گۇلزارلارمەن كومكەرىلگەن كوشەلەر

كۇنى كەشە ەسىل وزەنىنىڭ قوس قاپتالىنداعى قاراوتكەل اتتى سورتاڭداۋ جەرگە ورنالاسقان ەلوردامىز – استانا قالاسى سارىارقانىڭ بەل ورتاسىنداعى جاسىل جەلەك جامىلعان گۇلزار قالاعا اينالاتىندىعىنا بىرەۋ سەنسە, ەندى بىرەۋدىڭ كۇدىكپەن قاراعانى حاق. الايدا, بۇلتارتپاس اقيقات ايعاعى بۇگىندە الەمنىڭ وركەنيەتتى قالالارىنىڭ قاتارىندا قىلاڭ بەرگەن استانانىڭ جاسىل قالاعا اينالعاندىعى انىق. ەلباسىنىڭ باستاماسىمەن استانا بەلدەۋىندە قولدان جاسالعان ورمان القابى دا كۇننەن-كۇنگە كەڭ قانات جايىپ بارادى. سوڭعى كەزدە استانانىڭ گۇلزار­لارىن قىزىلدى-جاسىلدى گۇلمەن كومكەرۋ ءداستۇرى كەڭ ءورىس الدى. وسى يگى باستامانى جال­عاس­تىرا وتىرىپ بيىلعى جىلى قالا بويىنشا 8 ميلليون ءتۇپ­كە جۋىق ءارتۇرلى گۇلدەر وتىر­عىزىل­ماق. قازىرگى كۇنى «استانا زەلەنستروي» اكتسيونەرلىك قوعا­مى­­نىڭ ەڭبەككەرلەرى وسى ءبىر كە­شەن­دى جوبانى جۇزەگە اسىرۋ جو­لىن­دا جۇمىلا ەڭبەك ەتۋدە. جوبا بويىنشا بيىل قالا كوشەلەرىن جالپى اۋماعى 147 مىڭ شارشى مەتر كوز جاۋىن الار گۇلزارلار كومكەرمەك. 147 مىڭ شارشى مەتر الاڭعا 7,9 ميلليون ءتۇپ گۇل وسكىندەرى وتىرعىزىلا باستادى. قالىپتاسقان ءتارتىپ بويىنشا بۇل گۇل القاپتارىن اك­تسيونەرلىك قوعام ەڭبەككەرلەرى كۇن قۇرعاتپاي باپتايدى. سونىڭ ناتيجەسىندە جاز ايلارىندا قاۋ­لاي وسكەن سان ءتۇرلى گۇل شوق­تارى قالا جۇرتشىلىعىنىڭ جانە قوناقتارىنىڭ كوزايىمىنا اينا­لادى. سونىمەن قاتار, قالادا ءوسىم­دىك­تەن جاسالاتىن جاساندى جاسىل مۇسىندەر دە كوپشىلىك كوڭىلىنەن شىعۋدا. نەشە ءتۇرلى جانۋارلار بەينەلەنگەن بۇل جاسىل مۇسىندەر قالا كوركىنە شىرايلى ءسان قوسادى. تاۋەلسىز ەلىمىزدىڭ باس قالاسىن گۇل قالاعا اينالدىرۋ جولىنداعى باستاما باياندى جالعاسىن تابۋدا. بيىل 3-5 ماۋسىم ارالىعىندا «قازاقستان» سپورت سارايىنىڭ ماڭىنداعى ستۋدەنتتىك ساياباقتا تۇڭعىش رەت «گۇلدەنە بەر, مەنىڭ قازاقستانىم» اتتى گۇلدەر فەس­تيۆالى وتكىزىلدى. وسى يگىلىكتى شارا بارىسىندا گۇلدەردىڭ 32 مىڭ­نان استام ءتۇرى كوپشىلىك نازا­رىنا ۇسىنىلدى. اتاپ ايت­قاندا, شىرايگۇل, لوبەليا, اليسسۋم, تسي­نە­راريا, دەلفينيۋم جانە باسقا ادام قولىمەن جاسال­عان جۇپار ءيىستى گۇل تۇرلەرىن ءوسىرۋ تاجىريبەسى جان-جاقتى پاش ەتىلدى. – استانادا العاش وتكىزىلىپ وتىر­عان گۇلدەر فەستيۆالىنىڭ باستى ماقساتى گۇل ءوسىرۋ ءداستۇرىن جاڭ­عىرتۋ, مادەني تانىم ءمۇم­كىن­­دىك­تەرىن كەڭەيتۋ, ەلوردا تۇر­عىن­دارى مەن قوناقتارىن قالا­نىڭ ەكو­لوگيالىق تازالىعىنا كەڭى­نەن جۇ­مىلدىرۋ بولىپ تابى­­لادى. بۇل باستامانى ءبىز جىل سا­يىن جالعاستىرىپ, جاس ەلور­دا­مىز ءۇشىن يگىلىكتى ءداستۇر قالىپ­تاس­تىرۋعا نيەتتىمىز, – دەيدى «استانا-زەلەنستروي» اكتسيو­نەر­لىك قوعامىنىڭ باسقارما توراعا­سى ءادىلحان ءابىلدينوۆ. گۇلدەر فەستيۆالى بارىسىندا ونى ۇيىمداستىرۋشىلار قالا جۇرت­شىلىعىنا قىزىقتى باعدار­لاما ۇسىندى. شارا بارىسىندا «گۇلدەن سابىن جاساۋ» باعدار­لا­م­ا­سى بويىنشا ەرەسەكتەر مەن بالا­ل­ارعا ءوز قولىمەن گۇلدىڭ قوش ءيىسى سىڭگەن سابىندار جاساۋ ءتاجى­­ري­­بەسى ۇيرەتىلدى. گۇل قالا­نىڭ جاسىل جەلەگىن جاي­قالتۋ ماقساتىنداعى مۇنداي يگى باس­تا­­مالار ەلوردامىزدا لايىقتى جال­عاسىن تاپپاق. ۇلان سانجار