مىسىردا جۋرناليست ۇلىنىڭ ەسىمىن پۋتين دەپ قويدى

استانا. 1 ماۋسىم. مىسىر استاناسى – كاير قالاسىندا تۇراتىن جۋرناليست ءارى اۋدارماشى موامەن مۋحتار كەشە تۋعان ۇلىنا «پۋتين» دەگەن ات بەردى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. جۋرناليست مۇنى 1 ماۋسىم, سارسەنبى Facebook الەۋمەتتىك جەلىسىندەگى پاراقشاسىندا قالدىرعان پوستىسىندا بايانداپ بەرىپتى. «اللاعا شۇكىر. اللا ماعان ۇل بەردى. ونى اتى-ءجونى – پۋتين مۋحتار», – دەپ جازىپتى موامەن. ول ءوزىنىڭ بۇل شەشىمىن «الەمدە 100 ءۆلاديميردىڭ بارلىعىمەن, بىراق ولاردىڭ اراسىندا بىرەۋىنىڭ عانا پۋتين ەكەنىمەن» ءتۇسىندىرىپتى. پوستقا تۇسىندىرمە جازۋشىلار سول بويدا موامەندى ۇلىنىڭ تۋىلىمەن قۇتتىقتاپ جاتىر. ولار سونىمەن بىرگە ەندى ءوزىن ۆلاديمير ءپۋتيننىڭ اكەسى ساناۋىنا بولاتىنىن ايتىپ, قالجىڭ ءبىلدىرىپ تە جاتقان كورىنەدى. «قۇتتىقتايمىز سەنى, ءپۋتيننىڭ اكەسى! ونى سەن ەندى كرەملدەن كەم ەتپەي تاربيەلە», – دەگەن تىلەك ءبىلدىرىپتى جىگىتكە الەۋمەتتىك جەلىدەگى تانىستارى. بۇدان بۇرىن گەرمانيادا تۇراتىن سيريالىق اراب جاڭا تۋعان قىزىنا «روسسيا» دەگەن ەسىم بەرۋىمەن جۇرتتىڭ جادىندا قالىپ ەدى. بىراق شەنەۋنىكتەر مۇنىڭ ادام اتى ەمەس, مەملەكەتتىڭ اتاۋى ەكەنىن العا تارتىپ, جاڭا نىسپىنى تىركەمەي قويعان ەكەن. ايتكەنمەن, تاباندى سيريالىق ءوزىنىڭ ماقساتىنا جەتۋ ءۇشىن سوتقا دەيىن جۇگىنىپ, اقىرى قىزىنا سول اتاۋدى بەرگىزدىرگەن ەكەن. قازىر روسسيا اتتى قىز گەرمانيا عانا ەمەس, ەۋرووداقتىڭ دا مالىمەتتەر بازاسىندا تىركەۋلى تۇر. تالعات رايىمبەك. دەرەك, فوتو: ras.kz.