جوعارعى سوتتىڭ 30 سۋدياسى – ۋنيۆەرسيتەت تۇلەگى

بۇل تۋرالى قازاقستان رەسپۋبليكاسى جوعارعى سوتىنىڭ توراعاسى قايرات ءمامي ءال-فارابي اتىنداعى قازاق ۇلتتىق ۋنيۆەرسيتەتىندە وتكەن ءداستۇرلى «تۇلەكتەر كۇنى» ءىس-شاراسىندا ايتىپ ءوتتى. كەزدەسۋ بارىسىندا قازۇۋ تۇلەكتەرى قاۋىمداستىعىنىڭ پرەزيدەنتى قايرات ءمامي سوت جۇيەسى ۇلت جوسپارىندا بەلگىلەنگەن بارلىق 11 تارماقتى ۋاقتىلى جانە ساپالى جۇزەگە اسىرعاندىعىن, سونداي-اق, 2016 جىلعى 1 قاڭتاردان باستاپ ەلىمىزدەگى سوتتار جاڭا ءۇش ساتىلى جۇيەدە جۇمىس جۇرگىزە باستاعانىن دا تىلگە تيەك ەتتى. ينۆەستيتسيالىق داۋلار جونىندە سوت ءىسىن جۇرگىزەتىن جەكە القا, جوعارعى سوت جانىنان حالىقارالىق كەڭەس قۇرىلىپ, سۋديالىق قىزمەتكە ۇمىتكەرلەر ءۇشىن قويىلار تالاپتىڭ دا كۇشەيتىلگەنىن جەتكىزدى. جوعارعى سوت توراعاسىنىڭ ايتۋىنشا, قازۇۋ تۇلەكتەرىنىڭ 155 مىڭنان استامى رەسپۋبليكانىڭ يگىلىگى جولىندا ءتۇرلى سالالاردا تابىستى ەڭبەك ەتۋدە ەكەن. ەلىمىزدە ەڭبەك ەتىپ جۇرگەن ءاربىر ءتورتىنشى سۋديا, سونىڭ ىشىندە جوعارعى سوتتىڭ 30 سۋدياسى قازۇۋ-ءدىڭ تۇلەگى ەكەندىگىنە توقتالعان توراعا, كوپ ساتىلى ىرىكتەۋدەن مۇدىرمەي ءوتۋ ءۇشىن ۋنيۆەرسيتەت قابىر­عاسىندا بەرىلگەن ءبىلىم مەن تاربيە جۇمىس­تارىنىڭ ساپاسى ناقتى بولۋى كەرەكتىگىنە باسا نازار اۋدارتتى. «ەگەمەن-اقپارات»