«ميمينو» ءفيلمىنىڭ جالعاسى تۇسىرىلمەكشى

استانا. 2 ماۋسىم. گرۋزين بيزنەسمەنى, ەلدەگى اسا ءىرى Fortuna راديوحولدينگىنىڭ ەگەسى زۋراب چيگوگيدزە «ميمينو» ءفيلمىنىڭ جالعاسىن ءتۇسىرۋ قۇقىعىن «موسفيلمنەن» ساتىپ الدى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. بەلگىلى بولعانداي, كينونى ءتۇسىرۋ جاقىن ارادا قولعا الىنعالى وتىر. «ءبىز كەزىندە كورەرمەننىڭ ىستىق ىقىلاسىنا بولەنگەن «ميمينو» كوركەم ءفيلمىنىڭ جالعاسىن ءتۇسىرۋ قۇقىعىن ساتىپ الدىق. ەندى تاياۋ ارادا «ميمينو – ۇشۋ جالعاسا بەرەدى» دەگەن لەنتانىڭ ءتۇسىرىلىمى باستالادى», – دەپ مالىمدەدى چيگوگيدزە. ءفيلمنىڭ جالعاسى كەلەسى جىلدىڭ باسىندا ءوز كورەرمەندەرىمەن قاۋىشادى دەپ كۇتىلىپ وتىر. ازىرگە ونى جاسايتىن رەجيسسەر ىزدەستىرىلىپ جاتقان كورىنەدى. بىراق پروديۋسەر جوبانىڭ ۇڭعىل-شۇڭعىلىن كوپ ايتا قويعان جوق. ول تەك جۇمىستىڭ باستالۋ ساتىندە تۇرعانىن عانا ءسوز ەتتى. «ءفيلمدى ءتۇسىرۋ قۇقىعىن ءبىز تەك «موسفيلمنەن» عانا الىپ قويعان جوقپىز, سونىمەن قاتار ءفيلمنىڭ رەجيسسەرى ءارى ستسەناريسى گەورگي دانەليادان, ستسەناريدىڭ سەرىكتەس اۆتورلارى رەۆاز گاربيادزە مەن ۆيكتوريا توكارەۆادان سونداي رۇقسات الدىق. بۇدان بولەك, كومپوزيتور گەورگي كانچەليدەن فيلمنىڭ مۋىزكاسىن دا ساتىپ الدىق», – دەدى زۋراب چيگوگيدزە. تالعات رايىمبەك. دەرەك: ras.kz. فوتو: bibo.kz.