استانا حابى اياسىندا اليانس قۇرىلدى

استاناداعى مەملەكەتتىك قىزمەت سالا­سىنداعى وڭىرلىك حاب «مەملەكەتتىك قىز­­مەت كورسەتۋ ماسەلەلەرى بويىنشا «تەڭ-تەڭىمەن» قاعيداسىنا ساي ءتاجىري­بە الماسۋ» اتتى سەمينار وتكىزدى. وعان كا­نادا, ازەربايجان, گرۋزيا, قازاقستان­نىڭ مەملەكەتتىك قىزمەت كورسەتۋ ورتالىق­تارى­نىڭ وكىلدەرى مەن حالىقارالىق ساراپشىلار قاتىستى. سەميناردى استاناداعى مەملەكەتتىك قىزمەت سالاسىنداعى وڭىرلىك حاب باسقارۋشى كوميتەتىنىڭ توراعاسى ءاليحان بايمەنوۆ, قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ رەكتورى بولاتبەك ءابدىراسىلوۆ, اقپارات جانە كوممۋنيكاتسيالار ۆيتسە-ءمينيسترى ساكەن سارسەنوۆ ءسوز سويلەپ اشتى. جيىندا ەكونوميكالىق ىنتىماقتاستىق جانە دامۋ ۇيىمى (ەىدۇ) دامۋ ماسەلەلەرىندەگى ىنتىماقتاستىق جونىندەگى ديرەكتوراتىنىڭ مەملەكەتتىك باسقارۋ جونىندەگى كەڭەسشىسى اننا پيچينني «تەڭ-تەڭىمەن» پىشىمىندەگى ءتيىمدى ينستيتۋتتار پلاتفورماسىنىڭ ادىستەمەسىنىڭ ماقساتتارى جونىندە اڭگىمەلەپ بەردى. ءىس-شارا بارىسىندا ازەربايجان («ASAN» قىزمەت كورسەتۋ ورتالىعى), گرۋزيا (Public Service Halls), قازاقستان («ۇكىمەت ازاماتتار ءۇشىن» مەملەكەتتىك كورپوراتسياسى) جانە كانادا (ازاماتتارعا باعىتتالعان قىزمەت كورسەتۋ ينستيتۋتى (ICCS) مەملەكەتتىك قىزمەت كورسەتۋ ورتالىقتارىنىڭ دامۋ تاجىريبەلەرى تانىستىرىلدى. قاتىسۋشىلار حالىققا قىزمەت كورسەتۋ كەزىندە تۋىندايتىن ماسەلەلەردى جانە ولاردى شەشۋدىڭ يننوۆاتسيالىق جولدارىن تالقىلادى. جيىندا, سونداي-اق, حابتىڭ قاتىسۋشى ەلدەر اراسىنداعى تاجىريبە الماسۋ جولدارى انىقتالدى. شارا حابقا مۇشە ەلدەردىڭ ساراپشىلارى «تەڭ-تەڭىمەن» قاعيداسىنا ساي تاجىريبە مەن ءبىلىم الماسۋ ءۇشىن پلاتفورما جاساۋ ماقساتىندا وتكىزىلدى. بۇل پلاتفورما حالىققا قىزمەت كورسەتۋ سالاسىنداعى وزەكتى ماسەلەلەردى, يننوۆاتسيالىق تاسىلدەر مەن ترەندتەردى جانە ودان ءارى تاجىريبە مەن ءبىلىم الماسۋ ماقساتىندا پراكتيكتەردىڭ اليانسىنىڭ قۇرۋ مۇمكىندىكتەرىن تالقىلاۋعا جول اشادى. ارىپتەستەر جەلىسى رەتىندە اليانستى ەنگىزۋ «ءبىر تەرەزە» رەفورماسىن جۇزەگە اسىرۋدى جاقسارتىپ, حابتىڭ مۇشە ەلدەرىنىڭ اراسىنداعى ىنتىماقتاستىقتى نىعايتادى. حاب قازاقستان باستاماسىمەن بۇۇ دامۋ باعدارلاماسىمەن بىرلەسە وتىرىپ, 25 مۇشە ەل جانە 5 حالىقارالىق ۇيىم ارقىلى قۇرىلدى. قازىرگى تاڭدا حاب 34 مۇشە ەلدەن تۇرادى, ۇيىم گەوگرافياسىنىڭ سولتۇستىك امەريكا مەن ەۋروپا, تمد ەلدەرى, كاۆكاز بەن ورتالىق ازيا مەملەكەتتەرىنەن ASEAN ەلدەرىنە دەيىن كەڭەيۋى مەملەكەتتىك قىزمەتتى جەتىلدىرۋدەگى ارىپتەستىك اسا قاجەت ەكەنىن كورسەتەدى. «ەگەمەن-اقپارات»