لوردتىڭ وڭ پىكىرى كوڭىل ءوسىردى

سىرتقى ىستەر ءمينيسترى ەرلان ىدىرىسوۆ ۇلىبريتانيا پار­لامەنتى لوردتار پالاتاسىنىڭ مۇشەسى لورد مۇحاممەد شەيحپەن كەزدەستى. تاراپتار قازاقستان-بريتانيا ارا­سىنداعى ىنتىماقتاستىقتىڭ قازىرگى جاع­دايى مەن كەلەشە­گىن, قازاقستان پرەزيدەنتى نۇرسۇلتان نازارباەۆتىڭ 2015 جىلعى قاراشا ايىنداعى رەسمي ساپارىنىڭ قورى­تىندىسى بويىنشا قول جەتكىزگەن ەكى ەل اراسىنداعى كەلىسىمدەردى ىسكە اسىرۋ بارىسىن تالقىلادى, سونداي-اق, حالىقارالىق كۇن ءتارتىبىنىڭ وزەكتى ماسەلەلەرى جونىندە پىكىر الماستى. سىرتقى ساياسات ۆەدوم­ستۆو­سىنىڭ باس­­­­شىسى بريتانيا پارلامەنتىندە قا­زاقستانمەن ىنتىماقتاستىق ءجونى­ندەگى بۇكىلپارتيالىق پارلامەنتتىك توپتىڭ قۇرىلۋىن قۇپتاپ, پار­لامەنتارالىق بايلانىستىڭ ودان ءارى كۇشەيۋىنە سەنىم ءبىل­دىردى. «بۇكىلپارتيالىق پار­لامەنتتىك توپتىڭ الداعى كۇز­گە جوسپارلانعان رەسمي ساپارى قاتىناستارىمىزدىڭ جان-جاقتى دامۋىنا قوسىمشا سەر­پىن بەرەتىنىنە جانە بارلىق باعىتتاردا سەنىمدى, اشىق ديا­لوگتىڭ ودان ءارى تەرەڭدەۋى ءۇشىن نەگىز بولاتىنىنا سەنەمىن», – دەپ اتاپ ءوتتى ە.ىدىرىسوۆ. «قازاقستاننىڭ جاھاندىق بەيبىتشىلىك پەن قاۋىپسىزدىكتى قۇرۋ جۇيەسىندە اتقاراتىن ءرولى جانە حالىقارالىق قاق­تىعىستاردى رەتتەۋدەگى ونىڭ جاردەمى تاڭعالدىرادى», – دە­دى م.شەيح. سونىمەن قاتار, قا­زاقستاننىڭ حالىق اراسىنداعى كەلىسىم مەن توزىمدىلىكتى, قۇرمەت پەن دوستىقتى ىلگەرىلەتۋ بويىنشا جالپى ۇمتىلىستارىنىڭ ەرەكشە ۇلەسىن باسا ايتتى. استاناعا ساپارى بارىسىندا بريتاندىق لورد «دىندەر تەرروريزمگە قارسى» حالىق­ارالىق كونفەرەنتسياعا جانە «KADEX – 2016» 4-ءشى حالىقارالىق قارۋ-جاراق پەن اسكەري تەحنيكالىق م ۇلىك كورمەسىنە قاتىستى. «ەگەمەن-اقپارات»