قازاقستان حالقى اسسامبلەياسىنىڭ ۇندەۋى

قۇرمەتتى وتانداستار! قازاقستان حالقى اسسامبلەياسى 5 ماۋسىم كۇنى اق­توبە قالاسىندا بولعان ەكسترەميستىك ارە­كەتتەردى قاتاڭ ايىپتايدى. الەمدەگى بارشا مۇسىلماندار ءۇشىن قاسيەتتى رامازان ايى باستالار تۇستا ورىن العان جان­تۇرشىگەرلىك وقيعا ءبىزدىڭ بارشامىزعا, قازاقستان حالقىنا سىن-قاتەر. مۇنداي ارەكەتتەر قاي جەردە, قاشان بولسا دا ادام­داردىڭ اراسىندا قورقىنىش پەن سەنىمسىزدىك, ۇرەي تۋدىرۋ, ەلدىڭ بىرلىگى مەن تۇتاستىعىنا نۇقسان كەلتىرۋ ءۇشىن جاسالادى. قازاقستان حالقى ءبىرتۇتاس ەل, ءوز وتانىنىڭ پاتريوتتارى رەتىندە وسىناۋ تاعىلىق وقيعانى ءبىراۋىزدان قاتاڭ ايىپتايدى. جاعدايدى تۇراقسىزداندىرۋ, ەلىمىزدەگى تاتۋلىق پەن كەلىسىمدى شايقالتۋ ماقساتىنداعى كەز كەلگەن قادامعا ءبىز بىرلىك, قوعامدىق كەلىسىم جانە ازاماتتىق پاتريوتيزم قاعيدالارىنا ادال­دىعىمىزبەن قارسى تۇرامىز. قازاقستان حالقى اسسامبلەياسى قازا بولعان­داردىڭ وتباسىلارى مەن جاقىندارىنا قايعىرىپ كوڭىل ايتادى. قازاقستان حالقى اسسامبلەياسى ەلىمىزدەگى تۇراق­تىلىقتى شايقالتۋ جولىنداعى كەز كەلگەن ارەكەتتى ءۇزىلدى-كەسىلدى ايىپتايدى جانە بارشا حالقىمىزدى قاۋىپسىز, وركەندەگەن جانە تۇراقتى قازاقستاندى نىعايتىپ, دامىتۋ جولىنداعى ەلباسىنىڭ سىندارلى ساياساتىنىڭ اينالاسىنا ۇيىسا تۇسۋگە ۇندەيدى. ءبىزدىڭ ارقايسىمىز قازىر قىراعىلىق پەن سابىر­لىلىق كورسەتۋگە, اسقاق ازاماتتىق پارىز سەزىمىن تانىتۋعا, تۇراقتىلىعىمىزدى قورعاۋعا ءتيىسپىز. ءبىزدىڭ ءبىرتۇتاس حالىق, ءوز ەلىمىزدىڭ ازاماتتارى جانە پاتريوتتارى ەكەنىمىزدى بارشا جۇرتشىلىق بىلەتىن بولسىن! قازاقستان حالقى اسسامبلەياسىنىڭ كەڭەسى 2016 جىلعى 6 ماۋسىم