شىمكەنت. 1 ماۋسىم. شىمكەنتتىك تيمۋر حايداروۆ بايداركامەن كانوەدا ەسكەك ەسۋدەن الەم كۋبوگىنىڭ يەگەرى اتاندى. بۇل تۋرالى egemen.kz ءتىلشىسى حابارلادى.
الەم كۋبوگى باسەكەسى چەحيانىڭ راچيتسا قالاسىندا ءوتتى. تيمۋر حايداروۆ 200 مەترگە جارىستا التىن مەدال السا, كوماندالاسى مەرەي مەدەتوۆپەن جۇپتاسىپ ەسۋدە ەكىنشى ورىن يەلەنگەن.
سونىمەن قاتار, وڭتۇستىكتىڭ ەسكەكشىلەرى ۇلتتىق قۇرامانىڭ ساپىندا گەرمانيادا وتكەن الەم كۋبوگىنىڭ العاشقى كەزەڭىندە دە جۇلدەگە ىلىكتى. سەرگەي ەمەليانوۆ كانوەدا ەسكەك ەسۋدەن 500 مەترگە جارىسىپ, قولا جۇلدەگە يە بولدى. الەم كۋبوگى ءۇشىن بۇل سىناقتار قازاقستان ەسكەكشىلەردىڭ وليمپيادا الدىندا دايىندىعىن پىسىقتاۋعا جاقسى مۇمكىندىك بولدى. ريو-دە-جانەيروعا وڭتۇستىكتىڭ التى ەسكەكشىسى ليتسەنزيانى جەڭىپ العاندىعى بەلگىلى. ەندى الەم كۋبوگى جولىنداعى باسەكەدە جۇلدەگەرلەر قاتارىنان كورىنۋى بۇل سپورتشىلاردىڭ وليمپياداعا تەك قاتىسىپ قايتۋدى ويلامايتىندىعىن اڭعارتادى.
باقتيار تايجان.
دەرەك, فوتو: egemen.kz
