ەگىنجايداعى ەرەن ەڭبەك

وڭتۇستىكتە استىق ورۋ باستا­لىپ كەتتى. كومبايندار سارى التىن­داي جارقىراعان القاپتا كەمە­دەي ءجۇزىپ جۇرگەندەي اسەر قالدى­رادى. نەگىزىنەن, استىق باستىرۋ جىلداعىدان ەكى اپتاعا جۋىق ەرتە باستالدى. مۇنداعى سەبەپ كوكتەم وتە جاڭبىرلى بولدى دا جازدىڭ باسى اپتاپقا ۇلاستى. كوپتەگەن شارۋا قوجالىقتارى مەزگىلسىز جاۋعان جاڭبىر دانگە تولى بيداي ماساقتارىن جەرگە جاتقىزىپ تاس­تاي ما دەپ قاۋىپتەنىپ ەدى. ول ەندى قورقىنىشتى ەمەس دەيدى. استىق ماسەلەسىنە كەلسەك, وڭىردە 198 مىڭ گەكتارعا ماساقتى داقىلدار ەگىلگەن. ونىڭ 156,7 مىڭ گەكتارى بيداي, 38,3 مىڭ گەكتارى ارپا. كومباين جاتقاسى, ەڭ الدىمەن, وبلىس ورتالىعىنا ىرگەلەس قازىعۇرت اۋدانىنداعى القاپقا سالىندى. مۇنداعى 34 مىڭ گەكتار جەرگە بيداي, 3,2 مىڭ گەكتارعا ارپا ەگىلگەن بولاتىن. «امانكەلدى» جشس باسشىسى نۇرلان قۇرالوۆتىڭ ەسىمى رەسپۋبليكامىزعا بەلگىلى. ءجۇزىمنىڭ جوعارى سۇرىپتارىن ءوسىرىپ, كورشى مەملەكەتتەرگە ەكسپورتقا شىعارىپ وتىرعان شارۋاشىلىق باسشىسىنىڭ 1,5 مىڭ گەكتار ەگىستىگىنە العاشقى وراق ءتۇستى. – مەملەكەتتىك قولداۋدىڭ تيىمدىلىگى ديقانداردىڭ ءونىمدى ەڭبەك ەتۋىنە جاعداي تۋعىزدى, – دەيدى نۇرلان امانگەلدى ۇلى. – ماسەلەن, بيدايىمىزدىڭ وتكەن جىلعا قاراعاندا ءتۇسىم­دىلىگى 20 پايىزعا ارتتى. قول­داعى استىقتى قايدا وتكىزە­مىن دەيتىندەي ەمەس, قازىرگە دەيىن 30 مىڭ توننا ءداندى كور­شى وزبەكستان مەن يران مەم­لەكەتى ساتىپ الۋعا كەلىسىم­شارت جاسادى. بۇگىندە القاپتا «امانكەلدى» جشس-ءىنىڭ 15 كومباينى مەن 12 كاماز جۇك كولىگى جۇمىس ىستەپ جاتىر. مەملەكەتىمىز الەمدىك قار­جى داعدارىسى قوس وكپەدەن قىس­سا دا تاۋار وندىرۋشىلەرگە جاقسى كومەك بەرۋدە. ماسە­لەن, جەڭىلدەتىلگەن باعامەن بوسا­تىلاتىن مينەرالدى تىڭايت­قىشتاردىڭ كولەمى وتكەن جىلداعىدان ايتارلىقتاي ارتقان. الدىن الا بولجام بويىنشا 197 گەكتار ماساقتى داقىلداردان گەكتارىنا 22 تسەنتنەردەن ءونىم الىنادى دەگەن ءۇمىت بار. سوندا وڭتۇستىك ديقاندارى 430 مىڭ تونناداي ريزدىق ءدانىن جيناماق. باقتيار تايجان, «ەگەمەن قازاقستان» وڭتۇستىك قازاقستان وبلىسى