استانا. 2 ماۋسىم. بۇگىن استانادا ءتورتىنشى حالىقارالىق «KADEX-2016» قارۋ-جاراق پەن اسكەري-تەحنيكالىق م ۇلىك كورمەسى اشىلدى. بۇل تۋرالى قورعانىس مينيسترلىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تاڭسارىدەن باستاپ قارۋلى كۇشتەردىڭ اۆياتسيالىق بازاسىنىڭ 8 پاۆيلونىندا وتاندىق جانە شەتەلدىك وندىرۋشىلەردىڭ قارۋ-جاراعىن, اسكەري جانە اۆياتسيالىق تەحنيكاسىن كورسەتۋ باستالدى.
بيىلعى جىلى كورمە سەكتسيالارىنىڭ سانى 7-گە دەيىن كەڭەيتىلدى. وندا اۆياتسيالىق تەحنيكا, ۇۇا جانە عارىشتىق تەحنولوگيالار, قۇرلىق اسكەرلەرى مەن اسكەري-تەڭىز كۇشتەرىنىڭ قارۋ-جاراعى مەن اسكەري تەحنيكاسى, اشقق جۇيەلەرى مەن قۇرالدارى, اسكەرلەردى تىلدىق جانە تەحنيكالىق قامتاماسىز ەتۋ مۇلكى, IT-تەحنولوگيالار, بايلانىس جۇيەلەرى مەن قۇرالدارى, اسكەري سالاداعى روبوت تەحنيكا, اسكەري سالادا قولدانىلۋى ىقتيمال بالامالى قۋات كوزدەرى بار.
العاش رەت «KADEX-2016» كورمەسىندە «ارلان» بروندالعان دوڭعالاقتى ماشينالار مەن «بارىس» بروندى ترانسپورتەرى ۇسىنىلدى. قازاقستاندا مۇنداي اسكەري تەحنيكانىڭ بالاماسى جوق. ونى قارۋلى كۇشتەر ءۇشىن وتاندىق كاسىپورىندار شىعارادى.
«KADEX-2016» كورمەسى 5 ماۋسىمىنا دەيىن جالعاسادى. 4 - 5 ماۋسىم كۇندەرى كورمەنى تەگىن تاماشالاۋعا بولادى. وسى كۇندەرى استانالىقتار مەن قالا قوناقتارى اۆياتسيالىق جانە باسقا دا اسكەري تەحنيكانىڭ جاۋىنگەرلىك مۇمكىندىكتەرىن تاماشالاي الادى.
كورمەگە №10, 12, 100 اۆتوبۋستارمەن بارۋعا بولادى.
داستان كەنجالين.
دەرەك, فوتو: قورعانىس مينيسترلىگى.
