قارجىنى قايتا ءبولۋ قاجەت

«نۇرلى جول» باعدارلاماسى بويىنشا قاراجاتتى وڭىرلەر اراسىندا قايتا ءبولۋ قاجەت. بۇل تۋرالى كەشە پرەمەر-مينيستر كارىم ءماسىموۆ ۇكىمەتتىڭ سەلەكتورلىق وتىرىسىندا ايتتى. كەزەكتى ۇكىمەت وتىرىسىندا 2015-2019 جىلدارعا ارنالعان «نۇر­لى جول» مەملەكەتتىك ينف­را­قۇرىلىمدىق دامىتۋ باع­دارلاماسىن جۇزەگە اسىرۋ ءما­سەلەلەرى قارالعان بولاتىن. ۇلت­تىق ەكونوميكا ءمينيسترى قۋان­دىق بيشىمباەۆتىڭ نەگىزگى بايان­­داماسىنان كەيىن ۇكىمەت باس­شىسى «نۇرلى جول» باعدارلاماسىنا بولىنگەن قاراجاتتى وڭىرلەر اراسىندا قايتا ۇلەستىرۋگە قاتىستى ۇسى­نىس­تار ەنگىزۋدى تاپسىردى. «تىڭ باياندامالارعا قارا­ماستان, بارلىق وڭىرلەر وسى باعدارلاما بو­يىنشا قاجەتتى رەسۋرستاردىڭ ءبارىن دەر كەزىندە يگەرە الادى دەگەنگە كۇمانىم بار. سوندىقتان, ۇلتتىق ەكونوميكا مينيسترلىگىنە وسى اپتادا ۇسىنىستار ەنگىزۋدى تاپسىرامىن», دەدى ك.ءماسىموۆ. ءتىپتى, كەلەسى سەي­سەنبىدە ونى قايتا تالقىلاپ, يگەرە الماعانداردىڭ ماسەلەسى قارا­لاتىنىن اتاپ كورسەتتى. «ەگەر ورىنداي المايتىندار بولسا, ونى جاقسى ورىندايتىندارعا بەرەمىز», دەدى ۇكىمەت باسشىسى ۇلتتىق ەكونوميكا مينيسترىنە قاراتا سويلەگەن سوزىندە. ق.ءبيشىم­باەۆ باعدارلاماعا بايلانىس­تى قارجىنى بىرقاتار وبلىستار ءوز دەڭگەيىندە يگەرە الماي وتىرعانىن ايتقان بولاتىن. وتكەن جىلى «نۇرلى جول» مەم­لەكەتتىك باعدارلاماسىن ىسكە اسىرۋ ءۇشىن ۇلتتىق قوردان 770,1 ملرد. تەڭگە بولىنگەن. ونىڭ 92 پايىزى يگەرىلدى. ال بيىل ۇلتتىق قوردان 839,9 ملرد. تەڭگە بولىنەدى. ونىڭ ىشىندە رەسپۋبليكالىق بيۋدجەتتەن نىسانالى ترانسفەرتتەر تۇرىندە 503,4 ملرد. تەڭگە جانە ۇلتتىق حول­­­دينگتەردىڭ وبليگاتسيالىق قا­رىز­دارى ارقىلى 336,5 ملرد. تەڭگە قاراستىرىلعان. ءمينيستردىڭ ايتۋىنشا, 2016 جىلعى 1 ماۋسىمداعى جاعداي بو­يىنشا اتالعان قارجىنىڭ 99,1 ملرد. تەڭگەسى نەمەسە 12 پايىزى يگەرىلگەن. ونىڭ ىشىندە كولىكتىك-لوگيستيكالىق ينفراقۇرىلىمدى دامىتۋ باعىتى بويىنشا 47,2 ملرد. تەڭگە, رەسپۋبليكالىق ماڭىزى بار كولىك جولدارىن سالۋ جانە قايتا جاڭ­عىرتۋ ءۇشىن 35,2 ملرد. تەڭگە جۇمسالعان. «2016 جىلى شامامەن 900 شا­قىرىم رەسپۋبليكالىق ماڭىزى بار كولىك جولدارىن سالۋ جانە جاڭعىرتۋ جوسپارلانعان. ونىڭ ىشىندە الماتى – شۋ ۋچاسكەسىندە ەكىنشى تەمىرجول قۇرىلىسىنا 8 ملرد. تەڭگە, قۇرىق پورتىندا پارومدىق وتكەل سالۋعا 4 ملرد. تەڭگە جۇمسالادى», دەدى ق.بيشىمباەۆ. سونىمەن قاتار, ءمينيستردىڭ ايتۋىنشا, جىلۋمەن, سۋمەن جابدىقتاۋ جانە سۋ تارتۋ جۇيەسىن جاڭعىرتۋعا بيۋدجەتتىك كرە­ديتتەۋ ارقىلى 16,6 ملرد. تەڭگە ءبولۋ جوسپارلانعان. «جالپى, 2016-2017 جىلدارى ينجەنەرلىك جەلىلەردىڭ 1 184 شا­قى­رىمى, ونىڭ ىشىندە جىلۋمەن جابدىقتاۋدىڭ 92 شاقىرىم, سۋمەن جابدىقتاۋ جۇيەسىنىڭ 816 شاقىرىم جانە سۋ تارتۋ جۇيەسىنىڭ 276 شا­قىرىمىن سالۋ جانە جاڭعىرتۋ جوس­پاردا بار», – دەدى ۇلتتىق ەكونوميكا ءمينيسترى. ال ءوز كەزەگىندە ينۆەستيتسيالار جانە دامۋ ءمينيسترى اسەت يسەكەشەۆ كولىك سالاسىنىڭ جوبالارىن جۇزەگە اسىرۋعا, تەحنيكالىق ستاندارتتاردى ساقتاۋ ءۇشىن زەرتحانالىق بازانى قۇرۋعا, گەولوگيالىق بار­لاۋعا قاتىستى جۇمىستار جايىنا توقتالدى. ءا.يسەكەشەۆتىڭ ءما­لىمدەۋىنشە, «نۇرلى جول» مەم­لە­كەتتىك باعدارلاماسى شەڭ­بەرىندە 11 اۆتوجول سالىنادى. سالىنعان اۆتوجولدار وبلىستار­دىڭ بip-بipiمeن ساۋدا-ساتتىعىن, ەكونوميكالىق بايلانىستارىن نى­عايتىپ قانا قويماي, ەلىمىزدىڭ الەۋمەتتىك-ەكو­نوميكالىق وسۋىنە, شاعىن جانە ورتا بيزنەستىڭ دامۋىنا وڭ ىقپال ەتەدى. ال, تاسىمالداردىڭ كولەمى 2,5 ەسە وسەدى دەپ جوسپارلانۋدا. بۇعان قوسا, قالالار اراسىنداعى كولىك قولجەتىمدىلىگىن جاقسارتۋ ەسەبىنەن جالپى وڭىرلىك ءونىمنىڭ ورتاشا جىلدىق ءوسۋى 80 ملرد.تەڭگەنى قۇرايدى. سالىنعان جولداردىڭ بويىندا ۇلتتىق ستاندارتقا سايكەس 200-دەن استام قىزمەت كورسەتۋ وبەكتىلەرى سالىنىپ, قىزمەت كور­سەتۋ سالا­سىنىڭ دامۋىنا جانە جول ينفراقۇرىلىمىن جاقسارتۋعا ىقپالىن تيگىزەدى. جالپى, جول قۇرىلىسىندا 30 كومپانيا جۇمىس اتقارۋدا. بيىل ەلىمىزدەگى بارلىق جولداردىڭ قۇرىلىسىنا, سونىڭ ىشىندە «نۇرلى جول» اياسىندا سالىنىپ جاتقان جوبالاردىڭ قۇ­رىلىسىنا 100 مىڭ ادام جۇمىسقا تارتىلادى. ۇكىمەت وتىرىسى بارىسىندا «نۇرلى جول» مەملەكەتتىك باع­دارلاماسىنىڭ ىسكە اسىرىلۋى جايىندا قارجى ءمينيسترى با­قىت سۇلتانوۆ, ءبىلىم جانە عى­لىم ءمينيسترى ەرلان ساعاديەۆ, «بايتەرەك» ۇلتتىق حولدينگى باس­قارماسىنىڭ باسشىسى ەربولات دوساەۆ جانە تاعى باسقالار بايانداما جاسادى. قورىتىندىسىن­دا ۇكىمەت باسشىسى ەل دامۋى ءۇشىن اسا ماڭىزدى باعدارلامانىڭ ءوز دەڭگەيىندە ورىندالۋىن قاتاڭ باقى­لايتىنىن ايتىپ, ءتيىستى ورگان­دارعا بىرقاتار تاپسىرما بەردى. دينارا بىتىكوۆا, «ەگەمەن قازاقستان»