قىزىلوردا وبلىسىندا باسقارما باسشىسى تاعايىندالدى

استانا. 1 ماۋسىم. قىزىلوردا وبلىسىنىڭ اكىمى قىرىمبەك كوشەرباەۆتىڭ وكىمىمەن وبلىستىق ىشكى ساياسات باسقارماسىنا جاڭا باسشى تاعايىندالدى. بۇل تۋرالى وبلىس اكىمدىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ايماق باسشىسى تاعايىندالعان جاڭا باسشىنى وبلىس اكتيۆىنە تانىستىردى. ول – قايرۋللاەۆ  ايدىن بوكەنباي ۇلى. ايدىن قايرۋللاەۆ 1981 جىلى قىزىلوردا وبلىسى, شيەلى اۋدانى, سۇلۋ توبە اۋىلىندا تۋعان.  ول 2002 جىلى قورقىت اتا اتىنداعى ۋنيۆەرسيتەتىن – جۋرناليست, 2008 جىلى وسى وقۋ ورنىن زاڭگەر ماماندىقتارى بويىنشا بىتىرگەن. ەڭبەك جولىن 2001 جىلى وبلىستىق تەلەراديوكومپانياسىنىڭ رەداكتورى بولىپ باستاعان. ءار جىلدارى وبلىس اكىمىنىڭ كەڭەسشىسى, ءباسپاسوز حاتشىسى, كومەكشىسى, وبلىستىق ىشكى ساياسات باسقارماسى باستىعىنىڭ ورىنباسارى, قالالىق ىشكى ساياسات, مادەنيەت جانە تىلدەردى دامىتۋ بولىمدەردىڭ باسشىلارى قىزمەتتەرىن اتقارعان. 2015 جىلدان باستاپ وسى كەزگە دەيىن قىزىلوردا قالاسى اكىمىنىڭ ورىنباسارى قىزمەتىن اتقارىپ كەلدى. «ايدىن بوكەنباي ۇلىنىڭ ىشكى ساياسات سالاسىنداعى تاجىريبەسى مول. سوندىقتان بۇل سالانىڭ جۇمىسىن جۇيەلى ۇيىمداستىرادى دەپ سەنەمىن», – دەدى وبلىس اكىمى قىرىمبەك كوشەرباەۆ. تالعات رايىمبەك. دەرەك, فوتو: قىزىلوردا وبلىسى اكىمدىگىنىڭ ءباسپاسوز قىزمەتى.