يسلام كاريموۆ تاۋەلسىزدىكتىڭ 25 جىلدىعىن تويلاۋدى قولعا الدى

استانا. 4 ماۋسىم. وزبەكستان پرەزيدەنتى يسلام كاريموۆ ەل تاۋەلسىزدىگىنىڭ 25 جىلدىعىن تويلاۋعا دايىندىق پەن ونى وتكىزۋ تۋرالى قاۋلىعا قول قويدى. بۇل تۋرالى «Sputnik ۋزبەكيستان» اقپارىنا سۇيەنگەن egemen.kz ءتىلشىسى حابارلادى. قاۋلىدا تاۋەلسىزدىك تويىنا دايىندىق جۇرگىزۋ مەن ونى وتكىزۋ جونىندەگى رەسپۋبليكالىق كوميسسيانىڭ قۇرامى بەكىتىلگەن. وعان بويىنا «ءومىرىم مەنىڭ, تاعدىرىم مەنىڭ – قايتالانباس تۋعان جەرىم وزبەكستان!» اتتى باستى يدەيانى سىڭىرەتىن ۇيىمداستىرۋ-پراكتيكالىق, مادەني-اعارتۋ جانە اقپاراتتىق-ءتۇسىندىرۋ باعدارلاماسىن جاساۋ تاپسىرىلدى. كوميسسيا سونداي-اق, بەلگىلى عالىمداردان, ادەبيەتشىلەردەن جانە ارتيستەردەن قۇرالاتىن رۋحاني-اعارتۋ توپتارىن جاساقتايتىن بولادى. مەرەكە اياسىندا «ەڭ ۇلى, ەڭ قىمباتتى», «وتان ءۇشىن ءومىر ءسۇر», «وتان بەينەسى – سۋرەتشى كوزىمەن», «سەنى انگە قوسامىز, زامانداس!», «تاۋەلسىزدىك جىلناماسى», «بۇل – مەنىڭ وتانىم» سەكىلدى كوپتەگەن جاستار فەستيۆالدەرى مەن كونكۋرستارى وتكىزىلەدى. تالعات رايىمبەك. دەرەك, فوتو: Sputnik ۋزبەكيستان.