وتاندىق عالىمدار ۇلەسى

الماتىدا ۇلتتىق عىلىم اكادەمياسىنىڭ كەزەكتى سەسسياسى بولىپ ءوتتى وتاندىق عالىمداردىڭ باسىن قوسقان كەلەلى وتىرىستىڭ ەسەپتىك سەسسياسى قا­زاق­ستان رەس­پۋبليكاسى ۇلتتىق عىلىم اكادەمياسىنىڭ قۇرىلعان كۇ­نىنە وراي, بيىلعى جىلدىڭ قا­زان ايىندا اتاپ ءوتىلۋى جوسپارلانىپ وتىرعان 70 جىلدىق مەرەيتوي ماسەلەسىن تالقىعا سالۋ جانە ەل عىلىمىنا قاتىستى ءبىر­قاتار ماسەلەلەردى كوپشىلىك نازارىنا ۇسىنۋعا ارنالدى. وتىرىس بارىسىندا ۇلتتىق عىلىم اكادەمياسىنىڭ پرە­زيدەنتى مۇرات جۇرىنوۆتىڭ تورالقانىڭ ەسەپتىك كەزەڭى مەن قىزمەتى جانە قازاقستان رەس­پۋبليكاسىنداعى عىلىمنىڭ ودان ءارى دامۋى تۋرالى اقپاراتتىق ەسەبى تىڭدالدى. وندا تورالقانىڭ ەسەپتىك كەزە­ڭىندەگى قىزمەتى, العا قويعان ماق­ساتتاردىڭ ورىندالۋى مەن وتاندىق عىلىمنىڭ دامۋ كەلە­شەكتەرى مازمۇندالعان. اكا­دەميا پرەزيدەنتى «عىلىم تۋرالى» قازاقستان رەسپۋبليكاسىنىڭ زاڭى بويىنشا ۇلت­تىق عىلىم اكادەمياسى ەلدەگى عىلىم دامۋىنىڭ باسىم باعىتتارىن انىقتاۋعا قاتىساتىندىعى جانە مەملەكەت باسشىسىنا ۇسىنۋ ءۇشىن عىلىم بويىنشا ۇلتتىق بايانداما دايىنداۋدى جۇزەگە اسىرۋ قۇقىعىنىڭ ءمار­تەبەسىن ەسكە سالىپ, بۇل ءۇردىستىڭ سوڭعى 10 جىل بويىنا تۇراقتى اتقارىلىپ كەلە جاتقاندىعىن ءتۇسىندىردى جانە ونى بارلىق عالىمدار ءبىر اۋىزدان قولدادى. ۇلتتىق عىلىم اكادەمياسى ەلىمىزدە جانە شەتەلدەرگە ەر­كىن تارايتىن اكادەميالىق باسىلىمداردى شىعارىپ, سيمپوزيۋمدار, كونفەرەنتسيالار, كورمەلەر جانە عىلىم مەن تەحنيكا سالاسىندا تاعايىندالعان سىياقىلارعا كونكۋرس وتكىزۋ ارقىلى عىلىم جەتىستىكتەرىن ناسيحاتتاپ, حالىقارالىق عى­لىمي ىنتىماقتاستىق پەن ين­نوۆاتسيالىق قىزمەتتى دامىتۋعا ىقپال ەتۋدە, سونداي-اق, ىرگەلى زەرتتەۋلەر بويىنشا عىلىمي ساراپتامالاردى جۇزەگە اسىرۋدا. عىلىم اكادەمياسى جا­نىنان 8 عىلىمي جۋرنال شىعارىلىپ, ولار تۇراقتى تۇردە تمد ەلدەرىنە, اقش, ۇلىبريتانيا, گەرمانيا, فرانتسيا, جاپونيا جانە باسقا دا ەلدەردىڭ جەتەكشى عىلىمي كىتاپحانالارىنا جىبەرىلىپ وتىر. قازاقستان رەسپۋبليكاسى ۇلتتىق عىلىم اكادەمياسى – قۇرامىندا 140 تولىق مۇشە, 103 كوررەسپوندەنت-مۇشەلەرى, 78 قۇرمەتتى جانە 13 شەتەلدىك مۇشەلەرى بار ەلىمىزدەگى جالعىز كلاس­سيكالىق امبەباپ اكادەميا. «ءبىر ەلدەن – ءبىر اكادەميا» قاعيداتىمەن قۇرىلعان بارلىق حالىقارالىق كلاسسيكالىق ۇلتتىق اكادەميالار اسسوتسياتسيا­لارىندا قازاقستاندى تەك وسى اكادەميا تانىتادى. سوندىقتان, ۇلتتىق عىلىم اكادەمياسىنىڭ قىزمەتى ءاردايىم ەلباسىنىڭ تىكەلەي نازارىندا. مەملەكەت تاراپىنان ۇلكەن قولداۋعا يە بولىپ, وتاندىق عىلىمدى ىلگەرى باس­تىرۋ جولىندا اتقا­رىلىپ جاتقان تولاسسىز ەڭ­بەك ناتيجەسىندە اكادەميك عا­لىمداردىڭ قاتارى ءار كەزدە تا­لانتتى جاس عالىمدارمەن تو­لىعىپ وتىرادى. اكادەميانىڭ ۇلكەن زالىن­داعى ءداستۇرلى باسقوسۋدا قا­زاق­ستان رەس­پۋب­ليكاسى ۇلتتىق عىلىم اكادەمياسىنا 70 جىل تولۋىنا وراي اكادەميانىڭ ارناۋلى «التىن» مەدالىمەن اكادەميك سۇلتان سارتاەۆ, ال بىرقاتار عالىمدار قۇرمەت گرام­وتاسىمەن ماراپاتتالدى. قانات ەسكەندىر, «ەگەمەن قازاقستان» الماتى