اتىراۋدا يتاليا ازاماتى ەلدەن شىعارىلدى

اتىراۋ. 2 ماۋسىم. اتىراۋ قالالىق سوتى يتاليا ازاماتى فلاۆيوني سيداگني قازاقستاننىڭ زاڭناماسىن بۇزعانى ءۇشىن ەلدەن شىعارىلدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. بۇعان دەيىن قىلمىستىق ىستەر جونىندەگى اۋدانارالىق سوتىنىڭ شەشىمىمەن 2010 جىلى يتاليا ازاماتى فلاۆيوني سيداگني قىلمىستىق كودەكستىڭ 259-بابىنداعى 3-ءبولىمىنىڭ «ب», «ۆ» تارماقتارىندا كوزدەلگەن قىلمىستى جاساعانى ءۇشىن كىنالى دەپ تانىلعان. وعان وسى كودەكستىڭ 55-بابىن قولدانىلىپ, 6 جىل مەرزىمگە باس بوستاندىعىنان ايىرىلىپ, جازانى تۇزەۋ كولونيانىڭ قاتاڭ رەجيمىندە وتەۋگە سوتتالعان. «اتىراۋ وبلىسىنىڭ قىلمىستىق ىستەر جونىندەگى اۋدانارالىق سوتىنىڭ 2014 جىلدىڭ 1 تامىزداعى قاۋلىسىنىڭ نەگىزىندە فلاۆيوني سيداگني سوت تاعايىنداعان جازادان مەرزىمىنەن بۇرىن 1 جىل 8 اي 18 كۇنگە شارتتى تۇردە بوساتىلعان. اتالعان ۋاقىتتان بەرى يتاليا ازاماتى اقتاۋ قالاسىندا جۇمىس جاساعان. بيىلعى ساۋىردە جازاسىنىڭ مەرزىمى اياقتالعاننان كەيىن اتىراۋداعى ميگراتسيالىق پوليتسيادان ەلىنە كەتۋ ءۇشىن ۆيزانى رەسىمدەۋگە كەلگەن. الايدا, ول قازاقستان حالقىنىڭ دەنساۋلىعىنا, ادامگەرشىلىگىنە قارسى اۋىر قىلمىس جاساعان», – دەدى وبلىستىق سوتتىڭ ءباسپاسوز قىزمەتى بورانباي عاليەۆ. «شەتەلدiكتەردiڭ قۇقىقتىق جاعدايى تۋرالى» زاڭنىڭ 28-بابىنداعى ۆ-تارماقشاسىن باسشىلىققا العان سوت ونى ەل شەگىنەن تىسقارى شىعارۋعا شەشىم الدى. وعان ەل اۋماعىنان كەتۋگە 15 كۇن مەرزىم ۋاقىت بەرىلدى. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. فوتو: sud.kz.