بىرجاقتى قوزعالىس ءتارتىبى ەنگىزىلدى

كوزىقاراقتى قالا تۇر­عىندارى مامىردىڭ سوڭعى كۇندەرىندە ەلوردانىڭ كەي­بىر كوشەلەرىنە بىرجاقتى كولىك قوزعالىسى ەنگىزىلگەنىن بايقاپ ۇلگەردى. ال 5 ماۋ­سىمنان باستاپ قالا كوشە­­لەرىن­دە اۆتوبۋستارعا ارنال­عان Bus Lane جولاق­تارى ىسكە قوسىلدى. بىرجاقتى كولىك قوزعالىسىن ەنگىزۋ كوشە-جول قوزعالىسى جەلى­سىنە تۇسەتىن جۇكتەمەنى ازايتۋ­عا جانە كولىك قۇرالدارىنىڭ ور­تا­شا جىلدامدىعىن ارتتىرۋعا مۇمكىندىك بەرەدى. – جوبانى ىسكە اسىرۋدىڭ ماق­­ساتى – كوشە-جول قوزعا­لى­سى جەلىسىنە تۇسەتىن جۇكتە­مەنى, جول­دارداعى اپاتتى وقيعا­لار­دى ازايتۋ, جولداردىڭ ءوت­كى­زۋ قابى­لەتتىلىگىن, كولىك قۇرال­دارى­نىڭ ورتاشا جىلدامدى­عىن ارتتىرۋ بولىپ تابىلادى. ءبىرىنشى كەزەكتە, كەيبىر كوشەلەردە ءبىر­جاقتى قوزعا­لىس ەنگىزىلەدى. سودان كەيىن ءتاجى­­ريبەگە تالداۋ جۇرگى­زىلىپ, باس­قا كوشەلەردى قامتۋ ءمۇم­­كىن­دىگى قارالادى, – دەيدى قالا­­لىق جولاۋشىلار كولىگى باس­قار­­ما­سىنىڭ باسشىسى ەدىل سۇلەيمەنوۆ. ءبىرىنشى كەزەكتە 28 مامىردان باستاپ اۋەزوۆ كوشەسىن­دە (رەسپۋبليكا داڭعىلىنان ءا.مولداعۇلوۆا كوشەسىنە دەيىن) جانە جەلتوقسان كوشەسىندە (ماسكەۋ كوشەسىنەن كەنەسارى كوشەسىنە دەيىن) بىرجاقتى قوزعالىس ەنگىزۋ جۇزەگە اسىرىلدى. قازىرگى كەزدە قيىلىستاردا كەلىسىلگەن فازالىق رەتتەۋ كەستەسى بويىنشا باع­دارشام وبەكتىلەرىن جونگە كەلتىرۋ جۇمىستارى جۇرگىزىلىپ, جول بەلگىلەرىن مونتاجداۋ اياقتالدى. ەكىنشى كەزەكتە 10 ماۋسىمنان باستاپ اباي داڭعىلى (سارىارقا داڭعىلىنان پۋشكين كوشەسىنە دەيىن), كەنەسارى كوشەسى (پۋشكين كوشەسىنەن سارىارقا داڭعىلىنا دەيىن), يانۋشكەۆيچ كوشەسى (اباي داڭعىلىنان يمانوۆ كوشەسىنە دەيىن) بويىنشا بىرجاقتى كولىك قوزعالىسى ەنگىزىلەدى. قازىرگى كەزدە بۇل كوشەلەردە جول بەلگىلەرىن ورناتۋ جانە الىپ تاستاۋ جۇمىستارى قولعا الىنىپ, اقپاراتتىق جول بەل­گىلەرىن ورناتۋعا جانە جاياۋ ءجۇر­­گىنشىلەرگە ارنالعان ورىن­دار ازىرلەنىپ, قيىلىستاردا كەلى­سىلگەن فازالىق رەتتەۋ كەستەسىن قالىپ­تاستىرۋ, جول جابىنىن جوندەۋ جۇمىستارى جۇرگىزىلىپ جاتىر. «استانا LRT» جشس-ءنىڭ كولىك جونىندەگى ديرەكتورى رۋستام حاليلەۆتىڭ ايتۋىنشا, كوشەلەرگە بىرجاقتى قوزعالىس ءتارتىبىنىڭ ەنگىزىلۋىنە بايلانىستى قوعامدىق كولىكتىڭ مارشرۋت­تىق جەلىسى وزگەر­تىلمەيدى. اۆتوبۋستار جەكە جولاق­تارمەن جۇرەتىن بولادى. – وتكەن جىلى Bus Lane جوبا­سى قولعا الىنىپ, كوشەلەردىڭ التى بولىگىندە ەنگىزىلدى. ول ءوزىنىڭ تيىمدىلىگىن كورسەتتى. قو­عام­دىق كولىكتىڭ جىلجىمالى قۇرامى­نىڭ ورتاشا جىلدامدى­عى 12-دەن 15 پايىزعا دەيىن ارت­­تى. جولاۋ­شى­لار دا وڭ كوزقاراس تانىتىپ وتىر, سوندىقتان جوبانى ودان ءارى جالعاستىرۋ تۋرالى شەشىم قابىل­داندى. ول ءۇش كەزەڭمەن جۇزەگە اسىرىلادى, – دەدى ە.سۇلەيمەنوۆ. 5 ماۋسىمنان باستاپ الاش تاس­جولىندا («ماگنۋم» ساۋ­دا ۇيىنەن ءۋاليحانوۆ كوشەسىنە دە­يىن), قور­عالجىن تاسجولىندا (بەيسەكوۆا كوشەسىنەن تۇران داڭ­عى­لى­نا دەيىن) اۆتوبۋس­تار ءۇشىن جاڭا ار­نايى جولاقتار پاي­دا بولدى. 10 ماۋسىمدا ءبىر­جاق­تى كولىك قوزعالىسى ەنگىزىل­گەن سوڭ اباي داڭعىلى مەن كەنەسارى كوشەسىندە دە Bus Lane جولاقتارى جاسالادى. ءۇشىنشى كەزەڭدە 15 ماۋ­سىمنان باستاپ جەڭىس داڭعى­لىندا (ەسەنبەرلين كوشەسى – كەنە­سارى كوشەسى), باراەۆ كوشەسىندە (قور­عالجىن تاسجولى – ءۋاليحانوۆ كوشەسى) ءتيىستى جولاقتار ەنگىزىلەدى. وسى رەتتە ەسكەرتەتىن ءبىر ءما­سە­لە, پوليتسيا باسقار­ما­سى­نىڭ جە­كە قۇرامى جەرگىلىكتى پولي­­تسيا قىز­مەتى­مەن بىرلەسىپ, ءجۇر­گىزۋشىلەر ارا­­سىندا بىرجاقتى قوز­عالىس ەن­گى­زىل­گەن كوشەلەرمەن ءجۇرۋ ەرە­جە­لەرىن ءتۇسىندىرۋ بويىنشا نا­سي­­­حات­تىق جۇمىستار جۇرگىزدى. ەن­دى ءتارتىپ بۇزۋشىلار اكىمشىلىك جاۋاپ­­­كەر­شى­لىك­كە تارتىلىپ, 5 اەك ءمول­­شەرىندە ايىپپۇل سالىنا باستادى. «ەگەمەن-اقپارات»