اليمەنتشى, قاشپا... قۇتىلمايسىڭ!

بالالاردى قورعاۋ كۇنى قار­سا­ڭىندا جەكەمەنشىك سوت ورىن­داۋشىلاردىڭ رەسپۋب­ليكالىق پالاتاسى ايدى اسپاننان ءبىر-اق شىعاردى. قۇزىرلى ورگاننىڭ سوڭعى مالىمەتىنە سۇيەنسەك, وتباسىمەن اجىراسقان 223 مىڭ 660 قازاقستاندىقتىڭ 70 پايىزى وزدەرىنىڭ تۋعان بالالارىنا اليمەنت تولەمەيدى ەكەن. ىسىنە سوت ارالاسقان 62 مىڭنان استام اكەلەر عانا بۇل ىسكە «ءوز ەركىمەن اتسالىسادى», دەيدى. قال­عاندارى جاپپاي جالتارىپ, قاشىپ ءجۇر!.. وسىدان ەكى جىل بۇرىن ال­ماتى قالاسىنىڭ سوت ورىنداۋ­شىلارى اليمەنتشى اكەلەردىڭ سوڭىنان شام الىپ تۇسكەنى ەسىمىزدە. «قاشقىندارعا» سوندا, ءتىپتى, جول ۇستىندە قۇرىق تا تاستالدى. ولاردىڭ اۆتوكولىگىن تۇساپ, ايىپ تۇراقتارىنا توعىت­قان دا سول كەز. ناۋقان قىزىپ, وقيعا بارىسىندا اليمەنتى مەن ايىپ الاڭىندا تۇرعان كۇندەرى ءۇشىن اقشاسىن تولەگەندەر كولىكتەرىن قايتارىپ الىپ جاتتى. الماتىداعى قىمبات كولىگى مەن جىلجىمايتىن م ۇلىگى بار, تابىسى تاۋداي الپاۋىت «قاش­قىن اكەلەردىڭ» ءبىر توبىنا عانا وسىلايشا اۋىزدىق سا­لىنعان. بۇلاردىڭ اراسىندا اليمەنت تولەيىن دەسە ىستەيتىن جۇمىستىڭ جوقتىعى قولدارىن بايلاپ ءجۇر­گەن «جومارت جاندار» دا جوق ەمەس. ونىڭ دا وڭتايلى جولى تا­­بىلدى. ەندى بۇدان بىلاي ولار­عا مەملەكەتتىك اليمەنتتىك قور قولۇشىن بەرەدى. قازىر قا­زاقستان پارلامەنتىنىڭ بيىك مىنبەرىنەن قوردىڭ تاياۋ مەرزىمدە قۇرىلاتىنى تۋرالى وڭ ماسەلە كوتەرىلىپ تە قويىلدى. جاڭا قور جال­قاۋ اكەلەردى بالا-شاعاسى ءۇشىن كۇشتەپ بولسا دا جۇمىسقا جەگەدى. ايتپاقشى, بۇل ارادا ەلىمىزدىڭ باس پروكۋراتۋراسىنىڭ ينتەرنەت ارقىلى سەرۆيس جەلىسىن اشىپ قويعانىن دا ۇمىتپايىق. ونداعى عالامتوردىڭ «قارا تىزىمىنە» جاۋاپسىز اكەلەرمەن بىرگە انالاردىڭ دا سۋرەتتەرى ىلىنەدى. وكىنىشكە قاراي, ەلىمىزدە اليمەنتشى انالار دا بارشىلىق ەكەن! دەمەك, اليمەنتشى... قاشپا, ءبارىبىر قۇتىلا المايسىڭ! تالعات ءسۇيىنباي, «ەگەمەن قازاقستان» الماتى