شىعىستا وبلىس اكىمى اپپاراتىنىڭ جەتەكشىسى تاعايىندالدى

شىعىس قازاقستان وبلىسىنىڭ اكىمى دانيال احمەتوۆ وبلىس اكىمى اپپاراتىنىڭ جاڭا جەتەكشىسىن تانىستىردى. وبلىس اكىمى اپپاراتىنىڭ جەتەكشىسى بولىپ الماس امانقول ۇلى وڭداقانوۆ تاعايىندالدى. ول وسىعان دەيىن زايسان اۋدانىنىڭ اكىمى قىزمەتىن اتقارعان بولاتىن. الماس وڭداقانوۆ – 1974 جىلى 30 قازاندا تۋعان. 1995 جىلى جامبىل گيدرومەليوراتيۆتى-قۇرىلىس ينستيتۋتىن «ينجەنەر-ەكونوميست» ماماندىعى بويىنشا, 1999 جىلى قازاقستان رەسپۋبليكاسى پرەزيدەنتى جانىنداعى مەملەكەتتىك قىزمەت اكادەمياسىن «مەملەكەتتىك باسقارۋ» ماماندىعى بويىنشا بىتىرگەن. ەڭبەك جولىن تارباعاتاي اۋدانى اكىمى اپپاراتى جانە حالىقتى الەۋمەتتىك قورعاۋ بولىمىندە ەكونوميست, ينسپەكتور بولىپ باستادى. مەملەكەتتىك قىزمەت اكادەمياسىن اياقتاعان سوڭ ەنەرگەتيكا, يندۋستريا جانە ساۋدا مينيسترلىگىنىڭ دەمپينگكە قارسى قاداعالاۋ كوميتەتىنىڭ باس مامانى بولىپ تاعايىندالدى. ودان كەيىن كۋرچاتوۆ قالاسى اكىمى اپپاراتىنىڭ جەتەكشىسى, مەترولوگيا جانە تەحنيكالىق رەتتەۋ كوميتەتىنىڭ شىعىس قازاقستان وبلىسى بويىنشا باسقارماسىنىڭ باسشىسى, قازاقستان مەترولوگيا ينستيتۋتى شىعىس قازاقستان وبلىسى فيليالىنىڭ ديرەكتورى قىزمەتىن اتقاردى. 2008 جىلدان باستاپ شىعىس قازاقستان وبلىسى ەنەرگەتيكا جانە كوممۋنالدىق شارۋاشىلىق باسقارماسىنىڭ ءبولىم باسشىسى, باسشى ورىنباسارى, باسشىسى بولىپ ەڭبەك ەتتى. 2013 جىلدىڭ ماۋسىم ايىنان باستاپ بۇگىنگە دەيىن زايسان اۋدانىنىڭ اكىمى قىزمەتىن اتقاردى. دۋمان اناش. دەرەك, فوتو: شىعىس قازاقستان وبلىسى اكىمىنىڭ ءباسپاسوز قىزمەتى.