بەلگىلى جۋرناليست فاريد سەيفۋل-مۋليۋكوۆ قايتىس بولدى

استانا. 5 ماۋسىم. ماسكەۋدە بەلگىلى حالىقارالىق جۋرناليست, شىعىستانۋشى-ارابيست فاريد سەيفۋل-مۋليۋكوۆ 85 جاسىندا ومىردەن ءوتتى. بۇل تۋرالى «ۆەستي.Ru» اقپارىنا سۇيەنگەن egemen.kz ءتىلشىسى حابارلادى. كەزىندە كەڭەس وداعى تۇرعىندارىنا ورتالىق تەلەۆيدەنيەدەن بەرىلەتىن «الەم بۇگىن» جانە «حالىقارالىق پانوراما» باعدارلامالارىنىڭ ۇزدىكسىز جۇرگىزۋشىسى رەتىندە جاقسى تانىمال بولعان حالىقارالىق شولۋشىنىڭ نەدەن قايتىس بولعانى ازىرگە ايتىلىپ جاتقان جوق. ونىڭ تەك وسىدان بىرەر كۇن عانا بۇرىن رەسەي تەلەارنالارىنىڭ بىرىنە سۇحبات بەرگەنى عانا بەلگىلى. فاريد سەيفۋل-مۋليۋكوۆ وزبەكستاندا تۋىپ-وسكەن. ماسكەۋ شىعىستانۋ ينستيتۋتىن ۇزدىك بىتىرگەن. 1964 جىلدان ورتالىق تەلەۆيدەنيە جانە راديوحابارلارىن تاراتۋ كوميتەتىندە ساياسي شولۋشى بولىپ كەلدى. ول 1960-1970 جىلدارى سونداي-اق, كەڭەس تەلەۆيدەنيەسىنىڭ ليۆانداعى, كەيىنىرەك شۆەيتسارياداعى تىلشىلەر بەكەتىن باسقاردى. فاريد سەيفۋل-مۋليۋكوۆ رەسەي ونەرىنە ەڭبەگى سىڭگەن قايراتكەر. كسرو مەملەكەتتىك سىيلىعىنىڭ لاۋرەاتى. ونىڭ قالامىنان تۋعان ساياسي ساراپتامالار بىرنەشە كىتاپ بولىپ جارىققا شىقتى. سونىڭ ىشىندە «يران بۇگىن جانە ەرتەڭ», «افريكاداعى پورتۋگال وتارى» كىتاپتارى وقىرمان قاۋىمنىڭ جاقسى ىقىلاسىنا بولەندى. مارقۇمدى جەرلەۋ 6 ماۋسىم, دۇيسەنبى كۇنى وتەدى. تالعات رايىمبەك. دەرەك, فوتو: ۆەستي.Ru.