جاپونيا وقۋشىلارى ەلەكتروندى وقۋلىقتارعا كوشەدى

استانا. 4 ماۋسىم. جاپونيادا مەكتەپ وقۋشىلارى 4 جىلدان كەيىن ەلەكتروندى وقۋلىقتارعا كوشەدى. بۇل تۋرالى rosbalt.ru سايتىنا سىلتەمە جاساعان egemen.kz ءتىلشىسى حابارلادى. مۇنداي شەشىمدى وتكەن بەيسەنبى كۇنى, 2 ماۋسىمدا جاپونيانىڭ ءبىلىم مينيسترلىگى قابىلدادى. پلانشەت تۇرىندەگى ەلەكتروندى كىتاپتار كورنەكتىلىگىن, سونداي-اق ءدارىس بارىسىندا ءتۇرلى سۋرەتتەر مەن دىبىس فۋنكتسيالارىن قوسۋدىڭ ارقاسىندا وقىتۋ مۇمكىندىكتەرىن كەڭەيتەدى. بۇل اعىلشىن ءتىلىن وقىتۋدىڭ, سونىمەن قاتار مۇگەدەك بالالارعا دا ۇيرەتۋدىڭ ساپاسىن ارتتىرۋىنا جاعداي جاسايدى. العاشىندا ەلەكتروندى وقۋلىقتار قاعاز وقۋلىقتارىمەن بىردەي پايدالانىلادى. ال ارى قاراي قاعاز تۇرىندەگى كىتاپتار اقىرىنداپ اينالىمنان شىعادى. الايدا, مەملەكەت بارلىق وقۋشىلاردى جاڭا كىتاپ تۇرىمەن قامتاماسىز ەتە المايتىنى دا ايتىلدى. وسىعان بايلانىستى شىعىننىڭ ءبىر بولىگى اتا-انالاردىڭ موينىنا جۇكتەلەدى. كۇتىلىپ وتىرعانداي, بۇل ءىستىڭ تاجىريبە جۇزىندە ەنگىزىلۋىنە دايىندىق جۇمىستارى 2016 جىلدىڭ سوڭىندا باستالادى. ايان ءابدۋالي. دەرەك, فوتو: rosbalt.ru.