قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №222 2015 جىلعى 27 اقپان,  استانا قالاسى

  ارنايى ەكونوميكالىق ايماقتى قۇرۋ تۇجىرىمداماسىن رەسىمدەۋگە قويىلاتىن تالاپتاردى بەكىتۋ تۋرالى «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» 2011 جىلعى 21 شىلدەدەگى قازاقستان رەسپۋبليكاسىنىڭ زاڭى 7-بابىنىڭ 1-تارماعىنا سايكەس بۇيىرامىن: 1. قوسا بەرىلىپ وتىرعان ارنايى ەكونوميكالىق ايماقتى قۇرۋ تۇجىرىمداماسىن رەسىمدەۋگە قويىلاتىن تالاپتار بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينۆەستيتسيالار كوميتەتىنە (ە.ق. حايروۆ): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ونىڭ كوشىرمەسىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعىنىڭ» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسى يۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنiنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسى ينۆەستيتسيالار جانە دامۋ ءمينيسترى ءا.يسەكەشەۆ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى №222 بۇيرىعىمەن بەكىتىلگەن ارنايى ەكونوميكالىق ايماقتى قۇرۋ تۇجىرىمداماسىن رەسىمدەۋگە قويىلاتىن تالاپتار 1. جالپى ەرەجەلەر 1. وسى ارنايى ەكونوميكالىق ايماقتى قۇرۋ تۇجىرىمداماسىن رەسىمدەۋگە قويىلاتىن تالاپتار «قازاقستان رەسپۋبليكاسىنداعى ارنايى ەكونوميكالىق ايماقتار تۋرالى» قازاقستان رەس­پۋبليكاسىنىڭ 2011 جىلعى 21 شىلدەدەگى زاڭىنىڭ 7-بابىنىڭ 1-تارماعىنا سايكەس ازىرلەندى جانە ارنايى ەكونوميكالىق ايماقتى (بۇدان ءارى - اەا) قۇرۋعا مۇددەلى ورتالىق جانە جەرگىلىكتى اتقارۋشى ورگاندار, زاڭدى تۇلعالار اەا قۇرۋ تۇجىرىمداماسىن ازىرلەۋ كەزىندە پايدالانادى. 2. اەا قۇرۋ تۇجىرىمداماسىن رەسىمدەۋ مىنا تالاپتارعا سايكەس بولۋى ءتيىس: قۇرۋ ماقساتىنىڭ مازمۇنى, ورنالاسقان جەرى, قىزمەتىنىڭ باسىم تۇرلەرى, اەا-نىڭ الەۋەتتى قاتىسۋشىلارى تۋرالى اقپارات, ءتيىستى ءوڭىردىڭ اعىمداعى ەكونوميكالىق احۋالىن جانە اەا قۇرۋدىڭ ەكونوميكاعا بولجامدى اسەرىن تالداۋ سياقتى مالىمەتتەردى قامتيدى. 2. تۇجىرىمدامانىڭ قۇرىلىمى 3. تۇجىرىمدامانىڭ قۇرىلىمى مىناداي بولىمدەردى قامتيدى: 1) كىرىسپە; 2) اەا-نىڭ گەوگرافيالىق ورنالاسۋى; 3) اەا قۇرۋ ماقساتتارى مەن مىندەتتەرى; 4) ءوڭىردىڭ اعىمداعى ەكونوميكالىق احۋالىن جانە الەمدىك ەكونوميكانى تالداۋ; 5) اەا قىزمەتىنىڭ باسىم تۇرلەرى; 6) اەا-عا الەۋەتتى قاتىسۋشىلار; 7) اەا قۇرۋدىڭ ءوڭىر ەكونوميكاسىنا وڭ اسەرى. 4. «كىرىسپە» دەگەن بولىمدە اەا-نىڭ اتاۋى مەن اەا قۇرۋ نەگىزدەمەسى سيپاتتالادى. 5. «اەا-نىڭ گەوگرافيالىق ورنالاسۋى» دەگەن بولىمدە ورنالاسقان جەردىڭ الاڭى جانە 1:20000 جانە 1:100000 اۋقىم­دا اەا قۇرۋ جوسپارلاناتىن جەر ۋچاسكەلەرىنىڭ جاعدايىن سيپاتتايتىن كارتوگرافيالىق سحەمالار كورىنىس تابادى. 6. «اەا قۇرۋ ماقساتتارى مەن مىندەتتەرى» دەگەن بولىمدە اەا-نىڭ گەوگرافيالىق جاعدايىمەن, قولدا بار تابيعي جانە ەڭبەك رەسۋرستارىمەن, شەتەلدىك ينۆەستورلاردىڭ ىقتيمال مۇددەلەرىمەن جانە اەا-نى دامىتۋ ءۇشىن قاجەتتى ەكونوميكالىق, الەۋمەتتىك جانە گەوگرافيالىق فاكتورلارمەن بايلانىستىرىلعان, قۇرىلاتىن اەا-نىڭ ماقساتتارى مەن مىندەتتەرى كورسەتىلەدى. 7. «ءوڭىردىڭ اعىمداعى ەكونوميكالىق احۋالىن جانە الەمدىك ەكونوميكانى تالداۋ» دەگەن بولىمدە مىنالار كورسەتىلەدى: 1) اەا قۇرۋ بولجانعان ءوڭىردىڭ نەگىزگى الەۋمەتتىك-ەكونوميكالىق ەرەكشەلىكتەرى; 2) ينفراقۇرىلىممەن قامتاماسىز ەتىلگەندىگى, ينۆەستيتسيالىق قۇرامداس بولىكتەرى جانە اەا-نىڭ بولجامدى ورنالاساتىن جەرىن سيپاتتايتىن وزگە دە كورسەتكىشتەرى; 3) باسىم قىزمەت تۇرلەرى بويىنشا ءوڭىر سالاسىنىڭ اعىمداعى جاي-كۇيىن تالداۋ; 4) قۇرىلاتىن اەا قىزمەتىنىڭ باسىم تۇرلەرىمەن بايلانىستىرا وتىرىپ, الەمدىك ەكونوميكانىڭ اعىمداعى جاي-كۇيىن تالداۋ; 5) اەا-نى ورنالاستىرۋدىڭ نەگىزگى العىشارتتارى مەن ءوڭىردىڭ باسەكەلەستىك گەوگرافيالىق جانە ەكونوميكالىق ارتىقشىلىقتارى. 8. «اەا قىزمەتىنىڭ باسىم تۇرلەرى» دەگەن بولىمدە اەا اۋماعىندا جۇزەگە اسىرىلاتىن اەا-نى قۇرۋ ماقساتتارىنا ساي كەلەتىن قىزمەتتىڭ نەگىزگى تۇرلەرى كورسەتىلەدى. بۇل بولىمدە اەا اۋماعىنداعى وسى نەمەسە وزگە دە قىزمەتتى جۇزەگە اسىرۋ ورىندىلىعىنىڭ ناقتى نەگىزدەمەلەرى كەلتىرىلەدى. 9. «اەا-نىڭ الەۋەتتى قاتىسۋشىلارى» دەگەن بولىمدە اەا اۋماعىندا قىزمەتتى جۇزەگە اسىرۋعا ۇمىتكەر ۇيىمداردىڭ ۇيىمدىق-قۇقىقتىق نىسانى, سونداي-اق مەنشىكتى ءوندىرىسىنىڭ, قىزمەتتىڭ باسىم تۇرلەرى بويىنشا جۇمىس تاجىريبەسىنىڭ بولۋى كورسەتىلەدى. 10. «اەا قۇرۋدىڭ ءوڭىر ەكونوميكاسىنا وڭ اسەرى» دەگەن بولىمدە اەا-نىڭ جۇمىس ىستەۋىنىڭ بولجامدى ناتيجەلەرى جازىلادى. بۇل ناتيجەلەر اەا قۇرۋ ماقساتىنا قول جەتكىزۋ ناتيجەلەرى جانە اەا قۇرۋ بولجانعان اۋماقتاعى ءوڭىردىڭ ەرەكشەلىگى نەگىزگە الىنا وتىرىپ, جازىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 10 ساۋىردە نورما­تيۆ­تىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10692 بولىپ ەنگىزىلدى.