سىر وڭىرىندە بالالار تەاترى اشىلدى

استانا. 1 ماۋسىم. قىزىلوردا قالاسىندا 1 ماۋسىم – حالىقارالىق بالالاردى قورعاۋ كۇنى مەرەكەسىنە ورايدا قۋىرشاق تەاترى اشىلدى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. بۇگىن «ادەمى» بالالار مۋزىكالىق تەاتردىڭ شىمىلدىعى گريگوري وستەردىڭ «مازاسىز ءتيىن» اتتى قويىلىمىمەن ءتۇرىلدى. سپەكتاكل جەلىسىندە جان-جانۋارلار وبرازى ارقىلى دوستىق پەن قامقورلىق ناسيحاتتالادى. سونىمەن قاتار, ۇلكەنگە قۇرمەت, كىشىگە ىزەت جانە السىزگە كومەك كورسەتۋ سىندى ادامي قۇندى قاسيەتتەر باياندالادى. تەاتر ارتىستەرىنىڭ بارلىعى ارنايى كوركەمدىك ىرىكتەۋ بايقاۋىنان وتكەن جەرگىلىكتى ونەرپازدار. ونەر ۇجىمىنىڭ العاشقى قويىلىمى تەگىن كورسەتىلدى. سۇيىكتى ەرتەگى كەيىپكەرلەرىمەن قاۋىشىپ, قىزىقتى ويىندار قىزىعىنا باتقان بالعىندارعا بۇل تاماشا تارتۋ بولدى. وبلىستىق فيلارمونيا جانىنان قۇرىلعان قۋىرشاقتار تەاترى ەندى اۋىل-ايماقتى ارالاپ, شالعايداعى بۇلدىرشىندەردى دە ۇدايى قۋانتىپ تۇرادى. «مۋزىكالىق بالالار تەاتر – ستۋدياسىنىڭ الداعى جۇمىس جوسپارى اۋقىمدى. قازىر رەپەرتۋار تاڭداۋ باعىتىندا جان-جاقتى جۇمىستار اتقارىپ جاتىرمىز. «بالالار – ەلدىڭ ەرتەڭى» اتتى ۇلكەن شارامىزعا مادەنيەت باسقارماسىنا قاراستى كوپتەگەن مەكەمە اتسالىستى. بالالارعا تەگىن بالمۇزداقتار تاراتىپ, سىيلىقتار ۇلەستىرىپ, ەستافەتالىق «بالا كوزىمەن» دەگەن ءتۇرلى سۋرەت سالۋ سايىسىن وتكىزدىك», – دەيدى قىزىلوردا وبلىستىق فيلارمونيانىڭ ديرەكتورى تالعات ماقاشەۆ. تالعات رايىمبەك. دەرەك: 24.kz. فوتو: youtube.com.