اقتوبە. 2 ماۋسىم. وبلىستىڭ مەملەكەتتىك قىزمەتشىلەرى لەيكەميامەن اۋىراتىن بالالارعا 200 ليتر قان تاپسىردى. بۇل تۋرالى egemen.kz ءى حابارلادى.
وبلىس اكىمدىگىنىڭ قىزمەتكەرلەرى ءوڭىر باسشىسى بەردىبەك ساپارباەۆتىڭ باستاماسىمەن بالالاردى قورعاۋ كۇنىنە وراي قولعا الىنعان «دونور بول – ءومىر سۇرۋگە ءۇمىت سىيلا» اكتسياسىنا قاتىستى.
400 مەملەكەتتىك قىزمەتكەر جىلىك مايىنىڭ دونورلارى قاتارىنا تىركەلىپ, دونورلىق قان كومپونەنتتەرىنىڭ قاۋىپسىزدىگى ءۇشىن وبلىستىق ورتالىققا قان تاپسىردى. ولاردىڭ ارقايسىسى سىرقات بالالارعا كومەكتەسۋ ءۇشىن انكەتا تولتىرۋ, تىركەلۋ, مەديتسينالىق تەكسەرىستەن ءوتۋ جانە قان تاپسىرۋ سەكىلدى قاجەتتى پروتسەدۋرالاردان ءوتتى.
وبلىس اكىمىنىڭ باستاماسى اقتوبە قالاسىنىڭ مەملەكەتتىك قىزمەتكەرلەرى مەن 12 اۋداندارىنان دا قولداۋ تاۋىپ, مۇنداي يماندى ىسكە بارلىعى 2000 استام ادام ۇلەس قوسۋدا. مۇنداي جاعدايدا بەرىلەتىن سىياقى دا لەيكوزعا شالدىققان بالالاردىڭ ەمىنە اۋدارىلادى.
بۇگىندە وبلىستا وتكىر لەيكوز دياگنوزىمەن 52 بالا ەسەپتە تۇر.
ساتىبالدى ءساۋىرباي.
دەرەك, فوتو: egemen.kz
