اقش-تا 3-تەگى بالا ءۇشىن گوريللانى ولتىرۋشىلەر ايىپتالدى (ۆيدەو)

استانا. 1 ماۋسىم. اقش-تىڭ وگايو شتاتى تسينتسيناتتي قالاسىندا حايۋاناتتار پاركىنىڭ قىزمەتكەرلەرى 3 جاسار بالانىڭ ۆولەرگە قۇلاپ كەتكەننەن كەيىن ونداعى 17 جاستاعى حارامبە ەسىمدى گوريللانى اتىپ ولتىرگەنى قوعامنىڭ ءبىراز قارسىلىق قوزعالىسىن تۋعىزدى. بۇل تۋرالى bloknot.ru اقپارىنا سىلتەمە جاساعان egemen.kz ءتىلشىسى حابارلادى. قۇراما شتاتتاردا جەكسەنبى كۇنى ءبىرىنشى كەزەكتە ۆولەردەگى گوريللا تۇرعان جەرگە قۇلاپ كەتكەن بالانىڭ اتا-اناسىن جازاعا تارتۋعا شاقىرعان پەتيتسياعا 15 مىڭنان استام ادام قول قويدى. قاۋىمداستىق سوڭى جازىقسىز اڭنىڭ ولتىرىلۋىنە الىپ بارعان وقيعانىڭ ورىن الۋىنا سەبەپشى بولعانداردىڭ ارەكەتىنە اشۋ-ىزا بىلدىرەدى. «گوريللا بالاعا اتا-اناسى قاراماۋىنان قازا تاۋىپ وتىر. ايتپەسە, ول ۆولەرگە قۇلاپ كەتەپەس ەدى. بالالارىنا قاراماعان اتا-انا وسى ءۇشىن جاۋاپقا تارتىلۋعا ءتيىس», – دەلىنگەن قوزعالىس حابارلاماسىندا. ەسكە سالا كەتەيىك, 29 مامىر كۇنى امەريكانىڭ تسينتسيناتتي قالاسىنداعى حايۋاناتتار پاركىنىڭ قىزمەتكەرلەرى حارامبە دەگەن گوريللا تۇرعان ۆولەرگە 3 جاسار بالا قۇلاپ كەتكەننەن كەيىن مايمىلدى اتىپ ولتىرۋگە ءماجبۇر بولعان. قىزمەتكەرلەر جانۋاردى اتىپ ولتىرۋگە شەشىم قابىلداعانعا دەيىن 10 مينۋت بويى ول بالانى قولىنان شىعارماي ۇستاپ جۇرگەن. زووپارك قىزمەتكەرلەرى گوريللانى ترانكۆيليزاتورمەن اتىپ, ۇيىقتاتىپ تاستاۋعا باتىلدىق جاساي الماعان. سەبەبى, ول ۇيىقتايمىن دەگەنشە, بالاعا زالال كەلتىرىپ تاستاي ما دەپ قورقىققان. تالعات رايىمبەك. دەرەك, فوتو: bloknot.ru.