بىرلىكتەن اسقان باقىت جوق

كەشە قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا «قازاقستاندىق بىرتەكتىلىك جانە جالپىۇلتتىق بىرلىك تاعىلىمى» تاقىرىبىندا دوڭگەلەك ۇستەل ءماجىلىسى ءوتتى. وتىرىستى اشىپ, ونىڭ مودە­را­تورلىعىن اتقارعان قازاق­ستان رەسپۋبليكاسىنىڭ تۇڭعىش پرە­زي­دەنتى – ەلباسى كىتاپحاناسى دي­رەك­تورىنىڭ ورىنباسارى جاپ­سارباي قۋانىشەۆ بەس ينستيتۋت­تىق رەفورمانى جۇزەگە اسىرۋ ءجو­نىن­دەگى «100 ناقتى قادام» ۇلت جوس­­پارىندا بەلگىلەنگەن مىندەت­تەر­دى شەشۋ اياسىندا وزەكتى ماسە­لە­لەردى تالقىلاۋ, تاجىريبە الماسۋ باعى­تىندا بىلتىرعى جىلى ءبىر­قاتار جۇمىستار جۇرگىزىلگەنىن ايتا كەلە, العاشقى ءسوز كەزەگىن قحا كا­فەد­رالارى قاۋىمداستىعىنىڭ ءتور­ايى­مى ماحاببات قوزىباەۆاعا بەردى. «جاستاردىڭ بويىنا وتانعا دەگەن سۇيىسپەنشىلىك, ادام بويىنداعى اسىل قاسيەت – پاتريوتتىق سەزىمدى قالىپتاستىرۋدا قازاقستان حال­قى اسسامبلەياسىنىڭ نەگىزگى قاعيدا­تى­نىڭ ماڭىزى وتە زور», دەگەن شەشەن جوو-لار اياسىندا قۇرىلعان قحا كافەدرالارى اتقارعان جۇمىس­تاردى سانامالاپ, ولاردىڭ ءمانى مەن مازمۇنىنا توقتالىپ, قازاق­ستان­دىق بىرتەكتىلىكتى تەوريالىق جانە ادىستەمەلىك تۇرعىدان زەرت­تەۋدىڭ كەشەندى قولعا الىنىپ جاتقانىن العا تارتتى. ال ل.ن.گۋ­ميلەۆ اتىنداعى ەۋرازيا ۇلتتىق ۋنيۆەرسيتەتى قحا كافەدراسىنىڭ مەڭگەرۋشىسى, ەكونوميكا عىلىم­دارى­نىڭ دوكتورى اناتولي باش­ما­كوۆتىڭ ءسوزى قازاقستاندىق بىرتەك­تىلىكتى قالىپتاستىرۋدىڭ تاريحي جانە رۋحاني فاكتورى توڭىرەگىندە ءوربىدى. شەشەن ءوزىنىڭ ۇستازدىق قىز­مەتىندە نازارباەۆ ۋنيۆەرسيتەتتە ءجيى بولاتىنىن, ونداعى جاستارعا ءتالىم بەرۋشى مۇعالىمدەردىڭ 90 پايىزىنىڭ شەتەلدىكتەر ەكەنىن, ولار ءۇشىن قازاقستاندىق پاتريوتيزمنەن گورى, مامان دايارلاپ شىعۋدىڭ ماڭىزدى ەكەنىن ايتىپ, نە ەكسەڭ, سونى وراسىڭ دەگەندەي, بىزدەر ءۇشىن بىلىكتى مامان عانا ەمەس, وتانىن جانىنا وتتان دا ىستىق كورەتىن ازاماتتار قاتارىنىڭ مولايۋى ماڭىزدى. جالپى, بىرتەكتىلىك دەگەننىڭ عىلىمي انىقتاماسى 30 شاقتى, ال مەنىڭ ۇعىمىمدا ءار­بىر قازاقستاندىق ءوزىنىڭ ەتنوستىق ەرەك­شەلىگىنە, ءدىني سەنىمىنىڭ وزگەشە­لىگىنە, يدەولوگيالىق كوزقاراسىنىڭ قايشىلىعىنا قاراماستان, «مەن قازاقستان ازاماتىمىن, مەنىڭ وتانىم – قازاقستان, ونىڭ بارلىق قىزى­عى مەن شىجىعى, يگىلىگى مەن قا­تەلىكتەرى دە مەنىكى» دەگەن ويدىڭ بولمىسقا دەندەپ ەنۋىندە دەي­مىن. ۇلتىم ورىس, ءبىتىمىم قازاق­قا ۇقساماي تۇرسا دا, مەنىڭ ءدىلىم­نىڭ دەنى قازاققا اينالعان. مەنىڭ وتباسىمنىڭ كۇندەلىكتى تۇرمى­سىنىڭ قازاق وتباسىنان ايىرما­شى­لىعى از. سوعىم سويماسا, قىستان شىعا المايتىنداي كورەتىن قازاقى بول­مىسقا اينالعان, دەدى. قازاقستان پرەزيدەنتى جا­نىن­داعى مەملەكەتتىك باسقارۋ اكادەمياسى ورتالىق ازيا وڭىرىندەگى ەتنوسارالىق جانە كونفەسسياارالىق قاتىناستاردى زەرتتەۋ ورتالى­عىنىڭ باسشىسى ايگۇل سادۋاقاسوۆا بىرتەكتىلىك پەن بىرلىكتى نىعايتۋ جونىندەگى مەملەكەتتىك ساياسات ءتو­ڭىرەگىندە ويلارىمەن ءبولىس­سە, عى­لىم دوكتورى عازيز تەلەباەۆ ءبىر­تەك­­تى­لىكتىڭ قالىپتاسۋ ەرەكشە­لىك­تەرىنە قاتىستى پايىمدارىن ورتاعا سالدى. ال اتالعان شارانى قازاقستان رەسپۋبليكاسىنىڭ تۇڭ­عىش پرەزيدەنتى – ەلباسى كىتاپ­حاناسى پرەزيدەنت جانىنداعى «قو­عامدىق كەلىسىم» رمم مەن قحا كافەدرالارى قاۋىمداستىعىمەن بىرىگىپ وتكىزدى. وتىرىس سوڭى باياندامالاردى تالقىلاۋعا, پىكىر الىسۋعا ۇلاسىپ, جينالعاندار تاجىريبە الماسۋدى ورىستەتە ءتۇسۋ قاجەت دەگەن توقتاممەن تاراستى. قازاق­ستان رەسپۋبليكاسىنىڭ تۇڭعىش پرەزي­دەنتى – ەلباسى كىتاپحا­ناسى دي­رەكتورىنىڭ ورىنباسارى جاپسار­باي قۋانىشەۆ جينالعان­داردى كەلەلى ويدى جاراسىمىمەن جا­رىستىرعان, قوعامنىڭ تۇتاستىعىن باستى ۇستانىم ەتكەن جانداردىڭ ءاربىر باسقوسۋى وسىلاي ءوتۋى ءتيىس, سىزدەردىڭ بارىڭىزگە تابىس تىلەيمىن, دەپ العىسىن جەتكىزدى. انار تولەۋحانقىزى, «ەگەمەن قازاقستان»