استانا. 4 ماۋسىم. رەسەيدەگى تاتارستان رەسپۋبليكاسىنىڭ استاناسى – قازان قالاسىندا وتكەن «الەم ءىنجۋى-2016» سۇلۋلىق كونكۋرسىندا وزبەكستاندىق سابينا مۋساەۆا ءبىرىنشى ورىندى جەڭىپ الدى. بۇل تۋرالى Ca-News اقپارىنا سىلتەمە جاساعان egemen.kz ءتىلشىسى حابارلادى.
«الەم ءىنجۋى» – تەك سۇلۋلىق سايىسى عانا ەمەس, ول سونىمەن بىرگە تالانتتى دا باعالايدى. وندا ءاربىر قاتىسۋشى نەگىزىنەن ۇلتتىق سالتتار مەن داستۇرلەر تاقىرىبىنا قۇرىلعان شىعارماشىلىق نومىرلەرىن ورىندايدى. سوندىقتان فينالعا شىققان قىزداردىڭ اربىرىمەن ۇزاق ۋاقىت حورەوگرافتار, رەجيسسەرلەر جۇمىس جاساسىپ, ولاردى اكتەرلىك شەبەرلىككە باۋلىعان, ساحناداعى داعدىلارىن جاتتىقتىرادى.
بايقاۋ قورىتىندىسىندا جەڭىسكە جەتكەن سابينا مۋساەۆا 30 ەلدەن كەلگەن ۇمىتكەرلەر اراسىندا ارتىق كورىندى. ول قازان فەدەرالدى ۋنيۆەرسيتەتىندە وقيدى. رەسەيلىك انگەلينا گۋبانوۆا – ەكىنشى, ۆەتنامدىق دو نيۋنگ ءۇشىنشى ورىندارعا شىققان. بۇلاردىڭ سوڭعىسى دا تاتار مەملەكەتتىك ۋنيۆەرسيتەتىنىڭ ستۋدەنتى كورىنەدى.
كونكۋرستا بۇدان باسقا 14 نوميناتسيا بويىنشا سىيلىقتار تاپسىرىلعان. سولاردىڭ اراسىندا «جەكە تۇلعا ءميسسى» اتاعى قازاقستاندىق ايناگۇل سۇرعاليەۆاعا تاپسىرىلعان.
تالعات رايىمبەك.
دەرەك, فوتو: egemen.kz.
