اتىراۋدا پارا العان 4 مەملەكەتتىك قىزمەتكەر ۇستالدى

اتىراۋ. 1 ماۋسىم. اتىراۋ وبلىسى بويىنشا مەملەكەتتىك كىرىستەر دەپارتامەنتىنىڭ 4 قىزمەتكەرى «پارا الۋ» كۇدىگىمەن قاماۋعا الىندى. بۇل تۋرالى اتالعان دەپارتامەنتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وبلىستىق مەملەكەتتىك كىرىستەر دەپارتامەنتى ىشكى قاۋىپسىزدىك باسقارماسىنىڭ باسشىسى زاڭعار زاڭقانوۆتىڭ ايتۋىنشا, سوتقا دەيىنگى تەرگەۋ-تەكسەرۋدىڭ بىرىڭعاي تىزىلىمىنە قىلمىستىق كودەكسىنىڭ 366-باپتىڭ  3-ءبولىمىنىڭ 2,4 تارماقشالارىندا كوزەلگەن «پارا الۋ» فاكتىسى تىركەلدى. «قىلمىستىق ءىستى تەرگەۋ بارىسىندا انىقتالعانداي, ناۋرىز-ءساۋىر ايلارىندا اتالعان دەپارتامەنتتىڭ لاۋازىمدى تۇلعالارى, دالىرەك ايتقاندا, ءبولىم باسشىسى قاراماعىنداعى قىزمەتكەرلەرىمەن الدىن الا ءسوز بايلاسىپ, وزىنە جانە باسقا تۇلعالارعا پايدا تابۋ ماقساتىمەن قۇجاتتاردى كەدەرگىسىز جانە تەزدەتىپ جاساقتاۋ ءۇشىن زاڭسىز اقشالاي سىياقى الىپ وتىرعان. دەمەك, پارا بەرۋشىنىڭ پايداسى, ياعني, ونى قامقورلاۋ نەمەسە ەنجارلىق تانىتۋ ءۇشىن پارا العان. وقيعا ورنىن قاراۋ بارىسىندا 549 000 تەڭگە جانە 900 اقش دوللارى تابىلدى. كۇدىكتى ءتورت تۇلعا اتىراۋ قالالىق №2 سوتىنىڭ شەشىمىمەن 2 اي مەرزىمگە قاماۋعا الىندى. وسى قىلمىستىق ءىس بويىنشا اتىراۋ وبلىستىق پروكۋراتۋراسىنىڭ ارنايى پروكۋرورلار باسقارماسىنىڭ, مەملەكەتتىك كىرىستەر دەپارتامەنتىنىڭ جانە سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ قىزمەتكەرلەرىنەن قۇرالعان ۆەدومستۆوارالىق جەدەل-تەرگۋ توبى قۇرىلدى», – دەيدى زاڭعار زاڭقانوۆ. بۇگىنگى تاڭدا سوتقا دەيىنگى تەرگەۋدىڭ تولىقتاي جانە ءادىل بولۋىن قاماتاماسىز ماقساتىندا بارلىق قاجەتتى جەدەل-تەرگەۋ شارالارى جۇرگىزىلۋدە. جولداسبەك شوپەعۇل. دەرەك: اتىراۋ وبلىسى بويىنشا مەملەكەتتىك كىرىسىتەر دەپارتامەنتى. فوتو: rgmedia.kz.