امەريكا عالىمدارى اۋادان سپيرت ءوندىرىپ شىعاردى

استانا. 4 ماۋسىم. اقش-تىڭ گارۆارد ۋنيۆەرسيتەتىنىڭ عالىمدارى اۋدان سپيرت ءوندىرىپ شىعارۋ ءتاسىلىن ويلاپ تاپتى. بۇل تۋرالى Forbes اقپارىنا جۇگىنگەن egemen.kz ءتىلشىسى حابارلادى. پروفەسسور دانيەل نوسەرا گەندى ينجەنەريانىڭ كومەگىمەن Ralston eutropha دەپ اتالاتىن باكتەريانى ءوندىردى. اتالمىش باكتەريانىڭ ەرەكشەلىگى, ول اۋانىڭ كومىرقىشقىل گازىن سۋتەگىمەن ارالاستىرعاندا, قۇرامىندا سپيرت بار زاتتى ءبولىپ شىعارا الادى ەكەن. عالىم ءوزىنىڭ بۇل جاڭالىقتى كۇتپەگەن جەردەن, كەزدەيسوق جاعدايدا اشقانىن مويىندادى. باسىندا ول كومىرقىشقىل گازى مەن سۋتەگىنى وسىمدىكتەر جاپىراقتارىندا بولىپ جاتاتىن ادەنوزينتريفوسفاتقا اينالدىرۋدىڭ تابيعي پروتسەسى يميتاتسياسىن جاساپ كورمەكشى بولىپتى. الايدا, ەكسپەريمەنتتەر ۇدەرىسى وعان بۇدان دا ماڭىزدى جاڭالىقتى جايىپ سالعان كورىنەدى. ساراپشىلاردىڭ ايتۋلارىنشا, Ralston eutropha اتتى عاجايىپ باكتەريا ەندى بيووتىن ءوندىرۋ تەحنولوگياسىنىڭ دا نەگىزى بولىپ قالۋى مۇمكىن. ەگەر وسى ويلاستىرعان نارسەلەر تولىق جۇزەگە اسار بولسا, امەريكا عالىمىنىڭ جاڭالىعى ەكولوگيا سالاسىندا دا, ەكونوميكا جۇيەسىندە دە وتە جاقسى ىستەردىڭ جاسالۋىنا جول اشىپ بەرەدى. قازىرگى تاڭدا بيووتان جۇگەرىدەن, سويادان, مەتاننان, قانت قۇراعىنان الىنىپ ءجۇر. تالعات رايىمبەك. دەرەك, فوتو: Forbes.