ۇزدىك بريگادالار ۇلگىسى

«قازحروم» تۇك» اق فيليالى اقتوبە فەرروقورىتپا زاۋىتىندا ءوندىرىستىڭ ءار سالاسىندا 385 بريگادا تابىستى ەڭبەك ەتەدى. وسى بريگادالاردىڭ اراسىندا ءوزارا جارىس وتكىزىلىپ, ءار توقسان سايىن قورىتىندىسى شىعارىلىپ, ۇزدىكتەر انىقتالادى. ءبىرىنشى توقساننىڭ قورىتىندىسى بويىنشا 11 بريگادا ۇزدىك دەپ تانىلدى. بريگاديرلەر جارىسىنىڭ نەگىزگى ءول­شەم­دەرىنىڭ نەگىزگىلەرى, ارينە, وندىرىستىك كورسەتكىشتەر, قاۋىپسىز ەڭبەك جانە كاسىپ­ورىن­نىڭ ونەرتاپقىشتىق دامۋىنا ۇلەس قوسۋ, جۇمىستى دۇرىس ۇيىمداستىرۋ بولىپ تابىلادى. وسىنداي سىننان سۇرىنبەي ءوتىپ, وزگەلەرگە ۇلگى بولعان ۇزدىك بريگادالاردىڭ قاتارىندا №2 بالقىتۋ تسەحىنىڭ داۋلەتقۇل رايسوۆ, تىلەۋباي ماحانوۆ, جاڭابەك ءابى­شەۆ, امانجول كوپتىلەۋوۆ باسقاراتىن بالقىتۋشىلار بريگادالارى 60 بالدىق ۇپاي سانىمەن ۇزدىك اتاندى. سونداي-اق, ولاردىڭ قاتارىن 50-دەن باستاپ 60-قا دەيىنگى ۇپاي ساندارىمەن قويما شارۋاشىلىعى ۋچاسكەسىنەن سەرىك مومىنوۆ, حيميالىق ساراپتاما زەرتحاناسىنان زارينا گاريپوۆا, ەلەكتر جوندەۋ تسەحىنان ەرسىن كاجبەنوۆ, تەمىرجول تسەحىنان تەمىرلان تۋلۋباەۆ, ءوندىرىستى اۆتوماتتاندىرۋ جانە بايلانىس تسەحىنان گەننادي يزوتوۆ, قوجدى قايتا وڭدەۋ تسەحىنان بيسەنعالي تۇمانوۆ جانە مەتاللۋرگيالىق قۇرال-جاب­دىقتاردى جوندەۋ تسەحىنان ءبىرتاي تولىباي باسقاراتىن بريگادالار ءبىرىنشى توقساننىڭ قورىتىندىسى بو­يىنشا ەڭ ۇزدىك بريگادالار قاتارىنان كورىنىپ, توپ جاردى. – ءبىزدىڭ وندىرىستە ادال ەڭبەك ەشقاشان ەسكەرۋسىز قالمايدى. جىل سايىن زاۋىت جانە كومپانيا كولەمىندە بريگادالار اراسىندا جارىس وتكىزىلىپ وتىرادى. جارىستىڭ باستى ماقساتى – قاۋىپسىز ەڭبەك, وندىرىستەگى جۇ­مىستى دۇرىس ۇيىمداستىرۋ. سونىمەن قاتار, اپاتتىڭ الدىن الۋ جانە بولدىرماۋ بويىنشا پروفيلاكتيكالىق شارالاردى جۇزەگە اسىرۋ ەڭبەك ونىمدىلىگىن, جۇمىس ساپاسىن ارتتىرۋ جانە ۇيىمداستىرۋ بولىپ تابىلادى. ۇزدىكتەردى انىقتاپ, ولارعا قۇرمەت كورسەتۋ سياقتى ما­ڭىزدى ءىس-شارالار وسى جارىس شەڭ­بەرىندە وتكىزىلىپ, بريگادالار ماتەريالدىق جاعىنان ىنتالاندىرىلادى. 2015 جىلى №2 بالقىتۋ تسەحىنىڭ تىلەۋباي ماحانوۆتىڭ بريگاداسى ۇزدىك دەپ تانىلىپ, قوماقتى قاراجاتقا يە بولسا, ءوندىرىستى اۆتوماتتاندىرۋ جانە بايلانىس تسەحىنىڭ بريگاداسىنىڭ ەكى جۇمىسكەرى تەگىن جولدامامەن قوستاناي وبلىسىنداعى «سوسنوۆىي بور» ساناتوريىندە تىنىعىپ قايتتى. ناتيجەلى ەڭبەك ءاردايىم ماراپاتقا لايىق, – دەيدى كاسىپوداق ۇيىمىنىڭ توراعاسى باقىتگەرەي قابانوۆ. ەلەكترمونتەرلەر جۇمىس بارىسىندا اسا قىراعىلىق تانىتۋ كەرەك دەپ ەسەپتەيمىن. «ارنايى كيىم – قورعانىڭ» دەمەكشى, قاۋىپ­سىزدىك ەرەجەلەرىن قاتاڭ ساقتاعان ءجون. سەبەبى, توق كوزى قاتەلەسۋدى كەشىرمەيدى. مەنىڭ بريگادام ۇزدىكتەر قاتارىن تولىقتىرعانىنا وتە قۋانىشتىمىن. باستى ماقساتىمىز – ەسەلى ەڭبەك ەتىپ, اپاتتى جاعدايعا جول بەرمەۋ, – دەي­دى ەلەكتر جوندەۋ تسەحىنىڭ بريگاديرى ەرسىن كاجبەنوۆ. وزدەرىنىڭ ماڭداي تەر ەڭبەگى جانە كاسىبي بىلىكتىلىگىمەن توپ جارعان ۇزدىكتەر كاسىپورىن تاراپىنان لايىقتى سىي-سياپاتقا يە بولدى. ساتىبالدى ءساۋىرباي, «ەگەمەن قازاقستان» اقتوبە وبلىسى