتىرعاندا باسقاسىنا نە جورىق دەپ ايتپاۋعا لاج قالمايدى. قالاي بولعان كۇندە پروكۋراتۋرا قىزمەتكەرلەرى قىلمىستىق ءىس جۇرگىزۋ كودەكسى 222-بابىنىڭ 4-پۋنكتىنە سايكەس لاۋازىمدى ادامعا قاتىستى وقيعا بولعان جەردى كۇزەتۋ جانە 7-پۋنكتىنە ءساي­كەس بوتەننىڭ يەسىز قالعان ءمۇل­كىن ساقتاۋ, ايعاق زاتتاردىڭ تاع­دى­رىن شەشۋ تۋرالى نورمالار­دى قاپەرگە الماعان سياقتى. سونىڭ سالدارىنان قىلمىستىق كودەكس­تىڭ «سالاقتىق» بابى بويىن­شا قوزعالعان ءىس قايتا-قايتا قىس­قارىپ قالا بەرۋدە. نە كەرەك, سوت تاراپىنان انىقتالعان ع.امانعاليەۆ­تىڭ جالعان قۇجات جاساعاندىعى جونىندە قىلمىستىق ءىس ءالى كۇنگە دەيىن قوزعالماي وتىر. ونىڭ ۇستىنە باس پروكۋراتۋرادا تەرگەۋ توبى قۇرىلىپ, شقو اياگوز قىىب-ءنىڭ اعا انىقتاماشىسى ع.امان­عاليەۆ­تىڭ ءوز قىزمەتىنە دۇرىس قاراماي, جال­عان قۇجات جاساعاندىعى تولىق­ دالەلىن تاپقان. پروكۋراتۋرا ور­گان­دارىندا بىرقاتار اۋىس-ءتۇيىس­تەن كەيىن ءىس قازىر قايتادان قىس­قارىپ كەتكەنى ءمالىم بولىپتى. سوندىقتان دا, تالاپكەر باس پرو­كۋراتۋرادان ءوزىنىڭ كونستيتۋ­تسيالىق قۇقىعىن قورعاۋعا, سونىمەن دە, اتالعان تەرگەۋشىنىڭ قىلمىستىق كودەكستىڭ جالعان قۇجات جاساۋ, سالاقتىق, قىزمەت­تەگى ارەكەتسىزدىك باپتارىمەن قىل­مىس­تىق ءىس قوزعاپ, الدىن الا تەر­گەۋ جۇمىستارىن جاڭادان قۇرىل­عان مەملەكەت­تىك قىزمەت ىستەرى مينيسترلىگىنىڭ سىباي­لاس جەمقورلىققا قارسى ءىس-قي­مىل ۇلتتىق بيۋروسىنىڭ ورتا­لىق تەر­گەۋ قىزمەتىنە جۇكتەۋدى سۇراپ وتىر. «سەبەبى, مەن شقو قۇقىق قور­عاۋ ورگاندارىنىڭ زاڭ­سىز شەشىم­دەرىنە قاناعاتتانباي­مىن ءجا­نە ولاردىڭ ءادىل شەشىم شىعارا­تىن­دارىنا دا سەنبەيمىن», دەيدى ا.ساتمۇحانبەتوۆ. سونىمەن قاتار, وسى كەزگە دەيىن كەلتىرىلگەن زالالدى ءوندىرىپ الۋعا نيەتى بار ەكەندىگىن دە جاسىرمادى. قورىتا ايتقاندا, قىزمەتتىك مىندەتىن بىلاي قويعاندا ادامگەر­شىلىك تۇرعىسىنان ءوز ارىپتەستەرىنىڭ مۇلكىن توناۋعا جول بەرمەۋ پوليتسيا قىزمەتكەرلەرىنىڭ تىكەلەي پارىزى ەمەس پە ەدى؟ بىلايعى جۇرت نە ويلاۋى مۇمكىن؟ وسى سالادا ءوز ىسىنە ادال قانشاما ازاماتتار ءجۇر. رەداكتسيامىزعا جۇبايى ا.ساتمۇحانبەتوۆپەن بىرگە كەلگەن مۇگەدەك, ءومىر بويى مۇعالىم بولعان مارقۇم پوليتسيا قىزمەتكەرىنىڭ اناسى دا جان اشۋىن جەتكىزدى. ولاي بولسا, قۇزىرلى ورگاندار ءادىل شەشىم قابىلدايدى دەپ سەنەمىز. بۇل ءىس بويىنشا ءبىز جاۋاپتى تاراپتىڭ دا ءۋاجىن تىڭداۋعا ءازىر ەكەنىمىزدى بىلدىرەمىز. اسقار تۇراپباي ۇلى, «ەگەمەن قازاقستان»